أول حادثة في حياتك ومش قادر تنساها

**medododo** · 29-09-2012 02:44 AM

المشاركة الأصلية كتبت بواسطة حماده المصري

الله يرحمه ويحسن اليه ويرحم جميع موتى المسلمين يارب وينصر المستضعفين في كل مكان

انا في حوادث كتير اوي شالتها اول عربيه في حياتي النيو اكسنت

بس قبل كده كنت في 3 اعدادي

عربيه ابويا هناك كورولا في الامارات اخدتها اوصل واحد صحبي وقفشت معايا اني اجري وقسما بالله كنت ياما في 3 اعدادي او اولى ثنوي بالكتيير قعدت اهبل وبتاع واجري واجي يمين وشمال وكنت برضو ضعيف وقتها لا فيه قدره على الفرمله الصحيحه ولا في قدره على تقريب المسافات للتوقف
المهم دخله يمين قربت وانا طاير رلاوحت دايس فرامل على الاخر وداخل يمين قعدت تزحف لحد ما طلعت فوق الرصيف بفرده كوتش والحوار ده خطر هناك جدا سواقه بدون رخصه ممكن ترجع مصر فيها نزلت العربيه انا وصاحبي وركبنا الاسبتن وروحتها وتاني يوم اخدت علقه ملهاش مثيل

بالنيو اكسنت بقى كنت مره بجري على الدائري وباخد غرزه يمين لقيت في وشي باجيرو قديمه وصاحبها بقف كبير بفرمل جامد لقت البقف ده بيدوس فرامل وروحت لابس فيه هو محصلوش حاجه غير الاكصدام نزل شويه
انا بقى الرفرف والاكصدام والفانوس زعلوا بس كويس العريبه محصلهاش حاجه في دزره التبريد والجو ده ومشيت ولا كان في حاجه وقعدت اساسا فتره كبييره لحد ما صلحتها

المهم نزل ونزل معاه راجل ببلطو وانت عيل مستهتر وسايق العربيه ورخصك وشكلك سارقها وغريبه يعني انا شكلي مش بلطجي روحت مهزقه طبعا وداخل فيه شمال كنت وقتها 18 سنه ولسه بقى في سن الطيش وهو كان من النوعيه الي بتتخانق مع دبان وشه وللاسف في منهم في مصر كتير
قالي تسبلي رخص العربيه قولتله مسيبلك العربيه احسن انت مجنون ياعم انت ولا ايه انا مش فاضي لاهلك انا ننزل الحي السابع واصلحلك الاكصدام وتحط لسانك في بقك وولا كلمه وهو طبعا انتوا وعيال مش عارف ايه والجو ده سيبته ومشيت قولتله انا قولت الي عندي

---------------------------

مره بقى كنت سخنان وانا وواحد صحبي معاه 504 كانت من انضف العربيات في مصر عفشه مجدده وجنط نضيييييييف ومتور خراااااااافي انا بجري مش عارف اجيبه غير بعد 150

المهم بجري في شارع الاردنيه في اكتوبر حته ميتمشيش فيها 50 على بعض هو جري جامد وانا في ضهره بجاه بيهدي عشان المطب وانا داخل مكبس عليه وافاجء ان قبل المطب في رمل راحت زحفه برضو ووكسرت يمين جامد
وهوبا خبطه بالرفرف وطلعت فوق الرصيف شمال ونزلت لوحدها
العربيه محلصهاش جاجه بس الرفرف اتخيش

حراااااااااااااااااااااام ايه ده كله والله بجد الحمد لله انك بخير
ربنا يسترها معاك يارب

المشاركة الأصلية كتبت بواسطة elpasha1

ربنا يكفينا شر الحوادث

أمين يارب وكل اعضاء المنتدى وكل واحد سايق عربية

المشاركة الأصلية كتبت بواسطة ibn_seena

الله يرحم والدك

علي فكرة . اسلوبك مسخرة

الله يرحم امواتك واموات المسلمين اجمعين

بالنسبة للأسلوب ربنا يخليك من ذوقك
أنا كنت بكتب شعر وقصة قصيرة وأغاني
بس الحمد لله الجواز والأولاد قضوا على كل حاجة ذي الجراد لما يدخل على العشب الأخضر

**yasserelsayad** · 29-09-2012 02:47 AM

ياااا انا اول حادثة ليا تقريبا شبه بتعتك بالظبط

كنت راجل باردوا من المدرسة بعد اخر امتحان فى 2 ثانوى
وباص المدرسة نزلنى قدام البيت انا و2 من اصحابى عشان نقضى اليوم مع بعض
والدى ساعتها كان مسافر برا مصر والعربيات بقى مركونة قدام البيت ملهمش صاحب

طلعت البيت والحاجة حتطلنا الغداء وتمام وقلنا ننزل نخرج بقى انا وصحابى
انا ساعتها كنت بسوق وهما عرفين ومكنتش بقى بسرق العربية خلاص :)

وقولت للحاجة متجيبى مفتاح المرسيدس (كانت لسه بشوكها) والحمد لله انها مرديتش
والا كان زمان مفيش ياسر دلوقتى

نزلت ساعتها واخدت دايو ليجانزا واقعدنا نلف انا والعيال وتمام وروحنا شربنا عصير وزى الفل
واحنا مروحين بقى وفى شارع البيت وكنت ماشى 80 مثلا وهوب عربية وقفت عايز يعمل u turn
روحت دايس فرامل على الاخر .. مفيش فرامل (كان السيرفو فيه حاجة .. حبكت يعنى دلوقتى)
شاديت الهاند مفيش هاند
جيت افادى العربية من اليمين لقين ناس روحت اتكلت على الله ودخلت فى الشنطة بتاعته طيرته بتاع 10 متر كدا ولا حاجة ومكناش طبعا ربطين حزام ولا حاجة (بس بصراحة العربية تمام انا تقريا متحركتش من على الكرسى)
طبعا الناس اتلمت وصاحبى اللى كان قاعد ورا جاله تقريبا حالة من الرعب لدرجة ان هو منزلش معانا وفضل قاعد جوا العربية وانا نزلت اتخانق مع الراجل والحمد لله الناس هناك كلها عرفنى وشافه اللى حصل فا انا خلعت من موضوع انى اصلح العربية للراجل
المهم ابص على العربية عندى الاقى الفانوس الشمال مكسور والاكصدام بالفوج والكبوت مطبق هو والرفرف
ادخل العربية تمام لسه دايره والتكييف شغال مفيش حاجة
روحت رايح على البيت راكن العربية ومغطيها تمام ومتكلمتش فى الموضوع دا غير لما اكتشفوا المصيبة بعديها بيومين مثلا
والحاج جيه من السفر وحكتله اللى حصل والحمد لله معملش حاجة غير انى اتهزقت منه شوية عشان لما قلته العربية ملقتش فيها فرامل طلع جربها لقى الفرامل تمام مفيهاش حاجة (السيرفو ابن الجزمة ) وموضوع الفرامل اللى راحت دا محصلش تانى غير بعدها بسنتين ولا حاجة معاه وكان هيدخل فى واحد باردوا بس هو ساعتها جيه قالى وعمل العربية

بس كدا الحمد لله

**eldell** · 29-09-2012 02:55 AM

اول حادثه ليا كنت انا وصحابى وشاارب شويه وماشيين قاعدين بنخمس وناخد فى دريفتات انا وواحد صاحبى جيت عند بنزينه موبيل التجمع الخامس ومش عارف ايه الى حصل حطيت بنزين وطالع واخد من جنب الترنبه درفتايه وكملتها لحد منزل البنزينه وبعدها روحت شادد الهند عكس وكابس برضه روحت مخمس بعدها تقريبا دخت بدل ماادوس فرامل روحت مديها بنزين ههههههههههههههههههههههههه ه روحت راكب رصيف محترم جداااااااااااا وساعتها الكبوت اتنى سنه والحديده الى تحت الاكصدام اتخفست لجوه بس الحمد لله ديه اول حادثه بعدها حوادث بقى ماشاء الله كتييييييييييييير بس مفيش والا واحده الحمد لله على سرعه وده من حب ربنا للواحد

**maheralsisi** · 29-09-2012 03:53 AM

بسم الله ما شاء الله ايه الجمال ده ده المنتدى بعد كده يبقي اسمه نايل اكسيدنت
والله انا هم حادثتين في حياتي ( ده طبعا ما بنتكلمش في الحاجات البسيطة فانوس و شنطة و باب و الكلام العبيط ده
الأولى باللادا في ميدان التحرير قبل الثورة بكتيرررر تقريبا اواخر 2009الساعة 2 الظهر
جاي من عند المتحف رايح وسط البلد و الجو رايق و هادي الاشارة قفلت هديت ووقفت بالراحة جدا و مورت و رفعت رجلي مستني الاشارة تفتح و طراااااخ لقيت نفسي معدي الاشارة و الصينية و في نص التقاطع الثاني اللي الناحية التانية ركنت و نزلت اشوف اللي حصل لقيت تاكسي فرنا ماعرفش كان بيعمل ايه مع المزة اللي جانبه بعد ما خبطني الحمد لله اني كنت ممور انا عديت و هو وش العربية عنده راح ووقف في نص الشارع فلبست فيه من الجنب عربية 4*4 جابتله الجنب و البابين عنده كاملين غير وش العربية عنده و طبعا كام خبطة من كام عربية ورا بعض ( ده الميدان الساعة 2 قبل الثورة يا جدعان ) بصيت عندي لقيت الفبرة بتاعة الاكصدام وقعت و الاكصدام متني صعب عليا الراجل سبته و مشيت ( بس اكيد بتاع ال4*4 ماسابوش و لا بقية العربيات )
التانية من 20 يوم بالضبط و لحد دلوقتي مش عارف ايه اللي حصل في مطلع كوبري و طالع يادوب 60 بالعافية و العربية عطلانة اساسا و اخر حاجة فاكرها اني كنت في نص المطلع و لقيت حد بيفتح الباب ينزلني من العربية و لقيت نفسي في نص النزلة ؟؟؟؟؟؟
و ستر ربنا هو اللي خلي العربية ما تطيرش من فوق الكوبري
و مش فاكر اي حاجة خاااالص و لا كنت باجري و لا فيه زحمة و لا اي شئ و برضه الساعة كانت واحدة و نص الضهر. و السمكري مصمم اني عملت الحادثة مش اقل من سرعة 120؟؟؟؟ قالولي يمكن اغمي عليك ضغط او سكر
و رحت كشفت ضغط وسكر و الحمد لله عادي مافيش حاجة
هاقول ايه النصيب
بس نفسي افهم 120 ازاااااااي ؟

**ibn_seena** · 29-09-2012 05:17 AM

اول حادثه حصلت من اربع سنين
كنا ايامها شاريين التيوتا كورولا كامله ولسه زيرووووووو. ..
المهم.
الحج ما كنش بيخلي حد يحط رجله فيها نهائي. يعني ساعات كنا بننزل منها عند المطبات العاليه علشان ما تحكش. ........
ويوم طلعنا نزور عمي. سبتهم وطلعت اتفرج عالعربيه وبيني وبين نفسي عمال اقول بكرة اجري بيكي واجيب اخرك. ....
المهم لقيت ابن عمي طالع بمفتاحها. ما سدقتش. هات يا عم المفتاح. لا انا الاول.
المهم ركبت الاكسنت بتاعته وهو طلع قدامي. ماشيين في امان الله وداخلين عادي علي مطب واذ فجاة الباشا كبس الفرامل وهو واخد عالاكسنت. طبعا يا باشا. التويوتا كلبشت مكانها. وانا وقفت على فرامل الاكسنت وهي ولا هنا. العربيه كانت بتتحداني. وتقترب. وتقترب وهوووووووب. ظلاااااااام
البس يا باشا. نزلت ما بصيتش عالاكسنت اساسا. لقيت اكصدام التيوتا من ورا متفرتك. ... ونزلت شتايم فيه يا غشيم. انت فاكرها كوري. .... دي فراملها قوية جدا

. وطبعا عم الحج خاصمني وش. ...

**د. علاء ابراهيم** · 29-09-2012 05:21 AM

الله يرحمهم جميعا
يااااه فكرتنى بالذى مضى
كنت بالعربية ال504 و معدى من تحت الكوبرى فى غمرة ( جيت من رمسيس و متجه الى العباسية )
فى بعد كده كوبرى بتطلعه و اما تنزل بتبقى جنب الكاتدرائية ( على شملك ) و تبقى شايف مسجد النور على مدد البصر

المهم قبل الكوبرى ده ب شوية فى شارع جانبى شمال
المهم انا معدى و جبت الرابع ( سرعتى كانت بتاع 70) و بصيت شمالى لا حد يطلع من الشارع ده فجأة مندفع ولا حاجة ما هو البها(تييييييت) كتير بس ماكانش فى حد
ماشى انا فى نص الشارع
و خلاص معدى امام الشارع اياه و تمام و افجأ بسيارة لادا بتاعة شرطة تقريبا اللى سايق عسكرى و جنبه واحد زيه
الاستاذ اكتشف ان هوا كان عايز يدخل الدخلة دى و هيا كده فاتته
كان هوا امامى بكام متر و فى الحارة اليمين جنب الرصيف
و انا فى الحارة اللى فى المنتصف وراه
يعمل ايه صاحبنا بعد ما الدخلة فاتته
راح لافف زاوية تسعين درجة شمال و راجع لها
ولك ان تتخيل

**semi** · 29-09-2012 07:36 AM

الناس اللي داخله بتقول بلاوي والغريبة انها كلها تضحك سبحان الله
عن نفسي اول حادثة برضه في حياتي كوميدية
كان والدي قاعد جنبي في العربية متفهمش ليه دايما يبقوا متورطين معانا :)
المهم عمال يأكل في لب سوبر ومستمتع جدا وكله ثقة اني بقيت خلاص استاذ سواقة
المهم قربنا من ملف يو ترن وداخل بقلب جامد شوية وسريع وادوس على الفرامل
ان العربية تفرمل كأنها فرامل بسكلته بالظبط والعربية عمالة تبطأ تبطأ تبطأ وتقرب من عربية جديدة
واحدة واحدة لحد ما تكككككك لبسنا فيها لبسة زي العسل
ومن سخرية القدر ان العربية كانت لسه جديدة وكان فيها اللمعة اياها بتاعة الفبريكا
والراجل نزل كان هيتشل ادامنا لكن الموضوع خلص على خير وروحنا وفضلت فترة بسيطة متعقد من السواقة
ووالدي بطل يأكل لب لما يقعد جنبي وانا بسوق

المشاركة الأصلية كتبت بواسطة y a r i s

اول حادثة في حياتي كان الحج عندو عربيتين. وكان في الشغل وسايب العربية التانيه ياحرام مركونه ومتغطية. ... انا بصراحة صعبت عليا العربية قوووي. .... وقلت لما اعريها واسوقها شوية واحرك. عجلاتها بدل الركنة الي هتخربها دي .... المهم طلعت بالعربية ولفة في جامعة الدول كان اياميها ويمبي بقه لسه جديد ضربتلي الهمبورجر ومكنش اياميها فيه حاجة اسمها كاشتب حتى المهم جي راجع البيت بسرعه قبل مايجي الحج واذ فجئتاً اشوف عربية بيجو ٥٠٥ بتاعت الحج في وشي .... هو لمح في المرايا عربية وراه شبه عربيتو وبيبص علي سايق لمحني انا فقام مفرمل في وشي قال يعني عاوز يعترض طريقي انا من هول الصدمة بدل ما ادوس فرامل رجلية اتشيلت ودوست بانزززززززين ههههههههههه. ولك ان تتخيل العربيتين. بقوا شكلهم عامل ازاي

هههههههههه ياراجل ضحكتني والله انت عملت مع والدك الصح العربيتين في وقت واحد
الشئ الغريب بقى ان الواحد لما بيعمل كده بيبقى اخر شخص المفروض يشوفه
بيلاقيه دايما في وشه سبحان الله الشيطان بقى

**Ahmed Selim** · 29-09-2012 07:39 AM

هههههه موضوع ظريف جداً

أنا أول حادثة و الحمد لله كانت بعربيتي الشخصية مش عربية حد تاني

العربية كانت بى أم e30 و لسه شاريها من أقل من شهر..........و قبلها بكام يوم كنت بتكلم مع الحاج ربنا يديله الصحة علشان عاوز أرش العربية و هو يقولي مش دلوقتي........كان قلبه حاسس ههههههه.

كنت ماشي عند النادي الأهلى فى مدينة نصر وواخد شمال الشارع و ماشي على 90 أو 100.........قدام شوية فيه يو ترن و فيه واحد بهوندا سفيك هاتش باك موديل اوئل التمانينات ماشي فى الشمال برضه و مش مدى إشارة أو أى حاجة تدل على أنه هيلف...........البيه كان مركب أكصدام حديد.............حديد حديد من اللى بيبقى معمول عمولة مش تهريج.

المهم هو فجأة و أنا وراه بحوالى عشرين أو 30 متر قرر أنه يلف..........وراح مهدى جامد......رزعت فرامل و كان على حظي الحلو فيه رمل على الأرض......العربية فى أخر 3 أو 4 متر بعد ما كانت قربت تقف زحفت بسبب الرمل و طاااااااااااااااااخ.

نزلت ببص عندى بقيت كبوت و رفرف و فانوس و أكصدام.......ببص على الهوندا...........ولا الهوا............الأكصدام متحركش من مكانه :)

طبعاً بتاع الهوندا بص على عربيتي و ركب عربيته و مشي.

رجعت البيت قولت للحاج طبعاً أفتكر أنى خبطتها علشان أرشها عافية هههههههههههههههه.

**SAMEH_FOUAD** · 29-09-2012 11:41 AM

المشاركة الأصلية كتبت بواسطة y a r i s

اول حادثة في حياتي كان الحج عندو عربيتين. وكان في الشغل وسايب العربية التانيه ياحرام مركونه ومتغطية. ... انا بصراحة صعبت عليا العربية قوووي. .... وقلت لما اعريها واسوقها شوية واحرك. عجلاتها بدل الركنة الي هتخربها دي .... المهم طلعت بالعربية ولفة في جامعة الدول كان اياميها ويمبي بقه لسه جديد ضربتلي الهمبورجر ومكنش اياميها فيه حاجة اسمها كاشتب حتى المهم جي راجع البيت بسرعه قبل مايجي الحج واذ فجئتاً اشوف عربية بيجو ٥٠٥ بتاعت الحج في وشي .... هو لمح في المرايا عربية وراه شبه عربيتو وبيبص علي سايق لمحني انا فقام مفرمل في وشي قال يعني عاوز يعترض طريقي انا من هول الصدمة بدل ما ادوس فرامل رجلية اتشيلت ودوست بانزززززززين ههههههههههه. ولك ان تتخيل العربيتين. بقوا شكلهم عامل ازاي

ههههههههههههههههههههههههه ههههههههههههههههههههههههه هههههههه

مش قادر امسك نفسى من الضحك , ياباشا حرام عليك هو مافيش مشاركة ليك غير لما تموتنى من الضحك كدة

انا مش متخيل منظرك ولا منظر الحاج وهو شايف عربيتة ورا

لأ والمصيبة ان العربيتين اتخبطوا فى بعض وهيتركنوا مع بعض

ماشيين بمبدأ ( يانعيش سوا يانموت سوا )

الموضوع: أول حادثة في حياتك ومش قادر تنساها

LinkBack

أدوات الموضوع

عرض

-

-

-

-

-

المواضيع المتشابهه

ما هى السياره فيلت القديمه اللى ركبتها و مش قادر تنساها ؟

همووووووووووووووت مش قادر

همووووووووووووووت مش قادر

مجرد حادثة من ألف حادثة لكن تجلى فيها كل التخلف

الكلمات الدلالية لهذا الموضوع

المفضلات

المفضلات

ضوابط المشاركة