المقارنه صعبه لان الفئتين مختلفتين فى الحجم
وعوامل الامان
والكماليات
والموتور
وبالارقام موتور الشارك اقوى بس مش بفرق كبير , الفرق بالظبط 9 حصان و 18 نيوتن بس على فكره الصح بتاع موتور الشارك الجديد بنزين 95 لان نسبة انضغاطه 11 , محطتش 95 هاتاخد اداء اقل , غير ان وزنها اتقل بحوالى 150 كجم , يعنى الفرق مش شاسع فى الاداء
الفتيس الاتنين 4 سرعات بس الريو فتيسها ستيبترونيك الشارك لأ
العفشه ونظام التعليق الشارك تتفوق بجداره
الاوبشنز والكماليات الريو
عوامل الامان ( ABS و EBD و 2 AirBags و Immobilizer ) فى صالح الريو
الوكيل وفترة الضمان ( 5 سنين او 100 الف كم ) فى صالح الريو
اسعار الصيانات وقطع الغيار اعتقد فى صالح الريو برضه
غير ان الريو شكل وتصميم جديد لسه بدرى على ما تتغير الشارك اكيد اخرها سنه ولا اتنين وتتغير
رأيى فى حدود المبلغ دا الريو افضل , لو الشارك عاجباك يبقى تزود المبلغ شويه عشان تجيب فئه كويسه
المفضلات