الموضوع: اسال ويجاوبك مهندس نجاد من بريدجستون

م نجاد

هل لما أغير كاوتش جديد لازم أرصص ؟؟ زى ما بعض الناس بتقول
ولا أستنى كام يوم لحد ما الكوتش يطبع زى البعض الآخر ما بيقول
ياريت الرأي الصح ايه فى الرأيين .

المشاركة الأصلية كتبت بواسطة asarhan

بشمهندس نجاد
تحية طيبة،،،

أرجوا من سيادتك الرد بخصوص سعر الكاوتش تورانزا R17/225/45 يابانى GR 80 Super Silent.



ولكم جزيل الشكر والتقدير

1368جنية

المشاركة الأصلية كتبت بواسطة THETOP

السلام عليكم ورحمه الله وبركاته

تحياتى لك يا بشمهندس نجاد

انا معايا سيفيك 2008

وعندى الكاوتش الامامى الشمال

منذ شهر او اكثر الكاوتش بيريح

بس انا قلقان اروح للاى بتاع كاوتش جمبى يعملوا عشان

بصراحة مش بيفهموا وانا مش عايز الكاوتش يبوظ

فا لما بلاقى مريح

بزودة بالكمبروسر الخاص بى (كمبروسر صغير بيشتغل على الولاعة تبع العربية)

ويمشى تمام ويقعد اسبوع واللقى ريح تانى بروح مزودة

هل كده فى مشكلة انى بزودة ومرحتش كشفت عليه

انا كنت مستنى الصيانة الجاية اروح التوكيل وهما يتصرفوا عندهم وأأمن.

تنصحنى بى ايه يا بشمهندس

هل اروح اعملها بره وخلاص عند اى حد

ولا استنى الصيانة افضل واستمر فى التزويد الكاوتش.

للعلم انى عرفت ان الخابور بيبقى مشكلة فى الكاوتش.

وان اللحام المكوة افضل وشكرا.

وجزاك الله عنا كل خير

ويجعله عامر

حاول الوصول لأى فرع من فروعنا للكشف على الاطار واصلاحه ... هناك رد سابق عن طريقة الاصلاح ارجو الاطلاع عليه

المشاركة الأصلية كتبت بواسطة verysad

ياريت بعد اذنك توضيح
هل توجد باطارات بريدجستون علامة لسهم موجودة على سطح الإطار ، و التي توضح اتجاه دوران الإطار عند السير للأمام و خاصة لاطار 175-70-13
مع الشكر .

هذا المقاس ليس له اتجاه دوران محدد اى ليس احادى الدوران

المشاركة الأصلية كتبت بواسطة verysad

ياريت لو المهندس نجاد يخبرنا بأفضل طريقة لتخزين الكاوتش .
و هل المتاح من الكاوتش مقاس 175-70-13
تايلاندى ام يابانى ام كلاهما متوافر خاصة بفرعكم بالمنصورة .

المتوفر من هذا المقاس يابانى واندونيسى، اما موضوع التخزين فسوف اتناوله فى القريب ان شاء الله

المشاركة الأصلية كتبت بواسطة ussamalh

انا اسمى اسامة
انا غيرت 2 كاتوش عندكوا 195 60 15 Gr
عربية جين 2 والاتنين الخلفى سيلفر ستون نفس المقاس الاصلى
ده بياثر على الثبات بتاع العربية
و كمان هل فعلا النقشة دى Gr دى معملوه لتفادى التعويم فى الميه و الزيت .
ولو حضرتك تنصح بموديل تانى حتى لو اغلى فى بريدجستون
قلى عليه لانى بسافر كتير وعو عاوز موديل يدينى ثبات عالى .
و بتعامل فى فرعكوا بتاع جنوب سيناء الى فى شرم الشيخ
و جزالك الله كل خير

النقشة GR80 هى افضل نقشة فى هذا المقاس، ووجود اطارات متآكله بالمحور الخلفى يؤثر على الاتزان فى الدورانات

المشاركة الأصلية كتبت بواسطة dod4ever

انا عندى اطارات الفيكترا 195/65-15 عايز اغير الاطارات الى 205/60/15 ايه راى السادة فى المنتدى عن هذاالتغير و هل هو للاصلح ام للاسواء
و شكرا للسادة الاعضاء

يمكن تركيب هذا المقاس ولكن بعد التاكد والرجوع لمصنع السيارة

المشاركة الأصلية كتبت بواسطة verysad

م نجاد

هل لما أغير كاوتش جديد لازم أرصص ؟؟ زى ما بعض الناس بتقول
ولا أستنى كام يوم لحد ما الكوتش يطبع زى البعض الآخر ما بيقول
ياريت الرأي الصح ايه فى الرأيين .

يجب الترصيص قبل تركيب الجديد ولا يجب الانتظار... اشكركم جميعا

المشاركة الأصلية كتبت بواسطة tananybasha

السلام عليكم
كل سنة و انت طيب طيب يا باشا
انا كان عندى مقاس العربية الأصلى 195-60-14 و جت عجلة ضربت و مالقتيش نفس النقشة ( كونتنلتال )
عموماً للظروف الأقتصادية كان عندى كاوتش تويو بتاع تويوتا كرولا 2006 جبتها و غيرت الكاوتش و خليت القديم عندى هو مقاسة 185-70-14
حاس ان عداد السرعة مخرف يعنى 20 كم تبقى قرب 35 - 40 كم ممكن اقل ساعات و العربية مش مضبوطه
احساسى صح و لا غلط و هل المقاس ده غلط على العقشة
و هل بريدجيستون مقاس 195-60-14 افضل من الألمانى و سعر المقاس ده كام
و لو عايز ارصص اروح فين و بكام ؟
شكراً يا باشا
اوبل فيكترا 1995

هناك فرق فى قطر الاطارين فالاصلى 590مم والاخر 616مم فلا يجب استخدام 185/70أر14 كبديل وسوف تلاحظ تغيير بعداد السرعة مقداره 4.2% فلو العداد 100كم/س ففعلا انت تمشى بسرعة 96كم/س ... مع تحياتى للجميع

اقتباس:
أرسل أصلا بواسطة verysad
م نجاد

هل لما أغير كاوتش جديد لازم أرصص ؟؟ زى ما بعض الناس بتقول
ولا أستنى كام يوم لحد ما الكوتش يطبع زى البعض الآخر ما بيقول
ياريت الرأي الصح ايه فى الرأيين .

يجب الترصيص قبل تركيب الجديد ولا يجب الانتظار... اشكركم جميعا


م نجاد
شكرا لمجهودك معانا ,
معلش سؤال ماهى الأضرار المتوقعة التى من الممكن ان تحدث لو انى لم ارصص ؟
شكرا لك .