الموضوع: اسال ويجاوبك مهندس نجاد من بريدجستون

المشاركة الأصلية كتبت بواسطة osamaos20022

السلام عليكم
انا شاري 4 فرد عامل بيهم 12 الف كم فرده اتقطعت نا الجبن ركبت الاستبن بقي الفردتين اللي ورا واحد 175/70 والتانيه 165/70
ايه المشكله في كده؟
شكرا

الأخ أسامة...
لابد ان تكون الاطارات المركبة بالسيارة بنفس المقاس والنقشة والعمر طالما أن مصنع السيارة حدد ذلك... اما فى حالة سيارتك فلا يجوز ان نضع اطارين على نفس المحور (الأكس) بمقاسين مختلفين وذلك لأن القطر الكلى مختلف فيؤدى الى:-
* تآكل غير منتظم وسريع فى الفردتين
* عدم اتزان السيارة لوجود ميول (فرق القطرين)
* اختلاف التماسك مع الارض
* خلل فى اتزان السيارة اثناء الفرامل مع السرعة

افضل شئ انك تغير فردتين باثنان جدد ويركبا بالمحور الخلفى

اشكرك وكل عام وجميع الاعضاء بخير

المشاركة الأصلية كتبت بواسطة asaadte

مساء الخير يا باشمهندس
انا لاحظت ان الكاوتش عندى فيه فردة بتريح
يعنى كل عشرة ايام ينزل من 30 الى 28
هل دة عيب صناعى ولا ممكن يكون اتخرم او ممكن يكون عيب بلف
العربية لسة زيرو
الكاوتش tubeless
شكرا لسيادتك

العضو العزيز ... أول حاجة لازم تعملها أن حضرتك تشرفنا فى اى فرع من فروعنا Fit&Fix لكى نقوم بالكشف على الاطار لمعرفة ما مشكلته بالضبط
مع تمنياتى بقيادة آمنه

[QUOTE=civic2009;563164]بشمهندس نجاد
بعد التحية ,,, احب استفسر من حضرتك هل الكاوتش Bridgestone Turanza 205/55/16R E30 91V
من الانواع ذات الصوت العالى عل الطريق يعنى الواحد على السرعات من 60 الى فوق طبيعى انى يسمع
صوت كدة ذى exhaust pipe

انا كشفت فى التوكيل و قلولى العربية مفهاش حاجة دة نوع الكاوتش هو كدة و حيروح مع الوقت!!!!بس انا بصراحة مش مقتنع...

بس للامانة انا قرات فى منتديات برة ان فى انواع مزعجة ذى turanza و انوع silent tires

ارجو الافادة و شكرا

بشمهندس نجاد

انا لسة منتظر رد حضرتك

و شكرا

[QUOTE=civic2009;566587]

المشاركة الأصلية كتبت بواسطة civic2009

بشمهندس نجاد
بعد التحية ,,, احب استفسر من حضرتك هل الكاوتش Bridgestone Turanza 205/55/16R E30 91V
من الانواع ذات الصوت العالى عل الطريق يعنى الواحد على السرعات من 60 الى فوق طبيعى انى يسمع
صوت كدة ذى exhaust pipe

انا كشفت فى التوكيل و قلولى العربية مفهاش حاجة دة نوع الكاوتش هو كدة و حيروح مع الوقت!!!!بس انا بصراحة مش مقتنع...

بس للامانة انا قرات فى منتديات برة ان فى انواع مزعجة ذى turanza و انوع silent tires

ارجو الافادة و شكرا

بشمهندس نجاد

انا لسة منتظر رد حضرتك

و شكرا

العضو العزيز ... آسف جدا على التاخر فى الرد عليك بالنسبة لسؤالك فحسب علمى أن ال Turanza ER30 لا تصدر اصوات مزعجة كما توصف حضرتك وطبعا يجب ان تقوم بزيارتنا بفرع كالتكس عباس العقاد لكى نفحص الاطارت ونتمكن من الرد على استفسارك, اما موضوع المنتديات بره فللأسف هناك بعض المعلومات الغير صحيحة يتم تداولها مثلها مثل المنتديات جوه فمثلا أن الـتورانزا مزعجة على الاطلاق فأنا اشك فى صحة هذة المعلومة نهائيا والسبب بسيط جدا جدا :-
* التورانزا هى عائلة من النقشات المتعددة وليست نقشة واحدة فمنها ال Quite, و Silent و Super Silent فلا نستطيع ان نقول قطعيا ان التورانزا مزعجة أو Super Silent .
مرفق صورة لمواصفات ومزايا تورانزا ER30 ارجو ان يفيد.

مع اطيب التمنيات للجميع بعام هجرى جديد سعيد وعام ميلادى جديد سعيد

المشاركة الأصلية كتبت بواسطة asarhan

السلام عليكم يا بشمهندس نجاد

انا اشتريت عربيه جيتا من شهر الكاوتش اللي راكب فيها R17/225/45 ماركة Continental بتاع الفبريكة
المهم اني امبارح بالليل و انا ماشى علي الدائري اخدت نقره جامدة بسرعتي و علي اثرها عملت انتفاخ صغير على جانب الفرده الشمال الاماميه
وعليه هل ذلك سيؤثر علي سلامه السياره و الركاب ويحتاج تغييرها مع العلم اني عملت 1500 كم فقط
و ما هي النصيحه اللي حضرتك ممكن تقدمها لى

العضو العزيز... حمد لله على سلامتك وطبعا احنا الطرق عندنا زى الفل وما فيش كده فى الدنيا كلها ، وما اقول دائما عمار يا مصر.... يؤسفنى أن اخبرك أن هذا الاطار حاليا يشكل خطر كبير على سلامة السيارة وبالتالى سلامة من هم بداخل السيارة .... الركاب لذا يجب استبداله بالاستبن فورا وشراء بديل له فى اسرع وقت ممكن....
مع اطيب التمنيات بقيادة آمنه