اسال ويجاوبك مهندس نجاد من بريدجستون

**asarhan** · 04-01-2009 12:21 PM

نشكرك يا مهندس /نجاد علي كرم اخلاقك

**Jato.33** · 06-01-2009 08:13 PM

ممكن أسعار الإطارات الأتية

14" 195/50
14" 195/55

مع الشكر

**Jato.33** · 07-01-2009 01:36 PM

or

14" 185/55
13" 215/50

**negad** · 07-01-2009 10:07 PM

المشاركة الأصلية كتبت بواسطة Jato.33

ممكن أسعار الإطارات الأتية

14" 195/50
14" 195/55

مع الشكر

المشاركة الأصلية كتبت بواسطة Jato.33

or

14" 185/55
13" 215/50

العضو العزيز.... نآسف لعدم انتاج بريدجستون هذة المقاسات ... كل عام وانتم جميعا بخير

**sherif_84** · 07-01-2009 10:28 PM

باشمهندس نجاد
ازى حضرتك يارب تكون بخير
سؤالى انا معايا نوبيرا 2006 ماغيرتش الاطارات بتاعتها من وهى زيرو لغاية دلوقتى والعربية ماشية 58000 كم وكنت عايز أبدل مكان الاطارات وأملاهم نيتروجين فهل اعمل الكلام ده دلوقتى ولا استنى لما اغير الاطارات على 60 او 70 الف مع العلم انى مابدلتش أماكن الاطارات لغاية دلوقتى ومع السرعات العالية بتبقى فى رجة فى الدريكسيون ده بيكون بسبب ايه
أسف على الاطالة وجزاك الله خيرا

**Matrix_Reloaded** · 08-01-2009 01:37 AM

شكرا يا مهندس نجاد انا استفد فعلا ويمكن فيه حاجات لأول مرة اعرفها وفيه عندى شوية اسئلة
- عربيتى اوبل كورسا 1200 Cc مو 95
- مقاس الكاوتش هو 165/70ر13
ولازم اغير فردتين لأن واحدة ضربت سلك وكانو سلفرستون ماليزى بصراحة كاوتش مش حلو عامل 30000 كم فى سنه و10 شهور
سألت مالقيتش غير البردجستون الأندونيسى ب 260ج ياترى يفرق ايه عن اليبانى وخاصة ان الفرق 100ج؟
- ينفع مقاس 175/70ر13 او اى مداس اعلى على نفس الجنط؟ لأنى مش لاقى حاجة عن العربية دى فى مقاسات الكاوتش
- الفردتين اللى قدام 165/70ر13 جى تى اندونيسى بقالهم 3 شهور ياترى ممكن اسيبهم لو حاعرض المداس ولا اغيرهم؟
- الفردتين الجداد يركبوا ورا ولا قدام حضرتك بتقول ورا طب بعد اذنك ممكن اعرف ليه؟

واخيرا شكرا على مجهودك ووقتك

**civic2009** · 08-01-2009 02:13 PM

المشاركة الأصلية كتبت بواسطة negad

أرسل أصلا بواسطة civic2009
بشمهندس نجاد
بعد التحية ,,, احب استفسر من حضرتك هل الكاوتش Bridgestone Turanza 205/55/16R E30 91V
من الانواع ذات الصوت العالى عل الطريق يعنى الواحد على السرعات من 60 الى فوق طبيعى انى يسمع
صوت كدة ذى exhaust pipe

انا كشفت فى التوكيل و قلولى العربية مفهاش حاجة دة نوع الكاوتش هو كدة و حيروح مع الوقت!!!!بس انا بصراحة مش مقتنع...

بس للامانة انا قرات فى منتديات برة ان فى انواع مزعجة ذى turanza و انوع silent tires

ارجو الافادة و شكرا

بشمهندس نجاد

انا لسة منتظر رد حضرتك

و شكرا

العضو العزيز ... آسف جدا على التاخر فى الرد عليك بالنسبة لسؤالك فحسب علمى أن ال Turanza ER30 لا تصدر اصوات مزعجة كما توصف حضرتك وطبعا يجب ان تقوم بزيارتنا بفرع كالتكس عباس العقاد لكى نفحص الاطارت ونتمكن من الرد على استفسارك, اما موضوع المنتديات بره فللأسف هناك بعض المعلومات الغير صحيحة يتم تداولها مثلها مثل المنتديات جوه فمثلا أن الـتورانزا مزعجة على الاطلاق فأنا اشك فى صحة هذة المعلومة نهائيا والسبب بسيط جدا جدا :-
* التورانزا هى عائلة من النقشات المتعددة وليست نقشة واحدة فمنها ال Quite, و Silent و Super Silent فلا نستطيع ان نقول قطعيا ان التورانزا مزعجة أو Super Silent .
مرفق صورة لمواصفات ومزايا تورانزا ER30 ارجو ان يفيد.

مع اطيب التمنيات للجميع بعام هجرى جديد سعيد وعام ميلادى جديد سعيد

ارجو معاينة المرفق ففيه مذكور أن هذا الاطار يوفر Silent and smooth ride.

الف شكر يا بشمهندس

**dr_timo** · 08-01-2009 06:05 PM

لو سمحت ياباشمهندس انا كانت زوايا في عربيتي مش مظبوطة فدة خلا الكاوتش الشمال الامامي اتمسح جزء من نقوشه الداخلية وخلاص ظبط الزوايا فهل الكاوتش دة لازم يتغير ولا ممكن امشي بيه عادي مع العلم اني مش من هوات السرعة تماما واقصي سرعة بمشيها سبعين وفي ناس قالولي اني ممكن انقل الفردة دي ورا وعادي مش هيبقي فيه مشكلة فاية رئي حضرتك ولك جزيل الشكر

**som3aa** · 09-01-2009 08:03 PM

كنت عايز اسال هو الكاوتش مفروض يتغير كل كام الف كيلو؟
الكاوتش عندى كومهو

**ahmedel_rayies** · 09-01-2009 09:37 PM

السلام عليكم ورحمة الله وبركاته

بشمهندس نجاد
تحية طيبة،،،

أرجوا من سيادتك الرد بخصوص سعر الكاوتش تورانزا 195/60/15 GR 80 Super Silent يابانى.

وهل متوفر منه عدد أربع فرد؟

وماهي هيا أقصى مسافة يجيب تغيير الكاوتش بعدها؟

ولكم جزيل الشكر والتقدير

الموضوع: اسال ويجاوبك مهندس نجاد من بريدجستون

LinkBack

أدوات الموضوع

عرض

-

-

-

-

-

-

المواضيع المتشابهه

بريدجستون اندونيسى ام بريدجستون تايلاندى افضل؟؟؟

استشارة الى المهندس نجاد ضرورى

طلب من المهندس نجاد

رئيس أيران أحمدى نجاد!!!

الكلمات الدلالية لهذا الموضوع

المفضلات

المفضلات

ضوابط المشاركة