الموضوع: مرسـل الى نيسـان ايجيبت .. اهـم الاقـتراحات فـى تطـوير نيسـان صنـى 2013

المشاركة الأصلية كتبت بواسطة saint2011

شوف حضرتك أحجز عند اى موزع فى القاهرة ب 1000 جنية أتو أيجيبت او السبع ولو الموزع بتاعك رد عليك الأول وقالك تعالى أستلم أبقى ألغى حجز القاهرة وأسحب ال 1000 جنية عشان بصراحة أللى بيعملة ناشونال موورز ده أستهبال رسمى يعنى ايه واحد حاجز فى شهر 6 وماستلمش لحد دلوقتى

حجز اوتو ايجبت الشهر ده بيستلم في شهر 1 ... وبصراحة انا كرهت العربيه وبفكر الغي الحجز واشوف عربية غيرها وهي غلطتي من الاول اني اخترت النيسان !!!!

المشاركة الأصلية كتبت بواسطة ahmed452003

والله انا كرهت العربيه من الي بيحصل في السوق من زيادة واوفر برايس يا اخواني انا حاجز من يوم 27/6 ومفيش اي اخبار عن تسليم معاناه مع الوكيل وشركة نيسان وخدمة العملاء وقسم الشكاوي الي ملوش لزمه ... واسوأ خدمة عملاء في الشركات كلها .
وحصل اني بعت واحد صحبي علشان يحجز من عند نفس الموزع ويشوف هيقولوا ايه تخيلوا قالوا لوعاوز العربية بسرعه تدفع 4000 جنيه زيادة ومقدم حجز 6000 جنيه وتستلمها بعد شهر اتصل بيا وهو عندهم وقالي بس انا كنت في مسافر .
والمصيبة الاكبر ان فيه ناس حاجزه ولما تيجي تستلم بتبيع العربيه بأوفر برايس من 2000 الى 3000 جنيه لمعرض خارجي علشان يبعها ب 110000 يعني بقيت تجارة وسوق سودا وشركة نيسان نايمه في العسل وبصراحه انا مش هستنى لما نيسان تغلي العربيه وتبقى ب 110000 رسمي لان ده هو سيناريوا السوق المصري في السيارات ... بصراحة مأسااااااااااه وحسبي الله ونعم الوكيل في شركة نيسان وانا ندمان على كل يوم انتظرتوا مع شركة نيسان ووكلاءها الغير محترمين !!!!

متهيألى انت كده من أقدم الحاجزين الى لسه ما استلموش
ده أنت حاجز قبل منى انا كنت حاجز بتاريخ 3 يوليو فى عبد اللطيف جميل اسكندرية و استلمت 13 سبتمبر
وكنت حاجز البرونزى كمان اللى عليه طوابير
مش عارف عندى احساس ان المشكلة فى الموزع
وأكيد انت حاولت مع خدمة عملاء نيسان
ممكن الموزع نفسه انك تلغى علشان يبيع بالأوفر برياس لحد تانى
أنا لو مكانك ألبد فى الدره بس طبعا اللى ايده فى الميه مش زى اللى ايده فى النار
لو انت مش مستعجل فعلا احجز فى مكان تانى فى القاهرة


ياريت لو أستاذ أحمد يساعدك مع نيسان ايجيبت يشوف ايه الاخبار لانه علاقاته هناك كويسة

المشاركة الأصلية كتبت بواسطة saint2011

أحجز بس أنت وربنا يسهل ونخلى الأستاذ أحمد مصطفى عمدتنا يزقلك الموضوع شويه وخصوصا لأن حضرتك حالة خاصة جدااا وهما ناس محترمة جدا فى أتو إيجيبت وعلاقتهم كويسة جدا بالعمدة بتاعنا

أولا أنا شاكر جدا على اهتمام حضرتك والروح الطيبه وعارف مجهوداتكم ومجهودات العمده الاستاذ أحمد مصطفى وانا عرضت المشكلة دي قبل كده والاستاذ احمد كان رده انوا ميعرفش حد في ناشونال موتورز وانا عارف انوا مكنش هيقصر معايا في اي حاجه لو كان فيه حل .
ولكن انا محتاج عربيه ضروري جدا لان ولي العهد وصل يوم الجمعه الي فاتت .. وكمان انا بايع عربيتي قبل ما احجز الصني يعني جبت اخري تكسات ومواصلات .. وكمان مقدرش اسافر الا يام دي خالص لاسباب كثيرة ، واوعدك اذا سمحت الظروف وسافرت القاهرة الايام دي هحجز وابلغكوا
بس للامانه ياريت الاستاذ احمد مصطفى بعلاقاته بمسئولي نيسان يبلغهم بالي بيحصل ده من الموزعين وعلى فكره مش انا بس فيه ناس كتير حاجزه عند الموزع ده وبتعاني منه ومفيش واحد شكرلي فيه ....
واشكرك مرة اخرى على الاهتمام
والله المستعان.

المشاركة الأصلية كتبت بواسطة Ahmed.TV

ابعتلى بيانات حضرتك علىا لخاص .. وانا حتقابل مع مسئولين من نيسان ايجيبت الفترة القادمة .. وحبلغكم ببياناتك واللى حصل معاك مع ناشونال اسيوط ..
وان شاء الله خير باذن الله

بس ياريت الموضوع ميخرجش عن هدفه ونتكلم فى موضوع الافكار والتطوير .. لان الموضوع قريب حيكون بين ايد نيسان ايجيبت بعد تنسيقه وتجميعه

فمحتاجين افكاركم واقتراحتكم

تحياتى للجميع

حدث خطأ عند ارسال الرساله على الخاص ويعطيني هذه الرساله

1. Ahmed.TV تجاوز المحد له من مساحة الرسائل الخاصة المخزونة ولا يمكنه إستلام رسائل أخرى إلى أن يحرر بعض المساحة.

الاسم سامح اسماعيل
الوظيفة:مهندس كهرباء باور فى وزارة الكهرباء
-----------------------------------------------
المطلوب:
1-تركيب حساسات ركن خلفية
2-وجود تكييف ديجتال
3-تغيير الكاوتش باقصى سرعة ممكنة لانه سىء جدا جدا جدا
4-جعل المرايات ضم زى السوبر صالون القديمة واضافة نواكل
5-زر start/stop engine.
6-تحسين عزل السيارة بصورة افضل من كده.