الموضوع: مرسـل الى نيسـان ايجيبت .. اهـم الاقـتراحات فـى تطـوير نيسـان صنـى 2013

المشاركة الأصلية كتبت بواسطة ahmed.tv

ياريت ينزل دلايات خلف الكاوتش

احمد باشا السوبر صالون نازلة بدلايات
أنا شوفتها في الصور اللي انت متصور جنبها :)

دكتور يوسف انا مع حضرتك فى الكلام اللى قلته بس اسمحلى اوضح قصدى بعض الشئ

المشاركة الأصلية كتبت بواسطة youssef.awad

اسمحلى ارد عليك يا استاذ عادل ..
---------------------------------

1. موضوع مكن رفع الزجاج ده عمره ما بينزل استاندارد فى اى عربية سواء نيسان او غير نيسان فمش منطقى ينزل فى الصنى .

أنا عارف ان وحدات الرفع زى ما حضرتك تفضلت مش بتنزل ستاندرد بس قصدى ان كمان التوكيلات المحترمة زى اوتو ايجيبت و السبع بترفض تركيب وحدات الرفع على حساب العميل هل ده بسبب ان فى حاجة معينة ضعيفة أو ما تستحملش لو كده يا ريت يتعدل علشان نركب وحدات الرفع على حسابنا زى باقى العربيات العادية



2. نوعية الكاوتش فعلا فى موديلات 2012 حتى فى الخليج كانت ماكسيس الصينى ولكن موديلات 2013 لما نزلت الخليج فعلا اتغيرت الى بريدجستون التايلاندى b250 ومش بعيد اوى نشوفها اتغيرت قريب فى مصر فى كل الطرازات بغض النظر عن ex او سوبر صالون.

ايوة بس بره مصر لسه شايف برشور العربية بيديهم اختيارين للكاوتش و انت تدفع الفرق


3. انا مستغرب من طلبات حضرتك بخصوص معالجة نواقص الex وبعد التنفيذ - اذا وافقوا اساسا وده شبه مستحيل - لأنه مش هايكون فيه فرق بينها وبين السوبر صالون غير الجنوط والاسبويلر والفيميه فقط لا غير ودى مش كماليات تخلى اى حد ممكن يدفع 10 الاف ج فرق زيادة بين الاتنين.

4. احب الفت نظر حضرتك وباقى الاعضاء انه ليس من حق اى مشترى لأى سيارة فى العالم يطالب بزوائد تم اضافتها على نفس الطراز فى انتاج فترة معينة تالية ودائما ما يتم ذكر وكتابة عبارة (من حق الشركة ان تعدل المواصفات والالوان المذكورة بدون اعلان مسبق وفى اى وقت) أو أى عبارة لها نفس المضمون على اى بروشور عربية سواء كانت نيسان او غيرها وبالتالى يسقط حقك فى تعديل البطارية وغيرها اذا تم استبدالها بأخرى بعد تاريخ شرائك لها.

والله عارف يا دكتور و أول حاجة قريتها فى الكتالوج هى الجملة دى و معروفة جدا
يعنى هو أنا هازعل ان نيسان بتطور منتجها
لا طبعا دا شئ يفرحنى و يدينى ثقة فى نيسان أكتر
علشان كده كنت بأقدر تبديل نيسان للبطارية السائلة بأخرى جافة
ودا حق نيسان تماما

انا بس بأقول لو ينفع و كرم يبقى زيادة من نيسان انها تعطى خصم على البطارية الجافة مثلا لمن استلم بالسائلة ( للتوضيح أنا استلمت جافة فالطلب ده مش ليا )

وتوضيح آخر أنا مش بأقول نيسان تعمل الحاجات مجانا
لا انما لو عميل يحب اضافة معينة يعملها على حسابه و ياريت لو يبقى فيه خصم



5. اسمحلى ايضا انوه عن التعديلات التى تم ادخالها على الصنى القديمة كحجم الجنوط والاطارات التى زادت من 14 الى 15 فى 2004 - نزول منظومة الفرامل abs+ebd+ba فى موديلات 2009 فما بعدها لفئة الex اتوماتيك ثم نزلت فى 2010 مع فئة المانيوال - تعديل شكلى من اخر 2009 على الفوانيس والرفارف للصنى القديمة دون اعلان مسبق - نزول نسخة الهايلاين فى عامى 2010-2011 وتوقف انتاجها دون اعلان مسبق - اجزاء ميكانيكية ولوازم تقفيل كثيرة تم اضافتها او ازالتها من السيارة على مدار سنوات تجميعها فى مصر من 2006 وحتى الان من عمود اتزان وعازل كبوت ونوعية مساعدين وغيرها.

6. توضيح ايضا لكلام حضرتك بأن طارة الدركسيون او الكاسيت مجهز للتزويد ببلوتوث او تحكم فى الصوت .. ده امر طبيعى والعدادات والتابلوه بالكامل وفرش الابواب وغيرها من اغلب اجزاء السيارة فى نيسان وغيرها من شركات صناعة السيارات على مستوى العالم من اجل توفير النفقات والمصاريف الخاصة بالانتاج يتم اعتماد نفس الابعاد والاجزاء باختلاف التفاصيل لملائمتها فى كل فئات نفس الطراز بحيث يتم ازالو جزء صغير او اضافة وصلة كهربائية خاصة بكل كمالية ولا يعنى ذلك انه يصلح للتركيب لأنه لا يحتوى على وصلة وبالتالى سلوك الضفيرة مختلفة ولكن لها مكان فى الفئة المنوطة بذلك التعديل وهكذا فى باقى الكماليات.

معنى كلام حضرتك ان الضفيرة مش واحدة وانها مختلفة و بالتالى مش هينفع حتى لو كان فى أماكن فى التابلوه
أوكيه مفيش مشكلة


7. اخيرا .. نصيحة لكل اللى اشتروا او هايشتروا صنى او غيرها من العربيات ياريت يكون مقتنع باختياره مهما كان قبل اتمام عملية الشراء والا لو كل واحد مشى ورا الزوائد التى تدخلها الشركات على سياراتها يبقى ما حدش هايشترى وكل شهر هانقول بكرة ينزلوا كذا وكذا وننتظر لحد اما الشكل الجديد ينزل وناس تقول اشترى فى الاول عشان ابقى متميز وناس تقول خليك بعد الاول بشوية يكونوا جربوا العربية وصلحوا عيوبها شوية وناس بتحب تشترى الموديل فى اخر تعديل قبل الموديل الجديد عشان يبقى شارى ومتطمن انه عارف كل حاجة عن العربية وهكذا .. يعنى قصة مالهاش اول من آخر



النصيحة دى أنا مع حضرتك فيها تماما
وأنا بالنسبة ليا أول ما شوفت السوبر صالون ما زعلتش و قلت
قدر الله و ماشاء فعل

بس أنا بأكلم عامة فى ناس بتحب تضيف على عربيتها و دا برضه شئ عادى
أنا مثلا عاوز أضيف سويلر خلفى أو أى حاجة تانية فمفيش مشكلة طالما هأعمله على حسابى و بيحكمنى حاجتى للاضافة دى و السعر
لكن طبعا مش لدرجة انى أمشى ورا كل زيادة وأحولها سوبر صالون

.