أتعقدت من العربية واقتراحات الصنايعية (الفتي المصري عندنا حصري)

**Driver101** · 17-10-2012 02:05 PM

المشاركة الأصلية كتبت بواسطة hellboy

-الصوت ده تكتكه ولا ترزيع؟؟
لو تكتكه تبقي كوستبانات او شواكيش
لو ترزيع يبقي عمود الكامات متاكل

الصوت أقرب للترزيع منه للتكتكة وهو فعلا في كامتين متاكلين، السؤال هل ده ممكن يكون له تبعات ويفتح في حاجات تانية.

الميكانيكي اللي عنده عمود كامات وعايز يبيعه قعد يقول إنه ممكن يتقطم مني وانا ماشي وجايز يجييب وش السلندر. الكلام ده مظبوط ولا هو ايه، علشان في مكيانيكي تاني قالي لا كل ما فيها ان الصوت ده هيفضل مستمر معاك.

جزء من الصوت طبعا راجع للبرجلة بتاعة العربية بسبب الماف.

وألف شكر يا باشا على الرد :)

**kahk2008** · 17-10-2012 03:34 PM

المشاركة الأصلية كتبت بواسطة driver101

نصيحة أخوية البعد عن عبد الله بتاع كفر الجزار ده الصنايعي اللي عمل لي العمرة وبصراحة لن أستأمنه على تغيير ريش المساحات حتى ولو ببلاش واللي جرب يتعامل معاه واتلسع منه عارف.

الحوار بتاع تغيير الماف بماف استرا وتغيير الضفيرة، ده كان اقتراح من صابر اللي فتح جديد مكان ورشة عبد الله القديمة في شارع نصار (شارع أتريب الرئيسي).

طبعا عبدالله لا انا جربته برده فى كام حاجة وبجد الله يسامحه

بس الجديد ده انا كنت ناوى اروحله على كلامك عنه بس شكله كده هو كمان تبع نفس النهج !!!

**mbx4e** · 17-10-2012 09:01 PM

ماتشتريش قطع غيار من ميكانيكي

**mbx4e** · 17-10-2012 09:15 PM

المشاركة الأصلية كتبت بواسطة hellboy

-الصوت ده تكتكه ولا ترزيع؟؟
لو تكتكه تبقي كوستبانات او شواكيش
لو ترزيع يبقي عمود الكامات متاكل

لما سمعت الفيديو حسيت انها فيها شغل الكستبانات والبلوف بس قولت خلينا نسمع ارائكم
بس واضح ان المكنه اللي مع صاحب الموضوع فيها اهمال جامد من ناحية زيت الموتور ومحروق دمها من الحرق عليها
المهم يامستر فادي
بغض النظر عن موضوع القواعد ممكن يركب مكنه ايه على الفيكتر غير مكن الاوبل ماينفعش كوري (دايو)؟؟؟؟

**فادى محمد** · 18-10-2012 01:06 AM

المشاركة الأصلية كتبت بواسطة driver101

الصوت أقرب للترزيع منه للتكتكة وهو فعلا في كامتين متاكلين، السؤال هل ده ممكن يكون له تبعات ويفتح في حاجات تانية.

الميكانيكي اللي عنده عمود كامات وعايز يبيعه قعد يقول إنه ممكن يتقطم مني وانا ماشي وجايز يجييب وش السلندر. الكلام ده مظبوط ولا هو ايه، علشان في مكيانيكي تاني قالي لا كل ما فيها ان الصوت ده هيفضل مستمر معاك.

جزء من الصوت طبعا راجع للبرجلة بتاعة العربية بسبب الماف.

وألف شكر يا باشا على الرد :)

-لا شكر علي واجب..
-صوت الترزيع نتيجه ان الخلوص بين الكامه والصباب اصبح كبير وده هيخلي الصباب مايفتحش للاخر طبعا ده صباب عادم لان الحقن عندك مباشر فمفيش صبابات تغذيه بالبنزين ,تمام..
اضطراب غازات العادم داخل الموتور هيعمل برجله للموتور ويسخنه
اما موضوع ان عمود الكامات ينكسر فده مستبعد لان اللي يكسره هو حراره عاليه جدا او زيت قليل لان العمود نفسه جواه مجاري رفيعه قوي للتزييت بتنتهي مسارها عند طرف كل كامه.
-الخلاصه
بيقولوا ان في العربيات لو في حاجه بايظه بتبوظ الحاجه اللي جنبها
فلو ظروفك تسمح غير عامود الكامات بس ماتشتريش من صنايعي مهما كان تمنه
وريح الموتور من الترزيع ده ,راحه البال لاتقدر بتمن خصوصا ان سيادتك بتسافر ,بالتويق

المشاركة الأصلية كتبت بواسطة mbx4e

لما سمعت الفيديو حسيت انها فيها شغل الكستبانات والبلوف بس قولت خلينا نسمع ارائكم
بس واضح ان المكنه اللي مع صاحب الموضوع فيها اهمال جامد من ناحية زيت الموتور ومحروق دمها من الحرق عليها
المهم يامستر فادي
بغض النظر عن موضوع القواعد ممكن يركب مكنه ايه على الفيكتر غير مكن الاوبل ماينفعش كوري (دايو)؟؟؟؟

-مش عارف الحقيقه وماسمعتش حد جرب التجربه دي بس طبعا ده ممنوع في مصر لازم موتور ماركه السياره

**Driver101** · 18-10-2012 01:53 AM

المشاركة الأصلية كتبت بواسطة mbx4e

بس واضح ان المكنه اللي مع صاحب الموضوع فيها اهمال جامد من ناحية زيت الموتور ومحروق دمها من الحرق عليها
المهم يامستر فادي
بغض النظر عن موضوع القواعد ممكن يركب مكنه ايه على الفيكتر غير مكن الاوبل ماينفعش كوري (دايو)؟؟؟؟

للاسف انا شاري العربية مؤخرا من شخص مهمل واتضح لي ان كل ما كان يهتم به هو الجري بالعربية مع إنه كان بيسافر بها مشاوير طويلة (أحيانا من القاهرة لأسيوط)!!! أنا من بعد ما اشتريتها غيرت الزيت مرة واحدة، والزيت كان نازل كويس يعني لم انتظر لحد ما لمبة الزيت تنور. أنا إلى الآن لم اتخطى حاجز 110 كلم/ساعة.

**Driver101** · 18-10-2012 02:08 AM

المشاركة الأصلية كتبت بواسطة hellboy

-لا شكر علي واجب..
-صوت الترزيع نتيجه ان الخلوص بين الكامه والصباب اصبح كبير وده هيخلي الصباب مايفتحش للاخر طبعا ده صباب عادم لان الحقن عندك مباشر فمفيش صبابات تغذيه بالبنزين ,تمام..
اضطراب غازات العادم داخل الموتور هيعمل برجله للموتور ويسخنه
اما موضوع ان عمود الكامات ينكسر فده مستبعد لان اللي يكسره هو حراره عاليه جدا او زيت قليل لان العمود نفسه جواه مجاري رفيعه قوي للتزييت بتنتهي مسارها عند طرف كل كامه.
-الخلاصه
بيقولوا ان في العربيات لو في حاجه بايظه بتبوظ الحاجه اللي جنبها
فلو ظروفك تسمح غير عامود الكامات بس ماتشتريش من صنايعي مهما كان تمنه
وريح الموتور من الترزيع ده ,راحه البال لاتقدر بتمن خصوصا ان سيادتك بتسافر ,بالتويق

عاجز عن الشكر يا أخي الفاضل على التشخيص التفصيلي، للتوضيح الكامتين اللي متاكلين هما اللي موجودين ناحية الشمال لما تكون واقف مواجه للعربية (اللي تحت فتحة التزويد بالزيت) وإن شاء الله ناويت أغيره بس ده يمكن يعمل كام في حدود السعر؟ علشان لم أسمع سعر في الحرفيين أعرف الدنيا ماشية ازاي.