الموضوع: أتعقدت من العربية واقتراحات الصنايعية (الفتي المصري عندنا حصري)

المشاركة الأصلية كتبت بواسطة kahk2008

باشا ممكن تعرفنا الحوارات دى كلها عند مين فى بنها علشان نعرف بس ونستفيد ....... علشان محدش يشتغلنا منهم

نصيحة أخوية البعد عن عبد الله بتاع كفر الجزار ده الصنايعي اللي عمل لي العمرة وبصراحة لن أستأمنه على تغيير ريش المساحات حتى ولو ببلاش واللي جرب يتعامل معاه واتلسع منه عارف.

الحوار بتاع تغيير الماف بماف استرا وتغيير الضفيرة، ده كان اقتراح من صابر اللي فتح جديد مكان ورشة عبد الله القديمة في شارع نصار (شارع أتريب الرئيسي).

المشاركة الأصلية كتبت بواسطة kahk2008

طبعا عبدالله لا انا جربته برده فى كام حاجة وبجد الله يسامحه

بس الجديد ده انا كنت ناوى اروحله على كلامك عنه بس شكله كده هو كمان تبع نفس النهج !!!

بصراحة وإحقاقا للحق هو الميكانيكي الجديد بعيدا عن الاقتراح غير المقنع وهو فهم إني غير مقتنع باقتراحه، جربت التعامل معه مرة أخرى واتصلت بيه علشان يقابلني عند البيت علشان العربية ما كانتش عايزة تدور وخدنها على الورشة وكشف كمبيوتر وظبط شوية فيش وعزل لسلوك الكهرباء المتحمصة بفعل الحرارة ونظف البوجيهات وحاول يظبط الماف (لكن هيهات هيهات)، المهم إنه لم جه يحاسبني طلب 40 جنيه رغم إنه لو كان طلب أكثر ما كنتش هازعل. إضافة إلى ذلك هو عرض إنه يروح معايا الحرفيين علشان نشتري ماف من هناك. أنا لن اتسرع في الحكم عليه، لكن بما إنه عنده كمبيوتر وقريب من مكان سكني فانا هاجربه وإلى الآن لا استطيع تصنيفه في نفس الفئة مع عبد الله (النصاب). أنا اتعلمت إني اشتري من كل الناس واسمع من كل الناس، ومش بالضرورة يكون اللي بيتقال صح.