الموضوع: موضوع جديد ( ماذا تطلب من التوكيل ) ...رايك ايه ؟؟؟

المشاركة الأصلية كتبت بواسطة bassem.naguib

الخطأ الفني وارد حدوثة في أي موقع الكتروني مش في منتدى من المنتديات فقط .. أحياناً يصادفنا هنا في المنتدى تكرار مشاركة أكثر من مرة نتيجة خلل فني طارئ .. دي حاجة .

الحاجة التانية كل اللي ذكرته من شكوى أبو جنى أنا قريته من خلال المنتدى .. وليس من خلال الميل .. ويا ريت لو حضرتك محتفظ بالميل تعمل كوبي وبيست للمشاركة في الموضوع هنا ..

ارجع كدة لصفحة 2 من الموضوع .. حتلاقي المشاركات في أخر الصفحة شكلها غريب شوية عن المعتاد (وده نتيجة خطأ فني وارد حدوثه) .. وأعتقد ده شيء غير مقصود وخارج عن الإرادة ... فإن كنا نتمنى أن لا تشوب منتدانا شائبه .. وإن كنا نسعى لذلك إلا أن الكمال لله وحده سبحانه وتعالى .

في النهاية .. نتمنى أن تحضر مقابلاتنا لكي نتشرف بيك ده أولاً .. وثانياً لمعرفة الأشخاص على حقيقتها وليس خلف صفحات المنتدى وده لوحده كفيل بإزالة اي التباس أو سوء فهم في تعاملاتنا مع بعض .. وخاصة في قسم بي واي دي .. وأخيراً للإفادة والاستفادة المتبادلة اللي بتحصل في المقابلة ..

السلام عليكم


حبيبى يا استاذ باسم , و الله انا بحبك فى الله , من قبل ما أشوفك

حضرتك بتقولى انك قرأت مشاركة سيادة العضو أبوجنى من خلال المنتدى و ليس من خلال الإيميل ,, معلش يعنى هو لو حضرتك عرفت تقرأ المشاركه بشكل طبيعى و إحنا كلنا مش عارفين نقرأها بما فينا كاتب الموضوع نفسه و بشهادته , يبقى ده حيفرق ايه , مازالت المشكله قائمه , هو بيكتب الموضوع عشان الناس كلها تشوفه.

طب احنا مش عايزين ممثلى المنتدى و القائمين عليه يقولولنا ايه سبب العطل الفنى , عطل فنى و خلاص مالوش تفسير , بس المفروض فى حالة الشكوى يتدخلوا مشكورين و ينزلوا المشاركه كامله , ده شغلهم , مش مسؤليه بقية الأعضاء انهم ياخدوا المشاركه كوبى و باست مل ايميل و ينزلوها تانى.

و إشمعنى مشاركات سيادة العضو أبو جنى هى اللى بيحصل فيها خطأ فنى غير مقصود خارج عن الإراده , ماهو الناس كلها بتكتب و زى الفل , و على فكره الخطأ الفنى مش فى الموضوع ده بس , كان فيه مشاركه للعضو أبو جنى برضه فى موضوع قبل كده اللى هو( لما أحمد العربى يكتب تقرير عن صيانة الألف !!) و حصل خطأ فنى فى مشاركته و لما خدت كلامه إقتباس حصل نفس الموضوع

عامتا خلاص , الصلح خير , احنا ناس قلبنا طيب و مابنشيلش من حد

فاضل حجتين لازم أعملهم

الاولى انى أرد على كرمكم فى دعوتى بحضور المقابلات بالترحاب و "أوى أوى طبعا" ليا الشرف , و لو عايزين الاسبوع ده انا جاهز , اى يوم غير بكره الاحد.

ثانيا انى أعمل كوبى و باست لمشاركه أخونا الكبير أبو جنى بس المره دى لو حصل عطل فنى بقه , انا مش عارف حعمل ايه تانى , و إليكم نص المشاركه :-


بص ياباسم باشا الكلم اللى انت قولتو ...موافق علية بدرجة مليون فى المية.
بس طبعا انت ..وأحنا كلنا عارفين انه مش هايحصل.

أما من ناحية التوكيل ف==== معنديش كلآم أقولة غير....آآآآآآآآآآآآآآآآآة...

بتقول ايه ياعم انت..
بقول .آآآآآآآآآآآآه... ولو حد معترض وعيز يقول لأ هاقوله...

آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآآآآآآآآآة طويلة شوية..
لمبة الاير باج نورت ...روحت التوكيل ..اللمبة يتعلق ياجماعة ..شوية تنور ..وشوية تطفى..جالها شيزوفرينيا
زى صاحب العربية اللى هو أنا ..
هاتدفع كشف كمبيوتر علشان أنت خرجت من ضمان الكهربا..
ههههههه(الضمان أبو مزاج دة).
حاضر يافندم صلحها وماتخيهاش تعلق علشا ماتروشنيش.
أطمئن هاتيقى 100 فى 100

دووووور العربية أـمامى وانا واقف (لحظة السى~ ) اللمبة طفت ودخل بيها جوة اللهنجر (الورشة يعنى )
وركنها ..
وفضل يحب فى التليفون...87 دقيقة..على الساعة فى أيدى..ومش هاتصدقوا دة المهندس المسئول
عن الكشف على السيارة بالكمبيوتر...
زهقت من الوقفة وشاورت ليه...يابشمهندس

طلع بالعر بية ولف بيها لفتين..وبعدين سألتة أية الأخبار قال لى تمام ..أ،ا كشفت بالجهاز وطفيت ليك اللمبة..وكلة تمام..
أمت يافندم الكلام دة ..انا واقف من 90 دقيقة متابع حضرتك..ولشوفتك انت أو أى حد تانى جه بجوار العربية...الكمكبيوتر عملها لوحدة من برة بلوتوث يعنى ولا أية...ههههههههه

=لو نورت تانى هاتها..وانا هاعملهالك....
هو حضرتك عملتها أولانى....يمكن الآييييير باج يفتح فى وشى على غفلة.
=لالالالالالالا.0 ماتخافش ..هههه مش هايفتح..تعالى بالفاتورة المرة الجاية واحنا هانصلحها لك..
ياباشا هو أنت عملت فيها حاجة دلوقت ياراجل يامؤمن أنا واقف بجوارك وأنت داخل بيها جوة وكانت اللمبة مطفية...بلاش أستخفاف بعقل اللى قدامك...
=أدفع يابية الفاتورة ولو حصل حاجة تعالى هانعملها لك ...أ،نت بتكدبنى ولا أية...
ده انا بعمل كل حاجة عندكم فى التوكيل...وكله بالفواتير...عيب تضحك عليا ..
أنتو كدة بتطفشو أصحاب السيارات من التوكيل
= لا تعليق
طب اية رأيك مش دافع علشان أنا مش حقل تجارب ماتعملش حاجة ...وتضحك عليا..
=لم التوكيل عليا...
مش دافع وعايز المدير...وبعد حوارات ومشادات ..كتب لى بدون مصنعية على امر الشغل..ومرضيش يخلينى أبص على أمر الشغل علشان أشوف هو كتب أية أمام العطل ..
الباشا كاتب أما العطل ..اللمبة مش منورة.
يبقى كدة هو كشف على العطل بالكمبيوتر....هههههههههههه(� �آآآآآه ياهمك وحزنك التقيل يابو جنى)
طلعتى من التوكيل وعلى ناصية الشارع بره (مصنع الصابون)اللمبةنورت تانى...
طب أرجع وأريهمك البااشا صلح العطل أزاى...والله ما انا راجع...
مع ملاحظة أن ضغط الدم عندى أرتفع 165/115.....ودة حقيقى مش تهريج ومش هاينفعى أرجع اقول لهم...حاجة أنا مقتنع بيها وشايفها بنفسى ....يعنى حرق دم على الفاضى ....


والى الأن اللمبة بتعلق...شوية تنور وشوية تطفى.ويا خيبتك التقيلة يابوجنى...هههههههههههههه
خلووووونتى ساكت أحسن......آآآآآآآآآآآآآآآآآآ آآآآآآآآآآآآآآآه.................. .......