الموضوع: موضوع جديد ( ماذا تطلب من التوكيل ) ...رايك ايه ؟؟؟

المشاركة الأصلية كتبت بواسطة bassem.naguib

من خلال متابعتي للمنتدى ومن خلال المناقشات مع الأعضاء في المقابلات الخاصة بالقسم خلصت للنقاط التالية :

* ظهور شكاوي من العملاء من طلب الصنايعية (لإكراميات) .. وده من وجهة نظري يعطي أنطباع سيء للعميل عن التوكيل .. والحل من وجهة نظري يتمثل في المراقبة من مشرفين التوكيل على العاملين به .. وكذلك وضع ضوابط لهم بأنه في حالة حدوث ذلك ستتدرج العقوبات بداية من خصومات حتى الفصل من التوكيل ...ومن وجهة نظري أيضاً لا يهدد العامل إلا العامل الذي مثله وهذا ما سيتضح في النقطة التالية .

* الاتفاق مع المدارس الفنية الصناعية وكذلك كليات الهندسة على تدريب بعضهم في فترة الصيف مقابل نظير مادي رمزي .. والعمل على اختيار المتميزين منهم والتعاقد معهم للعمل في التوكيل فور تخرجهم .. وبالتالي يشعر العامل الذي في التوكيل بأن وضعه الوظيفي مهدد لوجود فنيين ومهندسين آخرين من الممكن أن يأخذوا مكانه في حالة تقصيره في عمله أو الإخلال به في حالة تكرار الشكوى منه .

* استجلاب فنيين وخبراء من الصين لتدريب المهندسين والعمالة بشكل مستمر وعقد دورات تدريبية متقدمه لهم مع أخذ تعهد عليهم بأنهم لزاماً عليهم عدم ترك التوكيل فترة محددة نظير هذا التدريب المتقدم ويكون الحاصل على هذا التدريب وضعه متميز عن باقي زملاءه بعد اختياره كفرد كفء في التوكيل .

* ضرورة اعتماد مراكز خدمة وصيانة خارج التوكيل لمواجهة الضغط الحادث على التوكيل .

* الكماليات .... مليون علامة استفهام حول موقف التوكيل من توفيرها وتركيبها داخل التوكيل .. أو حتى ترك العميل بتركيبها خارج التوكيل بحجه خروجه من الضمان .. يعني لا هو راحم ولا مخلي رحمة ربنا تنزل .. وأعتقد أن الكماليات التي عليها إجماع من الزملاء تتمثل في [وحدات الرفع - سنسور بارك - كاسيت دي في دي مزود بشاشة gps وكاميرا خلفية للركن - أسبويلر ونواكل ...إلخ] .

* وجود feed back للعملاء من خلال الاتصال بهم بعد الصيانة للسؤال عن رضاهم عن الخدمة المقدمة لهم .. وهل فيه مشكلات ...إلخ مما يعطي للتوكيل انطباعات لأوجه القصور الحادثة ومحاولة إصلاحها .. وكذلك يشعر العميل بأهتمام التوكيل به .

* وأخيراً تعميق الشعور بالولاء للعامل تجاه التوكيل من خلال توفير الخدمات الصحية والاجتماعية وووو إلخ .. مما يعطي دافع له للعمل بإخلاص .

كلام جميل جدا جدا و اعتقد ان كل الاعضاء متفقة علية
و انا فعلا بعمل اخر صيانة راضيت الصنايعى علشان يهتم بالعربية و فعلا العربية طلعت 100 100
و يرحمونا من ركنة العربية بعد انتهاء الشغل فيها لغاية ما انت تسأل عليها

المشاركة الأصلية كتبت بواسطة ahmedselaraby

فيه ناس فى القيادات اللى فوق كل همها انها توفر لأصحاب التوكيل , توفر يعنى تبخل على التوكيل ما دام الدنيا ماشيه , خلاص , ليه أصرف كتير لما ممكن أصرف أقل

ناهيك عن انه إسلوب إدارة ضباط الجيش المتقاعدين عل معاش و بيمسكوا مناصب إداريه فى شركات , مختلف تماما عن إسلوب إدارة الناس اللى أصلا مجال دراستهم و خبراتهم طوال حياتهم هو إدارة الأعمال.

انا متفق معاك فى كلمة بتقولها - لكن اكتر كلمة عجبتنى و عن تجربة اخر سطرين
المفروض ان اسلوب الضباط المتقاعدين دة ينتهى لانهم معندهم الاسلوب ولا الخبرة اللى يديرو بية الشغل المدنى
و الادهى ان طلع غرع صيانة الشرابية طلع بردو عقيد اسمة عمر
على فكرة كان واحد بيتكلم مع واحد علشان يشغلو و قالو اول التعيين بياخد 800 جنية - اعتقد انة كويس و خصوصا انهم بيخلصو الساعة 5 مساء

المشاركة الأصلية كتبت بواسطة ابوجنى2112

بص ياباسم باشا الكلم اللى انت قولتو ...موافق علية بدرجة مليون فى المية.
بس طبعا انت ..وأحنا كلنا عارفين انه مش هايحصل.

أما من ناحية التوكيل ف==== معنديش كلآم أقولة غير....آآآآآآآآآآآآآآآآآة...

بتقول ايه ياعم انت..
بقول .آآآآآآآآآآآآه... ولو حد معترض وعيز يقول لأ هاقوله...

آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآآآآآآآآآة طويلة شوية..
لمبة الاير باج نورت ...روحت التوكيل ..اللمبة يتعلق ياجماعة ..شوية تنور ..وشوية تطفى..جالها شيزوفرينيا
زى صاحب العربية اللى هو أنا ..
هاتدفع كشف كمبيوتر علشان أنت خرجت من ضمان الكهربا..
ههههههه(الضمان أبو مزاج دة).
حاضر يافندم صلحها وماتخيهاش تعلق علشا ماتروشنيش.
أطمئن هاتيقى 100 فى 100

دووووور العربية أـمامى وانا واقف (لحظة السى~ ) اللمبة طفت ودخل بيها جوة اللهنجر (الورشة يعنى )
وركنها ..
وفضل يحب فى التليفون...87 دقيقة..على الساعة فى أيدى..ومش هاتصدقوا دة المهندس المسئول
عن الكشف على السيارة بالكمبيوتر...
زهقت من الوقفة وشاورت ليه...ياااااااااااااباشمهن� �س.

طلع بالعر بية ولف بيها لفتين..وبعدين سألتة أية الأخبار قال لى تمام ..أ،ا كشفت بالجهاز وطفيت ليك اللمبة..وكلة تمام..
أمت يافندم الكلام دة ..انا واقف من 90 دقيقة متابع حضرتك..ولشوفتك انت أو أى حد تانى جه بجوار العربية...الكمكبيوتر عملها لوحدة من برة بلوتوث يعنى ولا أية...ههههههههه

=لو نورت تانى هاتها..وانا هاعملهالك....
هو حضرتك عملتها أولانى....يمكن الآييييير باج يفتح فى وشى على غفلة.
=لالالالالالالا.0 ماتخافش ..هههه مش هايفتح..تعالى بالفاتورة المرة الجاية واحنا هانصلحها لك..
ياباشا هو أنت عملت فيها حاجة دلوقت ياراجل يامؤمن أنا واقف بجوارك وأنت داخل بيها جوة وكانت اللمبة مطفية...بلاش أستخفاف بعقل اللى قدامك...
=أدفع يابية الفاتورة ولو حصل حاجة تعالى هانعملها لك ...أ،نت بتكدبنى ولا أية...
ده انا بعمل كل حاجة عندكم فى التوكيل...وكله بالفواتير...عيب تضحك عليا ..
أنتو كدة بتطفشو أصحاب السيارات من التوكيل
= لا تعليق
طب اية رأيك مش دافع علشان أنا مش حقل تجارب ماتعملش حاجة ...وتضحك عليا..
=لم التوكيل عليا...
مش دافع وعايز المدير...وبعد حوارات ومشادات ..كتب لى بدون مصنعية على امر الشغل..ومرضيش يخلينى أبص على أمر الشغل علشان أشوف هو كتب أية أمام العطل ..
الباشا كاتب أما العطل ..اللمبة مش منورة.
يبقى كدة هو كشف على العطل بالكمبيوتر....هههههههههههه(� �آآآآآه ياهمك وحزنك التقيل يابو جنى)
طلعتى من التوكيل وعلى ناصية الشارع بره (مصنع الصابون)اللمبةنورت تانى...
طب أرجع وأريهمك البااشا صلح العطل أزاى...والله ما انا راجع...
مع ملاحظة أن ضغط الدم عندى أرتفع 165/115.....ودة حقيقى مش تهريج ومش هاينفعى أرجع اقول لهم...حاجة أنا مقتنع بيها وشايفها بنفسى ....يعنى حرق دم على الفاضى ....


والى الأن اللمبة بتعلق...شوية تنور وشوية تطفى.ويا خيبتك التقيلة يابوجنى...هههههههههههههه
خلووووونتى ساكت أحسن......آآآآآآآآآآآآآآآآآآ آآآآآآآآآآآآآآآه.

كلنا عارفين قصتك مع التوكيل الدبرياج
لكن بالنسبة لى لو حصل حاجة فى كهرباء العربية و قالى انت عديت 20000 كم و خرجت من ضمان الكهرباء
اقسم باللة ما هاسيب حقى
انا عايز كلمة فى الضمان حاجة بتقول كدة ان الكهرباء لحد 20 الف
و العفشة لكام و التكييف لكام و الماتور لكام دة شغل مش تمام
انا اعرف ان حاجة زى كدة مكتوبة فى الضمان - يكتب الكلام دة لكن غير كدة مايمشيش مع اى حد
انا اللى اعرفة انة مكتوب 60000 الف او ثلاث سنوات - اى حاجة تحصل فى العربية بتاعتهم
يا اما - شكوى فى حماية المستهلك و دى مش هتبقى اول مرة ليا مرة قبل كدة
و شكوى للشركة الام و و لو فى حاجة تانى ممكن تتعمل هعملها
مدام ملتزم معاكو يبقى اخد حقى على اكمل وجة

المشاركة الأصلية كتبت بواسطة ابوجنى2112

سلام عليكم....
باسم
ايهاب
حسام
أيمن
د/المناهرى
هانى
بيتر
أحمد العربى
علاء
وكل الاعضاء المحترمين..وزوار المنتدى...وصفحة الجميلة F3


خلونى سااااااااااااكت أحسن....وماحدش يسأل ليه
أحلى حاجة أتعرفنا على ناس فى المنتدى زى الفل...سيبك أنت.
لله الأمر من قبل ومن بعد

انت اللى زى العسل يا استاذ صابر
و ربنا يديم المحبة بينا و بين كل الاعضاء اللى زى السكر - و بأمانة كلهم ناس محترمة سواء قابلتهم او مكالمات بس
و دايما منسقنا العزيز مجمعنا استاذ باسم حبيب الكل

المشاركة الأصلية كتبت بواسطة hossam165

بما ان النقاش سخن وداخلين علي حركات ثورية واحزاب ضد ما يحدث مع ملاك البي واي دي
وبعد التأكد من وصول ابوجني بسلامة الله الي القاهرة
اسمحولي اقترح نتقابل كلنا كده برابطة المعلم يوم الخميس القادم في مدينة نصر كالعادة
كافيتريا جراند ليموزين بجوار الشهر العقاري بسوق السيارات الساعة 8 مساءا
عشان نتعرف اكتر بالناس المحترمة الي لسه متعرفناش عليهم
مافيش اعذار ا/ احمد العربي المقابلة معمولة مخصوص عشان نتعرف بيك عن قرب
طبعا مش لازم كل مرة اكتب الاسماء اسم اسم
كل اعضاء قسم البي واي دي خاصة والصيني عامة اهلا وسهلا بيكم
هو فين بيتر صحيح مش باين ليه؟؟؟؟؟؟؟؟؟؟؟؟؟؟؟؟؟؟؟؟؟؟ ؟

مظاهرة - مظاهرة
قرار من قيادة الثورة
بعد اكتمال النصاب القانونى بوصول استاذ صابر الشهير ب ابو جنى
تقرر
على جراند رايحيين اعضاء بالملايين
حبيبى استاذ حسام - دايما فاكرنى
بس انا عايز افكر حضرتك بحاجة
و انت فى التوكيل محكيتش قالولك اية لما طلبت منهم تركب كشاف بدل العاكس اللى فى الاكصدام الخلفى علشان كان ليا نفس الطلب
هل ممكن اجيبة انا و يركبوة ولا بيركبوة من عندهم
شكرا لكل الاعضاء على الكلام المفيد دة
بس مش عايزيين نوصل الى المرحلة دى مع التوكيل ههههههههههههه

اخر مرة كنت بعمل صيانة الالف ودفعت اكرامية واحنا بنجرب العربية والنتيجة العربية طلعت زى الفل وكل حاجة كنت عاوزاها اتعملت وفى وقت قياسى