موضوع جديد ( ماذا تطلب من التوكيل ) ...رايك ايه ؟؟؟

**gad_fcis** · 16-03-2013 10:00 PM

ماذا تريد من التوكيل ؟ مممم سؤال اجابته في رأيي تطبيق معيار الجودة و مبدأ الثواب و العقاب

و ديه التفاصيل :
1- أمر الشغل اللي مكتوب فيه طلبات العميل لازم يتراجع من كذا مهندس قبل ما العربية تطلع و يتأكد إن كل النقاط تم التعامل معها بالشكل الصحيح (وارد جداً إن يكون فيه عيب مش عارف يمسكوه أو مش بيحصل أدامه ، بس المفروض هنا يقول كدا مش يقول أنا عملته و صلحته و هو معملش حاجة )

2- العميل من حقه معرفة ما تم من إصلاح و أسباب العطل إيه ، و من حقه إنه يطلع معه مهندس من التوكيل يجرب معه العربية ، مش يقول حاسب الاول و ابقى شوف العربية حصل فيها إيه

3- تطبيق مبدأ الثواب و العقاب ، يعني اللي بيشوف شغله يبقى ياخد حقه و يتشال على الراس ، و اللي يقصر أو يكروت و يعمل الشغل أي كلام لازم يكون فيه عقاب رادع عشان يفكر ألف مرة قبل ما يطلع الحاجة من تحت ايده مش مظبوطة و يقول عليها مظبوطة

4- الاهتمام بوقت العميل، مش معقول العميل يبقى حاجز ميعاد الصيانة و العربية تدخل في معدها ، ألاقي العربية تستنى ساعة على ما يبتدوه شغل فيها و بعد كدا تستنى ساعة تانية بعد ما فتحوه فيها شغل ، بمعنى أخر ، المفروض يتحط فترة زمنية لكل صيانة و يكون العميل على علم واضح بها . و لو زادت عن الوقت المعلن دة ، من حق العميل على المركز إنه يعرفه قبلها و يكون فيه سبب واضح و صريح لكدا مش دة يبقى السلوك الطبيعي و غير كدا يبقى إستثناء

كلمة أخيرة ، العامل أو الفني اللي في توكيل الامل لو راح إشتغل في توكيل bmw ولا مرسيدس هيشتغل كويس ، مش عشان هو شغال هناك في توكيل كبير ، لأ عشان هيبقى عارف و متأكد إن فيه قواعد و قوانين معروفة بتحكم نظام الشغل هناك و لازم يمشي عليها قبل ما يسلم الشغل اللي في ايده و إنه لو غلط محدش هيعديله

و أنا رأيي إن لو رسيت إن شركة الامل تجيب إدارة كاملة من برة التوكيل تحط قوانين و قواعد للشغل مع الإبقاء على العمالة الموجودة هيبقى حل كويس و ممكن يجيب نتيجة

**ahmedselaraby** · 17-03-2013 02:52 PM

المشاركة الأصلية كتبت بواسطة ابوجنى2112

يااااااااااااااااااه
يانهار ابيض
الخناقة دى كلها على شانى
وكل دى سفسطة جدلية ومجورية وأكتوارية لية .. لية .. لية ..ههههههههه ...علشانى برضة.
دة على كدة بقى فاتنى خناقة السنين ..زى مابيقولوا دلوقتى.
هو الواحد يورح الشغل وييجى يلاقى الدنيا...طحن وضرب فى المنتدى كدة برضة...
طيب ماروحش الشغل..وأقعد علشان احوش الخناقة اللى بسببى دى....
شوفوا بقى ...مع الاحتفاظ بالالقاب من اولها أهه...
احمد العربى كل الشكر والتقدير....لدفاعك عن مبدأ..(حرية تبادل المعلومات والاراء بدون قدح أوزم)
مع انك ماتعرفش ...المتحدث شخصيا...ولكنة المبدأ ياعزيزى هو من تدافع عنة.
وكدة بقى كسبنا صاحب وزميل وأخ جديد فى المنتدى وخارجة.وشاعر كمان
ثانيا
الجدع اللى اسمة باسم ..ده ...أنا شفتة فين قبل كدة...هوبا ..طبعا ده كلام غير منطقى لأنة صاحب جميل
وراجل جدع...ومعرفة الرجال كنوز..(وقلما يجود الزمان برجال مثلكم)...
ثالثا
االمنتدى محترم...وانا ماقولتش اى تلميح ..او لفظ..او اشارة بيتقول الكلام ده..
رابعا .
بما ان باسم جاب العيب عليا ...وخلانى حسيت ان انا منحوس..والمشاركات تحذف بخطا منى..
أو معمول لى عمل على كف جمل..ف هى حاجة من الاتنين الى ان يثبت صحة هذا الكلام...
ياهبطل اعمل مشاركات لغاية ما اتعلم..كوبى وبست مرة واتنين وتلاتة..وتيجى برضة ناقصة(المشاركة)
ياهو ملتزم انه يدينى كورس..فى المقابلات بتاعتنا...
أمر الزامى علية واجب النفاذ..انا بقووووووووووول اهه..وقد اعذر من انذر...هههههههه
يااما اكتفى بالمشاهدة...بما انى منحوس ..وعلى راسى فانوس

اقول لكم..طب والله لنا زل لكم أجازة بكرة...وهاستنى منكم ميعاد المقابلة..ان شاء الله
لعقد جلسة طارئة للجمعية العمومية..لوقف اطلاق النار وفك الاشتباك...والانسحاب من جميع الاراضى المحتلة...يوووووووة..انت كدة قلبت سياسة ..ارجع تانى للموضوع.
حاضر ...حاضر...معلش السن بقى ...والزهايمر
وطبعا ..أ/احمد مش مدعو..ده واجب علية الحضور ..لفض الاشتباك والتعارف..وان كان يشرفنا مسبقا ان نتعرف..على كل الاعضاء المحترمين
وان غدا لناظرة لقريب...(أخوكم ابو منحوس) يوووووووووووووه قصدى ابو جنى.

إتقل بس يا أستاذ أبو جنى , التقيل لسه جى , إحنا بس لسه بنفرق الورق , بس عايزك بقه تتفرج عل لعب , و لا جيمز بوند فى فيلم كازينو رويال , على فكره أنا قارى ورق كل واحد هنا فى قسم البى واى دى , و عارف مذهبه و طريقة لعبه , و هو قوى فى ايه و ضعيف فى ايه و ايه نقط ضعفه , بس لعلمك , أستاذ باسم مش هو هدفنا الإستراتيجى , هدفنا الاستراتيجى هما شركة الأمل ذات نفسيها , الشتاء خلاص خلص و فترة البيات الشتوى خلاص خلصت , لازم الكل يطلع و يظهر و يطلوا علينا واحد واحد , عشان نوقف المهازل اللى بيتعرض لها العميل , من الواضح ان ناس كتير إشتكت و ناس كتير قدموا إقتراحات و مطالب و أفكار بناءه , و لا حياة لمن تنادى , ماشيين على طريقة "سيبهم يتسلوا" و نسيوا ان اللى وقع بتاع "سيبهم يتسلوا" و أطاح به كانوا جروب عل فيس بوك , النت دلوقتى بيتعملوا الف حساب , اللى خلى ملوك و أمراء و رؤساء و أثرى أثرياء العالم يفتحوا حسابات على تويتر ول فيس بوك و يخاطبوا الناس من خلالها , و شركة الأمل بقالها سنه أو أكتر عامله إعلان على منتدانا ده على لسان أحد كبارها عن قرب الإنتهاء من تدشين موقع ليهم عل نت under construction , و لحد دلوقتى مفيش موقع و لا يحزنون , سنه ياخوانا , انتوا عارفين ده معنتوا ايه , قيس على ذلك كل حاجه , و نفس المسؤل الكبير على منتدى تانى برضه قال حنزل العربيه موديل كذا و موديل كذا , فى شهر كذا , و لا العربيه نزلت و لا حتى تبرير هى ليه منزلتش , مع ان شركات تانيه دلوقتى منزله موديلات جديده و بتبيع فى نفس ظروف البلد و نفس الأحوال الإقتصاديه , ده بقه نسميه ايه , وعد فأخلف , ثم وعد فأخلف , و العبره مش هل هم بيقروا اللى احنا بنكتبه و لا لاء , و لا العبره هل هما ليهم رابط على المنتدى ده و لا لاء , و يدوك ايميل تبعتلهم عليه من أجل التواصل , الفكره , هل فيه حاجه بتتنفذ , هل فيه حاجه بتحصل , هل فيه تغيير حقيقى , قول زى ما تقول , و لا حيحصل حاجه , و فل الاخر الموضوع حبتقفل زى ما المحضر كده بيتقفل على مفيش , ضد مجهول , أو عدم توافر الادله , و الموضوع يتنسى و يجى ناس غير الناس و زمان غير الزمان و يخشوا يكتبوا نفس الكلام و نفس الشكاوى و نفس الإقترحات و الأفكار , و هكذا , دائره مفرغه بلا مخرج , بس انتوا ماتعرفونيش , و الله العظيم ما تعرفونى , انا لو حطيت الموضوع فى دماغى , تلاته بالله العظيم و ما ليكم عليا حلفان , الناس ديه مش حتعرف تنام , و سواء من هذا المنتدى أو من أى نافذه أخرى من نوافذ النت و هى كتير بالمناسبه , انا مش بتكلم بلسانى و عن نفسى فقط , أنا بتكلم بلسان كل ملاك البى واى دى و اللى بيفكروا يجيبوها لسه.

**bassem.naguib** · 17-03-2013 04:36 PM

المشاركة الأصلية كتبت بواسطة ahmedselaraby

إتقل بس يا أستاذ أبو جنى , التقيل لسه جى , إحنا بس لسه بنفرق الورق , بس عايزك بقه تتفرج عل لعب , و لا جيمز بوند فى فيلم كازينو رويال , على فكره أنا قارى ورق كل واحد هنا فى قسم البى واى دى , و عارف مذهبه و طريقة لعبه , و هو قوى فى ايه و ضعيف فى ايه و ايه نقط ضعفه , بس لعلمك , أستاذ باسم مش هو هدفنا الإستراتيجى , هدفنا الاستراتيجى هما شركة الأمل ذات نفسيها , الشتاء خلاص خلص و فترة البيات الشتوى خلاص خلصت , لازم الكل يطلع و يظهر و يطلوا علينا واحد واحد , عشان نوقف المهازل اللى بيتعرض لها العميل , من الواضح ان ناس كتير إشتكت و ناس كتير قدموا إقتراحات و مطالب و أفكار بناءه , و لا حياة لمن تنادى , ماشيين على طريقة "سيبهم يتسلوا" و نسيوا ان اللى وقع بتاع "سيبهم يتسلوا" و أطاح به كانوا جروب عل فيس بوك , النت دلوقتى بيتعملوا الف حساب , اللى خلى ملوك و أمراء و رؤساء و أثرى أثرياء العالم يفتحوا حسابات على تويتر ول فيس بوك و يخاطبوا الناس من خلالها , و شركة الأمل بقالها سنه أو أكتر عامله إعلان على منتدانا ده على لسان أحد كبارها عن قرب الإنتهاء من تدشين موقع ليهم عل نت under construction , و لحد دلوقتى مفيش موقع و لا يحزنون , سنه ياخوانا , انتوا عارفين ده معنتوا ايه , قيس على ذلك كل حاجه , و نفس المسؤل الكبير على منتدى تانى برضه قال حنزل العربيه موديل كذا و موديل كذا , فى شهر كذا , و لا العربيه نزلت و لا حتى تبرير هى ليه منزلتش , مع ان شركات تانيه دلوقتى منزله موديلات جديده و بتبيع فى نفس ظروف البلد و نفس الأحوال الإقتصاديه , ده بقه نسميه ايه , وعد فأخلف , ثم وعد فأخلف , و العبره مش هل هم بيقروا اللى احنا بنكتبه و لا لاء , و لا العبره هل هما ليهم رابط على المنتدى ده و لا لاء , و يدوك ايميل تبعتلهم عليه من أجل التواصل , الفكره , هل فيه حاجه بتتنفذ , هل فيه حاجه بتحصل , هل فيه تغيير حقيقى , قول زى ما تقول , و لا حيحصل حاجه , و فل الاخر الموضوع حبتقفل زى ما المحضر كده بيتقفل على مفيش , ضد مجهول , أو عدم توافر الادله , و الموضوع يتنسى و يجى ناس غير الناس و زمان غير الزمان و يخشوا يكتبوا نفس الكلام و نفس الشكاوى و نفس الإقترحات و الأفكار , و هكذا , دائره مفرغه بلا مخرج , بس انتوا ماتعرفونيش , و الله العظيم ما تعرفونى , انا لو حطيت الموضوع فى دماغى , تلاته بالله العظيم و ما ليكم عليا حلفان , الناس ديه مش حتعرف تنام , و سواء من هذا المنتدى أو من أى نافذه أخرى من نوافذ النت و هى كتير بالمناسبه , انا مش بتكلم بلسانى و عن نفسى فقط , أنا بتكلم بلسان كل ملاك البى واى دى و اللى بيفكروا يجيبوها لسه.

بص يا أبو حميد بالرغم من اتفاقي معاك .. إلا أن في كلامك لهجة أنا مش حاببها .. ولما نتقابل إن شاء الله حنستفيض في الكلام .

**hossam165** · 17-03-2013 05:49 PM

المشاركة الأصلية كتبت بواسطة bassem.naguib

بص يا أبو حميد بالرغم من اتفاقي معاك .. إلا أن في كلامك لهجة أنا مش حاببها .. ولما نتقابل إن شاء الله حنستفيض في الكلام .

بما ان النقاش سخن وداخلين علي حركات ثورية واحزاب ضد ما يحدث مع ملاك البي واي دي
وبعد التأكد من وصول ابوجني بسلامة الله الي القاهرة
اسمحولي اقترح نتقابل كلنا كده برابطة المعلم يوم الخميس القادم في مدينة نصر كالعادة
كافيتريا جراند ليموزين بجوار الشهر العقاري بسوق السيارات الساعة 8 مساءا
عشان نتعرف اكتر بالناس المحترمة الي لسه متعرفناش عليهم
مافيش اعذار ا/ احمد العربي المقابلة معمولة مخصوص عشان نتعرف بيك عن قرب
طبعا مش لازم كل مرة اكتب الاسماء اسم اسم
كل اعضاء قسم البي واي دي خاصة والصيني عامة اهلا وسهلا بيكم
هو فين بيتر صحيح مش باين ليه؟؟؟؟؟؟؟؟؟؟؟؟؟؟؟؟؟؟؟؟؟؟ ؟

**melad_bady** · 14-04-2013 03:55 AM

اطلب من التوكيل ان يراعى ضميرة فى الشغل و التصليح ودة وراة اشياء كتيرة اوى لان الضمير معدوم قى القطامية و لو حد محترم فى التوكيل وفى خدمة العملاء يرد عليا و اقول اية اللى حصل معايا لان الكتابة مش بتنفع

**melad_bady** · 14-04-2013 11:33 PM

التوكيل شوية حرمية و نصابين اسالونى انا مجربهم مرة و بعدين مش هعتب تانى ابدا اعمل اى حاجة فيها عند متخصصين بفلوسى و ارخص من الحرامية و احسن منهم و ياريت لو حد عندة شجاعة من التوكيل يكلمنى لو الاستاذة داليا بتاعة الشكاوى عتدها وقت او اى حد دة لو توكيل محترم ولا معنديش حق اى حد يجاوب

**bassem.naguib** · 14-04-2013 11:38 PM

المشاركة الأصلية كتبت بواسطة melad_bady

اطلب من التوكيل ان يراعى ضميرة فى الشغل و التصليح ودة وراة اشياء كتيرة اوى لان الضمير معدوم قى القطامية و لو حد محترم فى التوكيل وفى خدمة العملاء يرد عليا و اقول اية اللى حصل معايا لان الكتابة مش بتنفع

المشاركة الأصلية كتبت بواسطة melad_bady

التوكيل شوية حرمية و نصابين اسالونى انا مجربهم مرة و بعدين مش هعتب تانى ابدا اعمل اى حاجة فيها عند متخصصين بفلوسى و ارخص من الحرامية و احسن منهم و ياريت لو حد عندة شجاعة من التوكيل يكلمنى لو الاستاذة داليا بتاعة الشكاوى عتدها وقت او اى حد دة لو توكيل محترم ولا معنديش حق اى حد يجاوب

أولاً برجاء تخفيف لهجة الكلام .. وأذكرك أنه لا يضيع حق وراءه مطالب .

http://www.nilemotors.net/Nile/307591-byd.html

مع ذكر رقم الموتور والشاسية في الشكوى المقدمة من سيادتكم في الموضوع المخصص لخدمة العملاء .