الموضوع: درج ذكرياتي

خلتوني يا جماعة أفتح الدرج تاني :)

هه.. بسم الله الرحمن الرحيم..

بلوك نوت صغيرة اوي.. صفحتها 10 أسطر فقط.. بافتحها عشوائي كده لقيت صفحة بتاريخ 16/04/2002 مكتوب فيها:

قصة سيدنا يونس (تكملة)..
غضب سيدنا يونس من قومه و غادر القريبة بدون أمر الله نو قبل نزول العذاب آمن قوم يونس و لكن بعد ان غادر يونس.

"لا إله إلا انت سبحانك اني كنت من الظالمين" دعاء مستجاب يقينا و ينجي من الغم.
"فنجيناه من الغم و كذلك ننجي المؤمنين"

إعرفوا ربكم في الرخاء يعرفكم في الشدة.
------------------------------------------------

كل اللي فات ده بأه كان ايه؟ درس لعمرو خالد في مسجد الحصري في التاريخ المذكور و كنت باكتب وراه :)

دلوقتي عندي احساس ان ياااااااااه.. ايه الصبر اللي انا كنت فيه ده؟ قاعدة في درس علم و باكتب و را اللي بيلقيه؟ عشان أرجع له تاني و استفيد؟ امال دلوقتي الصبر قل ليه؟ كل حاجة عايزاها بسرعة و في الإنجاز و ياللا و خلصني و اللي بعده.. يا ترى هل انا اللي اتغيرت؟ و لا ده إيقاع العصر؟ بس عصر ايه؟ ده ما عداش على اللي باقوله ده غير 6 سنين بس :)

ما شاء الله ..
ايه الجمال ده يا حاج احمد ...
خلاص .. حيبقي اسمك الرسمي .. الحاج احمد ..
ما هو اصل أحمد مش زي الحاج احمد :)

المشاركة الأصلية كتبت بواسطة aif

يااااااااااااااااااااه
لقيت الصورة دي ولحقت عملتلها سكان قبل ما تبوظ
دي متصورة في عرفات في موسم الحج سنة 1974 كانت اول مرة أحج في حياتي كان عمري 10 سنوات
اخويا واختي .. وانا .... انا الحليوة اللي على اليمين
دي مش ذكرايات ... ده تاريخ ..... دي أحفورة

تصدق بأه ان الصورة دي ممكن جدا توافق يوم ما انا اتولدت؟ يعني ساعة ما الصورة دي اتاخدت كان عمري ساعات.. او يوم واحد مثلا.. أصل انا تاريخ ميلادي سنة 1974، في آخر اسبوع في آخر شهر في السنة.. و الوقت ده أيامها كان بيوافق موسم الحج و ماما قالت لي انهم كانوا هايسموني منى علشان اتولدت يوم وقفة عرفات :)