الحارة D3 فى النوع الاول تقابل استخدام الحارة D مع إغلاق زرار الأوفر داريف فى النوع الثانى، يعنى تكون لمبة الأوفر درايف فى التابلوه منورة،وهذا الوضع يسمح للفتيس الأوتوماتيك انه يغير بين الأول والثانى والثالت فقط ولا لسمح له انه يروح للرابع
(ملحوظة هامة جدا: لمبة الأوفر درايف اللى فى التابلوه بتنور لما يكون زرار الأوفردرايف مقفول وليس مفتوح ، وحتى تلاقىى اللمة اللى فى التابلوه مكتوب عليها o/d off، معنى ان اللمبة مضاءه ان السيارة غير مسموح لها تنقل على الرابع)
بالظبط هو ده اللى احنا بنقوله ..
الحارة D فى النوع الأول تقابل الحارة D مع فتح زرار الأوفر درايف فى النوع التانى(لمبة الأوفر درايف مطفية) دى معناها ان الفتيس حر يغير بين الأربعة نقلات زى ما هو عايز حسب ظروف السرعة والطريق
نستنتج من كل هذا ان زرار الأوفر داريف فى السيارات المزودة به هو بديل الحارة الرابعة فى السيارات الغير مزودة به ووظيفته السماح للجير بوكس انه يستعمل النقله الرابعة او منعه من ذلك
لا علاقة نهائيا لموضوع الأوفر درايف بما تفعله بدواسة البنزين، اللى انت بتعمله لما تكبس على دواسة البنزين اسمه كيك داونkick down وليس اوفر درايف، الكيك داون بيخلى العربية تنقل من ايه نقلة الى النقلة السابقة لها ، يعن مثلا لو الجير بوكس واخد تالت وانت كبست هايروح نازل على التانى علشان يديلك عزم، ولو كان على الرابع هاينزل على التالت وهكذا
وده يختلف مع كلام حضرتك ان الكيك داون له زرار !!!
لأنه بيتم عن طريق مقدار الضغط على دواسة البنزين وفيه يتم تشبيع كل غيار حتى حد معين بعدها ينتقل الفتيس للنقلة الاعلى
اللبس اللى بيحصل عند الناس هو ان بعض الناس لما بيدوس زرار الأوفر درايف ويكون الجير بوكس على الرابع في هذة اللحظة الزرار بينزل الجيربوكس اجباريا من الرابع للتالت لأن مع إغلاق الأوفرداريف لا يكون مسموح للفتيس باستعمال الرابع،وده هو نفس تأثير الكيك داون فالناس بتفتكر انهم نفس الحاجة، لكن لو ساعة استعمال زرار الاوفر درايف وكان اصلا الجير بوكس على التالت او التانى مثلا هنلاقى ان استعمال زرار الاوفر درايف معملش اى حاجة، كما ان مع الكيك داون العرية لما بتاخد سرعتها بترجع تنقل تناى للنقلة الأعلى لكن لو استعملت زرار الأوفر درايف فالعربية عمرها ما هاتاخد الرابع مهما جريت بيها حتى لو الRPM دخلت فى الزون الأحمر، غير لما ترجع تفتح زرار الأوفر درايف
هو ده اللبس اللى حاصل معاك بالظبط .. لأنه لما بتدوس الاوفر درايف يعنى بتشغله on الفتيس بينزل من الرابع للثالث وليس كما ذكرت انه بيريح الموتور بنقلة لفوق
3-وظيفة زرار الأوفر درايف السماح للجير بوكس او منعه من استعمال الغيار الرابع
4-الكيك داون عن طريق كبس دوراسة البنزين ينقل السيارة الى النقلة الأدنى لتجميع عزم للسيارة وحسن تصل الى سرعة عالية تعاود النقل الى النقل الأعلى
5-لمبة الأوفر درايف تضئ حين يكون الأوفر درايف مغلق وليس مفتوح، معنى ان اللمبة مضاءه ان السيارة غير مسموح لها تنقل على الرابع
بيتهيألى الكلام متطابق بعد النقاط المجمعة دى والاختلاف فقط فى دلالة فتح وقفل او تشغيل وايقاف او نور التابلوه مطفى ولا منور عند كل واحد فينا
المشاركة الأصلية كتبت بواسطة Mohamed.Fawzy
تمام حضرتك ... بس الكلام ده انا جايبه من الكاتالوج بتاع الصنى + استخدامى ليها طبعا
اللأوفر درايف فى الصنى زى الغيار الخامس فى المانيوال ... بيريح الماتور
جرب حضرتك تكون قافله و تمشى فوق التسعين ... هتلاقى صوت الماتور على جداااااااا
افتحه .... هتلاقى صوت الماتور هدى خالص
ماهو ده اللى انا وحسام بنقوله مع التحفظ على جملة (الاوفر درايف زى الغيار الخامس فى المانيوال بيريح الموتور !!!)
ولو فعلا قافله (يعنى o/d on) واللمبة منورة يبقى انت كده ماشى على الثالث وليس الرابع او اخر نقلة فى الفتيس
اما لو فاتحه (يعنى o/d off) واللمبة مطفية يبقى انت كده ماشى ع الرابع وليس الخامس (ليس نقلة زيادة يعنى لأن الفتيس 4 سرعات فقط)
سؤال أخير هايحسم الموضوع ..
حضرتك تفتكر ليه اى فتيس ستيبترونيك ما بيكونش فيه زرار الاوفر درايف سواء كان 4 او 6 سرعات ؟
الاجابة بكل بساطة .. لأنك اول ما بتجيب حارة (+/-) بتكون تعشيق وتحكم مانيوال تحجز وتنقل ع السرعة اللى انت عاوزها لاستخراج كامل العزم مع الاخذ فى الاعتبار انه مبرمج على حد ادنى لكل سرعة ما ينفعش تتجاوزها يعنى مش محتاج زرار اقفل وافتح عشان يتحكم فى النقلة اللى ماشى عليها
المفضلات