الدليل الأكيد في عصر البنزين الشديد !!

**A.Adel** · 25-10-2012 07:00 AM

المشاركة الأصلية كتبت بواسطة tutankhamoun

من 2007 عملت كل حاجة في القياس .
كله بيديك قياس تقريبي و لكنه نسبته بتكون كبيرة يعني نسبة الغلط و الهالك بتكون تقريبا 1 % فقط لا غير .
و بالتالي القياس مازال بنسبة معينة صحيح ده بالنسبة للطوالي .
أما الزحمة هي فعلا اللي صعب تتحسب .

حضرتك الرقم اللي أنت كاتبها منطقية
10-12 فالزحمة و 7.5 80-90 طوالي

بس للاسف فيه ناس بتبالغ جدا و ده بيخلي ناس تانية تتضايق و تحس إن فيه مشاكل في عربيتها

أنا مقصدش حد فالموضوع ده ,ده من مواضيع الإستهلاك القليلة اللي الناس كاتبة أرقام معقولة

فيه ناس بتكتب أرقام اقل من الارقام اللي الشركة معلناها
يعني غلب الشركة :) هههههه

**حماده المصري** · 25-10-2012 07:30 AM

المشاركة الأصلية كتبت بواسطة hegazio

مش حيفرق ازاي...انا بافكر ابيع عربيتي و اجيب حاجة اوفر...انا استهلاكي ٥٥٠ لتر فالشهر احيانا..لما غيرت طريقة سواقتي وفرت اقل من ١٠٠ لتر.. لكن ممكن اغير لعربية اوفر او حتي عربية تانية بس تكون موفرة قوي

اللي باشوفه ان العربيات الصغيرة مش وهمية قوي فالتوفير يعني

مثال بسيط البييكانتو الجديده موفره ف البنزين امنا كل الف كيلو بتحرق لتز زيت بيتبخر

**Hegazio** · 25-10-2012 11:40 AM

المشاركة الأصلية كتبت بواسطة tutankhamoun

من 2007 عملت كل حاجة في القياس .
كله بيديك قياس تقريبي و لكنه نسبته بتكون كبيرة يعني نسبة الغلط و الهالك بتكون تقريبا 1 % فقط لا غير .
و بالتالي القياس مازال بنسبة معينة صحيح ده بالنسبة للطوالي .
أما الزحمة هي فعلا اللي صعب تتحسب .

+11111
انا باقيس كل مرة افول و بالكمبيوتر و بالعداد و بالجن الازرق....فروقات البخر و الكثافة ضئيلة جدا

**Hegazio** · 25-10-2012 11:40 AM

المشاركة الأصلية كتبت بواسطة حماده المصري

مثال بسيط البييكانتو الجديده موفره ف البنزين امنا كل الف كيلو بتحرق لتز زيت بيتبخر

مش فاهم حاجة !!!!

**A.Adel** · 25-10-2012 03:27 PM

المشاركة الأصلية كتبت بواسطة hegazio

+11111
انا باقيس كل مرة افول و بالكمبيوتر و بالعداد و بالجن الازرق....فروقات البخر و الكثافة ضئيلة جدا

يا باشا مع احترامي ليك ,بس الكلام ده مش مظبوط
لا عمليا ولا علميا حتى

استهلاك البنزين أو 10 لتر ,غير تاني 10 غير تالت 10
و فرق الكثافة الناتج من معاد التفويل ,ممكن يفرق 50 كيلو فالتانك

اللي أنا بقوله ده مش اختراعي واللهِ ,ده أ ب في أي مقال عن استهلاك البنزين
و أنا بنفسي مجربه

**SYD** · 25-10-2012 05:30 PM

سيات ابيزا موديل 99 بمحرك 1.4 mpi (انجيكشن كامل متعدد النقاط)

اخر حسبة كانت لتر / 14 كم (متوسط) بين السريع وداخل المدينة
او 450 كم / 32 لتر (متوسط) بين السريع وداخل المدينة
او 7 لتر / 100 كم (متوسط) بين السريع وداخل المدينة

اخر حسبة كانت بناء علي استهلاك اسبوع وكل يوم خلال هذا الأسبوع بروح شغلي من الهرم ل مدينة نصر من خلال الدائري او صلاح سالم بمتوسط 65 كم / اليوم

بهتم جدا بالصيانات الدورية وتنظيف الحساسات واستخدام منظفات الأنجيشكن وتغيير الفلاتر بصفة مستمرة
بستعمل بنزين 92 بصفة دائمة

اقل معدل استهلاك عملته كان 6.5 لتر / 100 كم ودة رقم اقل من المذكور في كتالوج السيارة

**SYD** · 25-10-2012 05:36 PM

المشاركة الأصلية كتبت بواسطة ahmed-adel

فيه ناس بتكتب أرقام اقل من الارقام اللي الشركة معلناها
يعني غلب الشركة :) هههههه

وليه لأ ؟؟؟
انا شخصياً عملت استهلاك اقل من المذكور في الكتالوج
اولا حسابات الشركة المصنعة تختلف عن الأداء الفعلي

بمعني
كتير مننا ان ماكنش كلنا كسرنا الحد الأقصي للسرعة المذكور في الكتالوج (انا شخصياً ماعملتهاش لأني مش بحب امشي بسرعة فائقة ولكن كثيراً فعلوها)
2- الكتالوج او الشركة المصنعة بتحسب الأستهلاك علي اساس الfully load يعني والعربية محملة 4 اشخاص بالغين بمتوسط وزن 70 كجم للفرد
واحنا معظمنا بيروح شغله اما لوحده او بالكتير لو خد معاه حد زميله في سكته
يبقي ليه مانعملش ارقام احسن من الكتالوج - بفرض تثبيت باقي العوامل زي السرعة وضغط الأطارات والأهتمام بالصيانات وما الي ذلك

تحياتي لحضرتك
ردي ليس هجوم ولكنه توضيح لنقطة حضرتك ذكرتها

**Hegazio** · 25-10-2012 05:39 PM

Ahmed adel
بص...
التانكات معزولة كويس جدا..بيبقي الفراغ اللي فالتنك و ده بيكون مشبع بالجازولين..او البنزين يعني..فكمية البخر داخل التنك لما يقارب علي ان يفرغ مش بتكون بالصورة اللي انت متخيلها !
نيجي لعامل ٱخر معاكس و بيظبط زيادة الاستهلاك البسيط جدا الناتج عن البخر..و هو ان وزن السيارة اساسا بيكون بيقل مما يحسن استهلاك الوقود لما وزنها يقل خمسين كيلو !!

بدون التفاصيل المملة...تجارب الناس خلاصة مواقف مختلفة..متوسط يعني..و مش بتفرق غير ١-٢٪ الكلام اللي بنقوله ده

مصري
انا عمري فحياتي ما شفت عربية زيرو بتاكل كيلو زيت فالألف...و كنت حاتجنن من كلامك انه موجود فالكتالوج و معروف و بتاع..فسألت جاري..معاه واحدة
الزيت لما بينزل و هو بيغيره بيبقي اقل من نص لتر للتر عند الصيانة الدورية مش ماشي يزود زيت ولا حاجة...و العيب فالزيت مش العربية

**A.Adel** · 25-10-2012 07:30 PM

المشاركة الأصلية كتبت بواسطة Hegazio

Ahmed adel
بص...
التانكات معزولة كويس جدا..بيبقي الفراغ اللي فالتنك و ده بيكون مشبع بالجازولين..او البنزين يعني..فكمية البخر داخل التنك لما يقارب علي ان يفرغ مش بتكون بالصورة اللي انت متخيلها !
نيجي لعامل ٱخر معاكس و بيظبط زيادة الاستهلاك البسيط جدا الناتج عن البخر..و هو ان وزن السيارة اساسا بيكون بيقل مما يحسن استهلاك الوقود لما وزنها يقل خمسين كيلو !!

بدون التفاصيل المملة...تجارب الناس خلاصة مواقف مختلفة..متوسط يعني..و مش بتفرق غير ١-٢٪ الكلام اللي بنقوله ده

طيب تفسر بايه زيادة استهلاك البنزين فالصيف لتر لكل 100 كيلو بنفس ظروف التشغيل
لو كان تأثير البخر 1-2 %

تأثير البخر أكبر من تأثير الوزن لأن انا بأتكلم في 20 30 لتر يعني 30 كيلو أو أقل كمان
ده فرق وزن بين واحد والتاني :) , مش ده اللي هيفرق يعني

عشان اثبتلك كلامي
ال c4 وزنها 1380 كيلو
ال c3 وزنها 1253 كيلو
والإتنين زي بعض في كل حاجة -ما عدا طبعا الشكل و العفشة -120 hp و فتيس 4 سرعات

فرق الإستهلاك بينهم 0.2 لتر لكل 100 كيلو ,فرق ال 50 كيلو حتى مش حاجة خالص
ده من ال brochure بتاعها في UK
ممكن ارفعهولك لو حابب و عموما هو موجود على النت أي حد ممكن يجيبه

الموضوع: الدليل الأكيد في عصر البنزين الشديد !!

LinkBack

أدوات الموضوع

عرض

-

-

-

-

-

المواضيع المتشابهه

الحل الأكيد لمقاومه انقطاع الكهرباء glowing bottel

وداعا عضة مارشيدير اللوجان إلى الأبد الحل الأكيد

وداعا للأبد عضة مرشيدير اللوجان :) الحل الأكيد :)

الدليل على ان ارتفاع البنزين قادم

الدليل الشامل لاماكن تواجد البنزين 80 في القاهرة الكبرى ..................

الكلمات الدلالية لهذا الموضوع

المفضلات

المفضلات

ضوابط المشاركة