الموضوع: الدليل الأكيد في عصر البنزين الشديد !!

المشاركة الأصلية كتبت بواسطة ahmed-adel

و بعدين إنت يا باشا بتجيب ب عربية موديل 1999 و بنزين مش 95 -مع إن حضرتك ذكرت في موضوع قبل كده إنك الموصي بيه عندك 95 -استهلاك أحسن من استهلاك الشركة للعربية و هي جديدة
طب إزاي يعني ؟؟؟!!!!!!!!!!!!

مالها موديل 99 ؟؟؟ وعلي فكرة انا عربيتي كانت بموتور 1.0 mpi وانا مسقط مكنة 1.4 mpi موديل 97 علي نفس الفتيس والكنترول بتوع ال1.0

لما تكون حالة الموتور كويسة وبتهتم بالصيانات الدورية كويس اوي (بعملها بأيدي علي فكرة - وفي مكتبة عندي في القسم في المواضيع المثبته انا عامل معظمها) وبتسوق قيادة اقتصادية رشيدة (علي فكرة انا صاحب موضوع من اكبر المواضيع الي اتعمل في المنتدي والموقع عن توفير الأستهلاك)
لازم هتعمل ارقام احسن من اي مرجع تاني (علي فكرة دورتلك كتير في المانيول بتاع العربية وللأسف مالقتش اي رقم بيتكلم عن الأستهلاك لأن المانيوال بتاع كافة المحركات المتوفرة للعربية ) غير انه مش هيبقي صادق لأن عربيتي ابيزا والمنيوال بتاع بولو وفي اختلاف في الوزن والحجم بين العربيتين

المشاركة الأصلية كتبت بواسطة ahmed-adel

ممكن مصدر الكلام ده
بـس حتى لو ده صح ,فيه عوامل كتير ابسطها نوعية البنزين
أظن مفيش حد هنا في مصر بيحط البنزين الموصى بيه من الشركة و الا زمنا كلنا حاطين 95
ولا إيه ؟؟

طب واجيب المصدر منين ؟؟؟
انا فعلا كتالوج عربيتي وباب غطاء التانك مكتوب عليه 95 RON
بس لما بحسبها بناء علي نسبة انضغاط المحرك بلاقي الأنسب 92

ثم ان كلام الكتالوج حاجة والواقع العملي حاجة تانية
مش بقول ان الكتالوج مالوش لازمة - ولكن في بعض القياسات بنلاقي الواقع مختلف
يعني مثلا حجم التانك - الكتالوج بيقول 45 لتر وانا في الواقع لقيته بين ال47 وال50 (طبعا عمري ما فضيته نهائي عشان اقول كام بالظبط)
مثلا كمية الزيت بالفلتر - الكتالوج بيقول 3,5 - بالتجربة والزيت بين الماكس والميني لقيته 3,25 والربع الزيادة لو حطيته بيتحرق ويتبخر

فالكتالوج بيقول حاجات والتجربة العملية بتلاقي حسابات مختلفة

طبعا مش هجادل الكتالوج او اعدل عليه في درجات الزيوت ومواعيد الصيانات وباقي النصائح والأرشادات
لكن حتي في مواعيد الصيانات احنا مش بنلتزم بيها لأختلاف طبيعة المناخ (اقصد زي فلتر الهواء وفلتر البنزين والكلام دة ماقصدش ان مصر حر واوروبا برد والكلام الفاكس دة) احنا الجو عندنا مترب وملوث اكتر من اوروبا اللي طول السنة امطار وثلج وشوارع مكنوسة

كبيرة أوي كلمة هجوم دي :)
مفيش مشكلة ,احنا بنتناقش و كلنا بنستفيد
و حضرتك راجل محترم وأنا اتكلمت معاك قبل كده في موضوع ال dsg

ربنا يخليك - طبعا فاكر حضرتك كويس - وهل يخفي القمر؟

المشاركة الأصلية كتبت بواسطة tutankhamoun

بس لو هو بيعمل فعلا الصيانات في مواعيدها و كل شئ تمام في العربية ممكن تعمل أرقام قريبة من و هي جديدة .

بس برضه فيه علامة أستفهام .؟

1+
بس ايه هي علامة الأستفهام في كلامي ؟؟؟؟
علي فكرة الموضوع مش مسابقة ان اللي استهلاكه اقل هياخد جايزة !!
كل ماهو نالك ظبط محرك + اهتمام بالصيانات + سواقة رشيدة + اتباع سلوكيات قويمة ونصائح لتوفير الوقود = استهلاك امثل
ولا حضرتك ماقريتش موضوعي http://www.nilemotors.net/Nile/26712...post3874055768
ولسة في ان شاء الله الجزء التاني منه هيكون منقح اكتر ويشتمل علي نصائح اكتر وهيعجب حضرتك ان شاء الله - بس هو لسة في طور الأعداد وهينزل بعد اجازة العيد ان شاء الله
ياريت اسمع رأي حضرتك فيه وتشارك معانا بخبرتك لما ينزل ان شاء الله

المشاركة الأصلية كتبت بواسطة ahmed-adel

بالنسبة لحتة السرعة القصوي والتسارع
لو حد يعرف إيه السبب ,ياريت يقولنا

فيه ناس بتقول لما بتفتح العربية بتفرق ,يعني الشركة بتختبرها و هي جديدة

و أنا مرة قريت في forum بره ,إن فيه سبب تاني خالص :)
إن شركات العربيات بتاعتنا ,مش sport cars يعني
مش بتهتم قوي بارقام ال performance , على اد ما تهتم بارقام استهلاك بنزين مثلا
و إن فيه شركات كتير مش بتقيس عملي ,بيبقى فيه معادلات كده
بتجيب ال acceleration وال top speed بس مش بدقة
وده اللي بيخلي الارقام تختلف

البنزين بقى منطقية شوية عشان فرق البنزين والظروف القياسية للاختبار ....الخ

طبعا القياسات والكلام دة - المهندس مصطفي رد عليها ومش هقول احسن من الكلام اللي اتقال
بس اقدر اقول ان قياسات المصنع بتكون كلها متوسطات ومراعي فيها اختلاف المناخ واساليب القيادة وظروف التشغيل المختلفة

وشوف حضرتك اللينك دة
SEAT Ibiza 5 Doors 1.4 (1996 - 1999) Technical Specifications & Features

fuel consumption

City : 27 mpg OR 8.7 L/100Km
Highway : 44.4 mpg OR 5.3 L/100Km
Combined : 35.6 mpg OR 6.6 L/100Km

فيه كلام يقترب الي الواقع ولكن الواقع الفعلي حاجة مختلفة
يعني هو بيقولك ان علي السريع بتستهلك 5.3 - انا عملت 5 لتر (طبعا الله اعلم 5 بالظبط ولا 5.3 ) علي طريق سفر بمتوسط سرعة 70 كم/ساعة واقصي سرعة 90 كم/ساعة
والمتوسط بينهم 6.6 انا بعمل 7 لتر (بردو الله اعلم 7 بالظبط ولا 6.6) وطبعا انت عارف قد ايه اشارات الدائري ومدينة نصر ماتعرفش تحسب عليهم اي حاجة فأي حاجة

لكن في كل الأحوال الأرقام قريبة مش بعيدة

تحياتي للجميع
وكل عام وانتم بخير