الدليل الأكيد في عصر البنزين الشديد !!

**A.Adel** · 29-10-2012 08:32 PM

المشاركة الأصلية كتبت بواسطة SYD

طبعا مش هجادل الكتالوج او اعدل عليه في درجات الزيوت ومواعيد الصيانات وباقي النصائح والأرشادات
لكن حتي في مواعيد الصيانات احنا مش بنلتزم بيها لأختلاف طبيعة المناخ (اقصد زي فلتر الهواء وفلتر البنزين والكلام دة ماقصدش ان مصر حر واوروبا برد والكلام الفاكس دة) احنا الجو عندنا مترب وملوث اكتر من اوروبا اللي طول السنة امطار وثلج وشوارع مكنوسة

الكلام ده مش مظبوط

أي شركة محترمة بتبقى حاطه ده في الحسبان
حتى في ال tuning بتاع الموتور كمان ,مش فلاتر و بتاع

مثلا bmw طول عمرها بتنزل map لل ECU تقدر تمشيها بالبنزين بتاعنا
مثلا megane اللي بتنزل الخليج 115 و هنا 105

**A.Adel** · 29-10-2012 08:43 PM

المشاركة الأصلية كتبت بواسطة SYD

1+
بس ايه هي علامة الأستفهام في كلامي ؟؟؟؟
علي فكرة الموضوع مش مسابقة ان اللي استهلاكه اقل هياخد جايزة !!
كل ماهو نالك ظبط محرك + اهتمام بالصيانات + سواقة رشيدة + اتباع سلوكيات قويمة ونصائح لتوفير الوقود = استهلاك امثل
ولا حضرتك ماقريتش موضوعي http://www.nilemotors.net/Nile/26712...post3874055768
ولسة في ان شاء الله الجزء التاني منه هيكون منقح اكتر ويشتمل علي نصائح اكتر وهيعجب حضرتك ان شاء الله - بس هو لسة في طور الأعداد وهينزل بعد اجازة العيد ان شاء الله
ياريت اسمع رأي حضرتك فيه وتشارك معانا بخبرتك لما ينزل ان شاء الله

2- ريح العربية في الغيارات
الصح اختيار ال gear المناسب للسرعة اللي أنا ماشي عليها مش معدش 2 أو 2.5 و خلاص
لو اخترت gear أقَل ,هيزود استهلاك البنزين مش هيقلله

4-قلل المسافات قدر المستطاع
ديه أنا مش شايفها نصيحة بصراحة ,محدش غاوي يمشي أكتر
ولا إيه ؟؟!!!

10 - سخن العربية كويس قبل ما تطلع
ده للقديم بس

11- مون بليل وانت اولي بالفرق
ده غلط , العكس هو اللي صح
بالليل طبقات الأرض بتكون محتفظة بالحرارة جواها ,نفس مبدأ حمام السباحة
المية بتبقى دافية بالليل مش الصبح

العكس بقى الصبح بدري ,بتكون اتخلصت من الحرارة المتخزنه فيها بالليل

واضح إنك ليك طريقة معينة فالسواقة
ربنا يباركلك في عربيتك :)

**Hegazio** · 29-10-2012 08:49 PM

هههههه
قصدك ان الميجان نفس الموديل لنفس السنة بتنزل خليجي بماب و مصري بماب تانية...فورمو....انت بتجيب الكلام ده منين؟
يعني لو قلت ميجان مصنع فرنسا بماب و مصنع تركيا بماب تانية كنا اتكلمنا..لكن الكلام ده..لا تعليق عليه

SYD
احترم كلامك جدا..طبعا المواعيد القياسية لتغيير و نوع الشئ اللي بيتغير..برضه فالظروف المعقولة...لا احسن استهلاك ولا اسوأ استهلاك..و الواحد لازم ياخد استخدامه لعربيته بال sense كده..حسب اللي بيعمله فيها

**Hegazio** · 29-10-2012 08:57 PM

المشاركة الأصلية كتبت بواسطة ahmed-adel

[/color][/size]11- مون بليل وانت اولي بالفرق
ده غلط , العكس هو اللي صح
بالليل طبقات الأرض بتكون محتفظة بالحرارة جواها ,نفس مبدأ حمام السباحة
المية بتبقى دافية بالليل مش الصبح

العكس بقى الصبح بدري ,بتكون اتخلصت من الحرارة المتخزنه فيها بالليل

واضح إنك ليك طريقة معينة فالسواقة
ربنا يباركلك في عربيتك :)

مش بقولك المشكلة فأسلوبك..الراجل بيقول معلومة صح عن ان التموين بالليل في درجة حرارة اقل من حرارة النهار بتكون فيه كثافة البنزين اعلي و افضل...ممكن تضيف عليه انت انك لو انتظرت كام ساعة كده و تمون من بعد العشاء بتلات اربع ساعات لبعد الفجر بتلات اربع ساعات افضل لحد مايكون الارض غيرت حرارتها اللي محتفظه بيها

لكن كلامك عن " غلط " .." بالعكس " زي مايكون الراجل بيخرف...و القارئ المسكين يروح يمون الساعة ٢ الظهر تماشيا مع " العكس " بتاعك

..
سوري..كنت فاكرك فورميولاتور
بس برضه بالراحة فالاعتراض عالناس

**A.Adel** · 29-10-2012 08:59 PM

فيه حاجات مهمة للإستهلاك حضرتك نسيها

استخدام ال cruise control

تجنب المشاوير القصيرة

غلق التكييف عند عدم الحاجة بشرط عدم تخطي سرعة 80-90
لأن عند تخطيها يصبح استخدام التكييف أكثر توفيرا

ال body kits وال spoilers وال roof racks
ممكن ترفع استهلاك البنزين بنسبة 20 % في حالة إنها متركبة غلط

تعريض الجنوط
ده ممكن يزود استهلاك البنزين 10 %

استخدام زيت خطأ ذو لزوجة أعلى
في ناس بتبقى مبسوطة قوي بان صوت الموتور وطي
بس فالحقيقة الإستهلاك بيزيد
و ده تأثيره أكبر فالمواتير اللي ماشية أقَل من 100,000 كيلو

استخدام نوع البنزين المناسب للسيارة

ده غير ال drafting
يعني إنك تقرب المسافة اللي بينك وبين اللي قدامك عشان تقلل مقاومة الهوا
بس دي خطر :)

**A.Adel** · 29-10-2012 09:02 PM

المشاركة الأصلية كتبت بواسطة hegazio

مش بقولك المشكلة فأسلوبك..الراجل بيقول معلومة صح عن ان التموين بالليل في درجة حرارة اقل من حرارة النهار بتكون فيه كثافة البنزين اعلي و افضل...ممكن تضيف عليه انت انك لو انتظرت كام ساعة كده و تمون من بعد العشاء بتلات اربع ساعات لبعد الفجر بتلات اربع ساعات افضل لحد مايكون الارض غيرت حرارتها اللي محتفظه بيها

لكن كلامك عن " غلط " .." بالعكس " زي مايكون الراجل بيخرف...و القارئ المسكين يروح يمون الساعة ٢ الظهر تماشيا مع " العكس " بتاعك

..
معلش..فورمو..مش قادر انبسط من مشاركاتك بالذات في موضوعي..اعذرني

يا باشا أنا مش معاك في كلمة موضوعي و موضوعك اللي حضرتك قلتها كذا مرة
أنا أول مرة أسمع حد هنا فالمنتدى بيقول الموضوع بتاعي !!!!!!!!

**A.Adel** · 29-10-2012 09:03 PM

المشاركة الأصلية كتبت بواسطة hegazio

هههههه
قصدك ان الميجان نفس الموديل لنفس السنة بتنزل خليجي بماب و مصري بماب تانية...فورمو....انت بتجيب الكلام ده منين؟
يعني لو قلت ميجان مصنع فرنسا بماب و مصنع تركيا بماب تانية كنا اتكلمنا..لكن الكلام ده..لا تعليق عليه

syd

حضرتك مش عارف ,مع احترامي ليك
دي مشكلتك :)

**Hegazio** · 29-10-2012 09:10 PM

المشاركة الأصلية كتبت بواسطة ahmed-adel

حضرتك مش عارف ,مع احترامي ليك
دي مشكلتك :)

معلش..اعرفك انا
اصل من حظك ان الميجان اللي كانت معايا كنت جايبها من السعودية..و نفس مصنع تركيا اللي بيورد لمصر
و لما كنت باعمل تشيب تيونينج عن سامح تشيب..طلعت نفس الماب اللي فمصر مافيش اي تغيير

موضوعي بقي..عشان لو مشي غير مانا حابب..ممكن اقفله خالص

و عشان ما يتقفلش..ذوقيا لو حد لقي كلامه مش عاجب بيوقف مشاركته

لكن عشان مانخليهاش شخصنة و بتاع...لأن الموضوع لا بقي رفرينس ولا بتاع..قول اللي انت عاوزه..و تحياتي

**Hegazio** · 29-10-2012 09:15 PM

المشاركة الأصلية كتبت بواسطة mohab.nabil

انا كنت عايز اسأل على حاجة و اسف لو كانت برة نطاق الموضوع شوية

دلوقتى انا فى المشى الزحمة ده مثلا ببقى ماشى على سرعة 10-12 و بمور العربية لما باجى اهدى ( متعود على كده و اظن انه غلط ) .. العربية بتبقى على سرعة 10 - 12 مثلا الصح على العربية و استهلاك البنزين اديها اول و لا تانى كده .. المشكلة انى اديها اول اجى ازود شوية اوصل 20 مثلا بحتاج اغير للتانى على طول فباخد غيارين ورا بعض على طول .. لو اديتها تانى العربية بتسقف عشان السرعة قليلة على الغيار التانى .. عارف ان السؤال بدائى و بسيط بس انا بصراحة احترت فيه و خايف انى اكون كده ببوظ حاجة او بزود الاستهلاك عن غير قصد

محمد باشا..والله الموضوع مش محتاج ولا مستاهل خلاف فعلا
بس فعلا برضه سؤالك محير...بس انا لو مكانك حيبقي خنقتي من الزحمة و تخلصي منها السؤال الاهم ههههه

-

الموضوع: الدليل الأكيد في عصر البنزين الشديد !!

LinkBack

أدوات الموضوع

عرض

-

-

-

-

المواضيع المتشابهه

الحل الأكيد لمقاومه انقطاع الكهرباء glowing bottel

وداعا عضة مارشيدير اللوجان إلى الأبد الحل الأكيد

وداعا للأبد عضة مرشيدير اللوجان :) الحل الأكيد :)

الدليل على ان ارتفاع البنزين قادم

الدليل الشامل لاماكن تواجد البنزين 80 في القاهرة الكبرى ..................

الكلمات الدلالية لهذا الموضوع

المفضلات

المفضلات

ضوابط المشاركة