يعني تخيل واحد ابنه مريض ونزل بيه للدكتور على عجل
ممكن جداً يكون مفكرش في موضوع الهاند بريك دة
بقولكوا منظر العربية ووقفتها تدل إن صاحبها راميها وبايعها
تقوللي هاند بريك !
يعني أنا لو كنت كسرتله القزاز وجه وهوة مكتئب كدة لقى قزاز العربية مكسور مش كان بكل بساطة ممكن يشيل مفتاح العجل وينزل على قزاز عربيتي كله يكسره و واحدة بواحدة ؟
هتقلولي روح القسم
ما نص الشارع هيشهد إن أنا إلي بادئ وكاسر قزازه الأول وأولهم بوابين العمارات
ويا سلام بقى لو طلع واحد مجنون وساب القزاز ونزل على دماغي أنا صحيح أنا ممكن اوديه ورى الشمس بعدها :) لكن على ما اعمل كدة هاكون استفدت خبطة محترمة في دماغي مثلاً وإن مكانش عاهة مستديمة !
أنا شايف إن طريقة كسر القزاز د مش هي الحل
الحل الوحيد هو طلب الشرطة أو رفع العربية وتحريكها بعيد
وياريت كل واحد يسيب تليفونه على القزاز لو عمل كدة
وعلى فكرة الكلام دة بيحصل في دول تانية كتير مش في مصر بس زي مع قلت قبل كدة
لكن الشرطة بتحله في دقائق بدون ضرر للطرفين علشان هما كمان عندهم مشكلة في قله أماكن الباركينج
Thanks
Eng.Sherif Shaker
المفضلات