الموضوع: ماذا تفعل اذا ركنت سيارتك بمكان و اقفلت عليك سيارة اخرى ( تجربة واقعية )

ممكن نوصف اى حد راكن صف تانى باى حاجة احنا عايزينها
لكن ردود الافعال نفسها مترضيش ربنا اكيد
يعنى بصراحة مش اخلاق مسلمين ولا غير مسلمين واكيد ربنا مش حيبقى راضى وانت بتعمل كده عربية واحد تانى حتى لو هو كان متخلف وهمجى

والله اعلم

مفيش فايدة
اللي جرب مش زي اللي مجربش

انا مش معترض على كسر القزاز لو مش حتقدر تطلع من غيره (ولو انت مضطر فعلا)
لكن الاعتراض على التصرفات اللى بتحصل بعد متطلع التكسير والرسم والتجريح

المشاركة الأصلية كتبت بواسطة Islam_galal

مفيش فايدة
اللي جرب مش زي اللي مجربش

والله ياباشا كللنا اتلسعنا من الموضوع دا
اول امبارح لسه حاصله معايا بس الراجل اللى قفل عليا لئيته كان بيصللى العشاء فى المسجد وانا كمان مكنتش مستعجل وكان اودام سنتر فيه ييجى 10 كوفى شوب يعنى مكنتش هعرف اوصلله لو عملت قرد حتى.
المسامح كريم

المشاركة الأصلية كتبت بواسطة hesham_tawfiq

يعنى مكنتش هعرف اوصلله لو عملت قرد حتى.
المسامح كريم

ههههههههههه...
مش لدرجة قرد يعنى

مره حصلت معايا
بس البيه كان قافل باب الجراج يعنى مش انا لواحدى الى محبوس ده 150 عربيه قافل عليهم لان الجراج تحت العماره
طبعا كان دمى محروق ومكنتش عارف اعمل ايه
اكتفيت بس بكاتبه ورقه وحطتها تحت المساحه بتاعه عربيته وكان فيها الى فيه النصيب

عندما وضعت هذا الموضوع كان الهدف منه اظهار شىء بسيط من سلبيات المجتمع الذى نعيش فيه .

و كيف يتصرف بعض قائدى السيارات عديمى الاحساس و الاخلاق الذين يقفوا بسيارتهم صف ثانى و يغلقوا فرامل سيارتهم على غيرهم و لا يهمهم شىء سوى نفسهم بحجة انهم مضطرين.
انها حالة لامبالة فريدة من نوعها لما اجدها ابدا فى اى بلد اخرى ذهبت لها .

فلماذا يفعل بعض الاشخاص ذلك و اين ذهب عقلهم اثناء شد الهاند بريك و كيف تجرأوا على حبس شخص اخر انها قمة الانانية و الاستهتار بالناس.

و الغريب انى فوجئت بأعضاء هنا يدافعون عن هذه الفئة الهمجية من البشر و يبررون لهم الخطأ و يضعون لهم الشماعة المناسبة التى قصمت ظهر مصر كلها و هى انهم مضطريين يفعلوا ذلك و لابد ان نعذرهم و نحترم سيارتهم .
و هم اساسا لم يحترموا احد فكيف يطلبوا منا ان نحترمهم و نحافظ على سيارتهم .
منطق مقلوب و حق ضائع

حتى الدين لم يسلم من الذج به لتبرير التصرف الغبى لهؤلاء الناس
و وجدنا من يجرمنا نحن لمجرد اننا نكف اذى عنا و نزيل عائق من طريقنا و اعتبروا ان تصرفنا هذا حرام .

و اذا كان شخص محترم و مضطر يقف صف ثانى فهل من الاخلاق ان يغلق فرامل سيارته ام يتركها حتى يسهل تحريكها من قبل الاخريين !!!
ليس هناك شخص مضطر يتعمد غلق فرامل سيارته على الناس
ان هذا غباء و استهبال و ليس اضطرار !!!!

و لا اتذكر ابدا ان انا او اى فرد من عائلتى فعلوا مثل هذه الفعلة و نحن جميعنا حرصين جدا على عدم الوقوف على احد او اعاقة اى سيارة مهما كانت الظروف
فلماذا لا نتبع الصح و نؤيده ؟؟؟؟

و ما المانع من معاقبة فورية لصاحب السيارة الهمجى المستهتر الذى تركها تؤذى الناس حتى يفيق من غفلته و يتنبه لخطأه و لا يكرره مرة اخرى .

لذلك نصيحتى الاخيرة لابد من معاقبة من يفعل هذه الفعلة الغبية فى وقتها
و بالطرق التى اقترحها الاعضاء هنا حتى نقضى على هذه الظاهرة التى تفشت فى مجتمعنا و القضاء على حالة اللامبالة التى تسود الشارع المصرى .