الموضوع: اللى يقول الألنترا عربيه وحشه ... اقوله اصحى :)

المشاركة الأصلية كتبت بواسطة Y a r i s

معاك حق يا باشا مش كل الهونداي فيرنا

افتح مواضيعي هتلاقيني. عامل تقرير حلو عن اخر عربية جبتها rb في قسم الهونداي .... هتقولي برضوا مش كل الهونداي اكسنت ار بي .... وبقول عن تجربة الهونداي ضعييييفه ومفيش حد في قسم تويوتا. من الناس الي معاهم عربيتين. الا وجايب هونداي. الي جايبها لمراتوا والي جيبها لاختوا والي جايبها لشغولوا ... مش من حلاوتها لكن على قد فلوسنا وحاجة تمشي الحال وكام سنة واقلب وهات غيروا .... والشوفرلية الكوري ميفرقش قوي عن هونداي يعني هههههه هتخلينا نخبط في بعضينا منك لله يالي في بالي ايه لزمتوا بس المواضيع الي تزعل دي

كل واحد معاه عربيتوا وراضي عنها .... وفي كلمه وحكمة عندي العربيات زي الستات ومراتك ماينفعش اتنين اصحاب يقعدوا واحد يقل لتاني انا مراتي رشيقة وانتي مراتك تخينة وبشلة. او انا مراتي مهنياني ومراتك مطلعه عينك .... او انا مراتي احلى من مراتك والتاني يرد عليه لا ياعم مراتي انا احلى ... خلاص كل واحد متجوز وراضي .... قصدي كل واحد راضي بالي ربنا قسمهولوا .... فبلاش كل شوية الاقي ناس تهاجم تويوتا وياريت على حق .... مش عارف انا تويوتا عاملهلم عمل ولا ايه الحكاية في حكمة الي بيركب عربية لازم يفهم هو راكب ايه .... وايه امكانيات عربيتوا ... وامكانيات جيبوا ... يعني محدش بيركب الهوندا الي اذا كان بيعشقها وفاهم يعني ايه هوندا والي بيركب الاوروبي بيحبها والي بيركب المرسيدس بيعشق الفخامة والرفاهية والي بيشتري الفولفو بيدور على الامان والي بيشتري تويوتا بيدور على السلعه المعمرة والي والي والي .... فمش هنقعد عملين نهاجم على الفاضي والمليان. .... يالله بقه حصل خير وكل واحد يصلح عربيتوا وجت سليمة

فتحت مواضيعك مالقتش موضوع ال RB

وياباشا الموضوع مش زى الستات ومراتى ومراتك الموضوع ابسط من كدا دى مجرد سلعة بتؤدى الغرض وكل واحد بيختارها بناء على ظروفه والاولويات اللى عنده

انت بتقولى الهيونداى ( خد بالك انت بتعمم الكلام برضه ) بتقول الهيونداى ضعيفه , ضعيفه فى ايه ؟؟ فى الصاج مثلا ؟؟ ما كلو دلوقتى بقى ورق , وبعدين مش مهم الصاج المهم سلامة الركاب مش العربيه وللاسف الكورى فى مصر متنضف من عوامل الامان فى بعض الفئات والناس بتجيبها عشان ارخص

دخلتلى كمان فى الشيفروليه الكورى :) لو قصدك على الاوبترا ماشى اهى عربيه قديمه ومعروف تمامها ايه لكن الاجيال الجديده كروز وسونيك حاجه تانيه والبركه فى اوبل و GM :)

وبعدين انت زعلان ان الناس بتهاجم تويوتا وانت داخل تقطع فى الكورى ولا مراعى اننا فى عيد ولا حاجه

كل سنه وانت طيب