الموضوع: اللى يقول الألنترا عربيه وحشه ... اقوله اصحى :)

سلام عليكم يا جماعة

انا يمكن دى اول مشاركة فى نقاش فعال زى ده

حابب اقول رأى وان شاء الله مش حيضايق حد

انا احب اقول اولا ان والدتى تملك فيرنا 2010 وانا اوقات بسوقها

انا كشخص اعتبر السيارة كفئة سعرية فى مصر جيدة (ووالله مش دفاع) وخامات على قد حالها وده عادى

ويجماعة بالعقل كده ازاى بمبلغ 120000 مثلا حتجيب سيارة متكاملة من كله وزيرو ؟

وقلت لوالدتى كده دى عربية مدينة مشى عادى وتمام مش حتشتكى لكن كسفر اقلق ليه بقى !!!

لانه انا سوقتها وبعد سرعة معينة اللى هيه نفس السرعة القانونية بتلاقى العربية خفيفة وده طبيعى جدا فبتحتاج تحكم اكتر (والحمد لله والدتى مش بتحب السرعة اطلاقا ولا السفر بعربيات)


وعلشان ببساطة شديدة جدا يا جماعة ان اى عربية على سرعات عالية جدا خلاص ميعتبرش عوامل الامان كلها فعالة زى ما على سرعة متوسطة


وانا شفت حوادث فيديو وصور لعربيات من ماركات عالمية وكلها سوبر كار (لا داعى للماركات ) والحادث بيبقى بشع جدا والله

ثانيا موضوع السرعة ده قصة تانى والشد وكده

مع احترامى التام لكل الناس اللى بتعشق الكلام ده

لما يبقى ياجماعة مثلا السرعة المحددة مثلا 120 هل يعقل انى امشى 200؟

على افتراض انى مستعجل - هل تعتقد انك كده وفرت وقت , مانتا ممكن تتعطل فى حاجة تانى؟

طب افتراض اخر وهوه ده الاغلب انت بتحب السرعة - اللى انا اعرفه ان فى مناطق مخصصة فى القاهرة او اسكندرية لمنافسات وبطولات بين السيارات فليه متعملش الكلام ده هناك؟

اللى انا عايز اقوله ان الاستعراضات والسباقات ليها اماكنها الخاصة وده مش غلط فى الاماكن دى وتقدر تثبت نفسك هناك وان الاماكن دى مجهزة لكده ومؤمنة


اخر حاجة احب اقولها على فكرة انا شاب برده واول ما بفكر اسرع بتراجع عن كده لانه ابسط ما فيها ان الشارع مش مكان للاستعراض والسرعات المبالغ فيها

وانا لو مسافر انا متأكد انى حسوق على امكانيات الطريق - والسرعة بدل ما امشى على 200 مالها 100 او 120 وحشة؟

ارجو انى مكنش ضايقت حد واسف على الاطالة

وكل سنة وانتم طيبين

المشاركة الأصلية كتبت بواسطة pro_samir

حضرتك شايف ان الالنترا عربيه حلوه

وانا مثلا شايف انها مش عربية اصلا

ولا هفرض عليك تقتنع برأيي ولا تفرض عليا اقتنع برأيك

يبقي ايه المطلوب من الموضوع ؟

تمام الله ينور
المطلوب هو احترام اراء الاخرين حتي لو اختلفت معاهم لان كل واحد ليه وجهه نظر
يبقي كل واحد حر في اختياراته..وده اللي المفروض يوصل لكل الناس
يعني المهم ان كل واحد يحدد هو عايز ايه وبعدين ان شاالله يركب توكتوك
تاني حاجه كل واحد ليه وجه نظر في موضوع العربيات ..يعني في ناس بتحب تركب بصرف النظر عن اللي هاتدفعه
وفيه ناس تانيه عمليه اكتر وشايفه ان الهيونداي والكيا بتديهم اللي هما عايزينه بسعر اقتصادي وبمصاريف معقوله
وفي النهايه كل واحد اختياراته محسومه علي حسب ظروفه ومتطلباته وامكانياته
يعني عربيتي افضل عربيه بالنسبه لظروفي واحتياجاتي وليست لها الافضليه المطلقه ( اتمني ان الفكره توصل)

وربنا يبارك لكل واحد في عربيته ويكفينا شر الطريق

المشاركة الأصلية كتبت بواسطة khaled_legand

في الولايات المتحده لا يوجد اي سيارات هيونداي اصلا الا الجينيسيس و هذا ما رأيته

http://www.nilemotors.net/Nile/298384-2012.html
رقم 10 و 13

أيـــــــــــــــــــــــ ـــــــــــــوة يا فندم
أنا صــــــــــــــــــــــــ ــــاحي وبكامل قوايا العقلية وباقولها وحشــــــــــــــــــــــ ـــــــــة
بالنسبة لأمريكا واللي راح أمريكا أكيد عارف إن هيونداي امريكا غير هيونداي الكرة الأرضية لأن عندهم مصنع مهول وعملاق، وكذلك كيا ومازدا وأغلب الماركات، فهيونداي النترا في امريكا متصنعة بالمواصفات والمعايير الأمريكية، يعني الالنترا موديل 98 هناك موتورها 2000cc وكنت جايبها، طبعا فرامل مانعة للإنغلاق وجميع الكماليات وعلى حق، ودعامات ابواب واكصدامات أعرض وتقفيل تاني خالص، حتى الصاج والخامات مختلفة، مرة شوفت كيا برايد بس متضحكش والله حسيت إنها عاملة زي الجولف من ناحية العرض والاكصدامات والصالون محترم جدا، أيوة صح تاخد هناك جوايز عشان متصنعة هناك وبمواصفات هناك ومتنساش إن موتور 2000cc أو 2400 ده عادي خالص ومش فلته ولا وحيد زمانه، والمازدا 929 القديمة دي ولغاية أوائل الألفينات وبتقال عليها ساعات سينيتيا مواتيرها 6 سلندر واتفرج عليها ولا البي إم الفئة الخامسة وكذلك الأكورد!
معلش متزعلش إني أقول إن الموجودة هنا ملهاش أي دعوة ولا صلة بالالنترا الامريكي بتاتا، والوكيل موصي المصنع الكوري يبعتله أقل مواصفات وافقر خامات.... حد يا ناس يصدق إن عربية 2012 وبالشكل الفضائي ده نازل منها فئات من غير فرامل مانعة للانزلاق أو من غير ebd ولا asr ولا غيره؟؟؟؟؟
احنا بنبص للشكل ونشوفها نازلة بكاسيت ولا سي دي... معايير العربية عندنا متفيرسة، اللي بيشتري عربية برة يدخل ويسألك فيها كام إيرباج؟؟؟ فيها كام نظام فرامل وتحكم؟؟ كام نيوتن وكام حصان؟؟؟ لما صديق عزيز جه مصر وسألني على البيجو 406 كام حصان وقلتله 136 ضحك لما عرف إنها من اقوى المواتير هنا، وقعد يسألني على كل عربية ماشية في الشارع، رحت مركبه سكودا فيليشيا وقلتله الأسد ده 64 حصان حتة واحد قعد يضحك ويقوللي مراته مش هتصدقه لو عرفت إنه ركب عربية 64 حصان رغم إن الفابيا موجودة هناك والأوكتافيا إلى ما.... تقبل مروري ومتزعلش إني أقولك الالنترا اللي عندنا متسواش والفولفو 1990 ثابتة عنها

المشاركة الأصلية كتبت بواسطة khaled_legand

في الولايات المتحده لا يوجد اي سيارات هيونداي اصلا الا الجينيسيس و هذا ما رأيته

مين قال كده؟؟؟؟ هيونداي امريكا مصنع من زمان وانتاجه من سنين لفئات مختلفة لسوق امريكا وكندا، وصنعت إكسيل وأكسنت (مفيش فيرنا لأنها أكسنت عندهم وبرضه متعملتش) وطبعا اتفرج على الهيونداي جينسيس اللي بتقول عليها ومعاها الأزيرا والإلنترا الكوبيه والإلنترا الهتاش باك والإيكوس وغيره، وبتشتري الالنترا دي أم جوايز بتمن 15 ألف دولار يعني حوالي 90 ألف ج.م وأعلى من أعلى فئة في مصر وعلى فكرة موتورها 1800 و6 سرعات مانيوال أو أوتوماتيك بثلاث انظمة فرامل ومفيش حاجة اسمها عربية فئة أولى من غير الفرامل دي وفئة تانية بنظامين وفئة تالتة بتلاتة ومعاهم كيس شيبسي هدية.