الموضوع: اللى يقول الألنترا عربيه وحشه ... اقوله اصحى :)

المشاركة الأصلية كتبت بواسطة khaled_legand

في الولايات المتحده لا يوجد اي سيارات هيونداي اصلا الا الجينيسيس و هذا ما رأيته

المشاركة الأصلية كتبت بواسطة moh19227

http://www.nilemotors.net/nile/298384-2012.html
رقم 10 و 13

تمام

دا غير السنين اللى فاتت

الجينيسيس اقل عربيه هيونداى بتبيع هناك , اكتر عربيتين السوناتا والالنترا

السنه دى لحد شهر سبتمبر السوناتا رقم 6 فى فئتها فى المبيعات ( 175,346) , الالنترا رقم 5 فى فئتها ( 152,575)

فى 2011 السوناتا رقم 5 ( 225,961) الالنترا رقم 4 فى فئتها ( 186,361)

فى 2010 السوناتا رقم 5 ( 196,623) الالنترا hd رقم 3 ( 132,246)

المشاركة الأصلية كتبت بواسطة hosam_optrawy

معروف مين لانشيا , بس عربية حضرتك لا مازيراتى ولا لامبورجينى ولا فيرارى , دى ديدرا 93

طبعا عربيه كويسه فى زمنها مقارنة بالامكانيات اللى فيها , ولانشيا لا تقارن بهيونداى فى التاريخ لان هيونداى فى 93 كانت تقريبا لسه معلمتش عربيه كويسه , بس فى الزمن اللى احنا فيه حاليا الديدرا عربيه اقل من عاديه ولا تقارن بعربيات 2012 عشان دا ظلم ليها , وبخصوص الشد وكدا وبارقام الموتور بتاعها 75 حصان 125 نيوتن فاى عربيه هيونداى تعلم عليها مرتاح



المواصفات طبعا مختلفه والبركه فى غبور والجمارك

بس مفيش النترا 8 ايرباج هما 6 فقط والتعليق هو هو وسعرها فى امريكا بيبدأ من حوالى 107 الف جنيه اقل فئه اوتوماتيك قبل الجمارك طبعا

لا فى ٨ منهم ٢ فى القائم الخلفى بالاضافه للأمامى ودى المواصفات الامريكى والعفشه مختلفه اكيد عفشة ٢٠٠٠ سي سي مستحيل تكون زى عفشة ١٦٠٠ ومع كل ده العربيه فى مصر فعلاً اقل من كل المثيل فى مصر ومع احترامي للجميع بلاش موضوع صور العربيات اللى عامله حوادث اكيد الكوري واليابانى اقل فى السلامه من الاوروبي بس عادى كلو بيتقلب فمتعتمدوش على المعتقدات دى وتجرو بالعربيات مفيش عربيه امان اودام تريلا وزنها بيعدى ال٢٠ طن او صدمه على سرعة ٢٠٠ مثلاً كل ده مش مقياس اى عربيه ممكن تموت بس الموضوع نسبى وطبعاً انا بتكلم بشكل عام على الخامات الرخيصه لعربيه عدت ال١٤٠ الف جنيه ونقص التكنولوجيا لأن فلوسك دى تشترى عربيه بخامات محترمه وغاليه وبتكنولوجيا حديثه ووسائل امان اكتر

المشاركة الأصلية كتبت بواسطة minicooper20

شوف يا ريس
انا معيا النترا بقلها تقريبا 20 يوم فى السعوديه مانويل
بينى و بينك انا كنت بقول عربيه شمال
بس بعد التجربه مش اقل من 300 كيلو يوميا
برضو عربيه شمال
اولا بتعوم من وراء فى الملفات لو دخلها هارد
يعنى كنت رايح مكه فى كام ملف كده بيت اتنين ساهر خدتو 160 و اتفرج على شقلطه
تاخد جوايز تاخد مضاد حيوى
هى عربيه على قد سعرها
بتدور فى نطاق معين و نطاق الاسره
هى وجه نظر يا كبير
حبيت اعرضها

الحمد لله علي سلامتك يا زعيم
و نورت المنتدي تاني

المشاركة الأصلية كتبت بواسطة shnory

يعني لو حد راكب عربيه موتورها 3000 ولا 4000 بقي كائن من كوكب تاني ولا يحق لحد انه يفتح بقه معاه
بس انا متاكد ان لو حد ركبها حيلاقي المنتدي كله عاوز يشد معاه هههههههه

هههههه علي كده انا نادر من نوعي و مش بعيد اكون مستهدف
انا راكب عربيتين واحده 3800 و التانيه 4800

المشاركة الأصلية كتبت بواسطة ahmed_fahmy

لا فى ٨ منهم ٢ فى القائم الخلفى بالاضافه للأمامى ودى المواصفات الامريكى والعفشه مختلفه اكيد عفشة ٢٠٠٠ سي سي مستحيل تكون زى عفشة ١٦٠٠ ومع كل ده العربيه فى مصر فعلاً اقل من كل المثيل فى مصر ومع احترامي للجميع بلاش موضوع صور العربيات اللى عامله حوادث اكيد الكوري واليابانى اقل فى السلامه من الاوروبي بس عادى كلو بيتقلب فمتعتمدوش على المعتقدات دى وتجرو بالعربيات مفيش عربيه امان اودام تريلا وزنها بيعدى ال٢٠ طن او صدمه على سرعة ٢٠٠ مثلاً كل ده مش مقياس اى عربيه ممكن تموت بس الموضوع نسبى وطبعاً انا بتكلم بشكل عام على الخامات الرخيصه لعربيه عدت ال١٤٠ الف جنيه ونقص التكنولوجيا لأن فلوسك دى تشترى عربيه بخامات محترمه وغاليه وبتكنولوجيا حديثه ووسائل امان اكتر

ياريت التأكد من المعلومه قبل مانقولها

زى ماوضحت قبل كدا الالنترا فى امريكا 6 ايرباج فقط

والعفشه والتعليق هو هو وكمان موتورها 1800 مش 2000 سى سى

https://www.hyundaiusa.com/vehicles/2013/elantra/?










وبخصوص الامان فكل عربيات هيونداى وكيا من 2007 بتاخد 5 نجوم فى ال EuroNCAP طبعا مابتكلمش على مواصفات مصر ده اللى فى امريكا واوروبا وكوريا