هل الالنترا فعلا احسن من الانسر؟؟؟!!! ولا اييييييه؟

**fahd_628** · 09-07-2008 06:25 PM

فى رأى اة الألنترا احسن

**Ramy.Gamal** · 10-07-2008 01:11 AM

اولا : كلنا متفقين ان كل عربيه ليها مميزات وعيوب بس انا شايف ان عيوب الالنترا لا تغتفر انما عيوب اللانسر فى حدود المسموح بيها يعنى مثلا لو عملنا مقارنه سريعه :
اللانسر توكيلها ممتاز لا يقارن بغبور
اللانسر اعاده بيعها اعلى بكتير ولو عاوز تبعها بكره هتبعها انهارده
الاعتماديه والعمر الافتراضى وقطع الغيار اللانسر تكسب
بالنسبه لقوه الصاج لو فى اللانسر صاجها ضعيف يبقى الالنترا مفهاش صاج اساسا
والالنترا تكسب فى عزل ونعومه المحرك والباور اخف بس برضه مش وحش اوى فى اللانسر
بالنسبه للشكل ده مسأله اذواق واعتقد استهلاك البنزين متقارب والثبات ايضا
يبقى فى المحصله النهائيه اللانسر تكسب عن جداره

**cobraa2008** · 10-07-2008 01:19 AM

لانسرررررررررررررررررر
لانسرسررسرسرسسررسرسرسرسرر ررررررررر

على فكرة انا من انصار المتسوبيشي

**zakiali** · 10-07-2008 05:56 AM

للأسف للأخ اللي بيسأل مش هتقدر تغير ثقافة شعب اللانسر عامله زي الموبايل النوكيا كده في مصر بس لو انت مرتاح للألنترا هاتها وميهمكش رأي حد . وده طبعا مش تقليل من قيمه اللانسر لا سمح الله بس كل واحد بيعمل اللي بيريحه في الاخر .

.

**amir** · 10-07-2008 10:57 AM

يا جماعه بلاش تعصب و تحيز لأي ماركه مش بس اللانسر
الناس بتدخل المنتدي للحصول علي اراء و تجارب اصحاب السيارات علشان يقدرو ياخدو قرارهم
تيجو انتو تملو دماغهم من ناحيه عربيه و بعدين الناس تدفع و تشتري و تدعي عليكو؟؟
و بعدين الناس اللي بتقول ان من مميزات اللانسر انها بياعه و جنيه دهب خلافه........
ايه الكلام ده هو احنا لسه عايشين في الزمن السحيق و اهم حاجه ان الفرخه اللي شايلها تبقي كبيره علشان لما اجي اقايضها تجيب بيض اكتر؟؟
يا جماعه و انا راكب العربيه ميهمنيش غير نعومه القياده و راحه الضهر و انا قاعد و شويه حاجات تانيه زي العزل الممتاز و صوت الموتور الواطي و خلافه
انما اقعد اقول شعر في العربيه و هي دون ذلك المستوي يبقي كلامي مش مظبوط
يا جماعه بلاش اتباع سياسه القطيع من دون حكم شخصي علي الامور
انا مجربتش الالنترا الجديده بس معانا لانسر 1600 2007 و احب اقول انها ( بغض النظر عن انها معمره) فهي اكبر مقلب ممكن الواحد يتحط فيه
عربيه عاديه عاديه جدا جدا و كراسيها مش مريحه في المسافات
العزل مش تمام قوي ثبات مشكوك في امره
بس مميزتها:
تكييف
باور
سنتر
4 زجاج كهربائي
كاسيت و سماعات
و فيه مميزات تانيه:
معمره
معبوده الجماهير
جنيه دهب
اه نسيت اسمها لانسر ( ودي اهم ميزه لها في عيون القطيع)

**mido777** · 10-07-2008 01:04 PM

المشاركة الأصلية كتبت بواسطة ramylancer

اولا : كلنا متفقين ان كل عربيه ليها مميزات وعيوب بس انا شايف ان عيوب الالنترا لا تغتفر

جامده قوى الكلمة دى ( لا تغتفر ) !!!!!!!!!!

وبعدين مش شايف حضرتك قولت حاجة من العيوب اللى لاتغتفر فى المقارنة السريعة اللى عملتها

**ramyso4** · 10-07-2008 02:08 PM

أنا مش حقول مين أحسن الالنتر ولا اللانسر بس حقول يا جماعة فككم من الأوهم الهي دي ياباني وحد يقارن ميتسوبيشي بهيونداي الكلام د إنتهى من عالم العربيات bmw ومرسيدس و-audi لهم عربيات زبالة واسمهم شركات كبيرة وألماني فبلاش نبقى مع ماركة واحدة علطول الخط فجاميع الفئات

**nobody** · 10-07-2008 02:56 PM

المشاركة الأصلية كتبت بواسطة hamada2010

يا راجل حرررام عليك

دايما اللى فى ايديه نعمه مش حاسس بيهاااااااا داااااايماااااااا

ايه اللي انت بتقوله ده ما ينفعش كده لازم تاخد وتدي في الكلام

انا بقول اللي انا حاسه ومعايا العربية وفاهم مش صغير يعني
كل واحد يقول اللي هو عايزه
وانا بصراحة مش عارف ليه سر تحيز كل شخص لعربيته اوي كده؟؟؟؟؟؟!!!!

**ahmedkhl** · 10-07-2008 03:45 PM

بصراحة انا مختلف معاكم كل الاختلاف !!!!!!!!!!!!!!!!!!!!!!!1
انا ركبت اللانسر و ركبت الالنترا و الاثنين 1600 سي سي و لكن بغض النظر عن قدرة المحرك الي ان الالنترا تتميز في سرعة الاستجابة و النعومة بشكل كبير جدا عن الانسر و العبرة مش بقدرة المحرك كما قال بعضكم و لكن هذة القدرة عند كام لفة الالنترا 121 حصان عند 5200 لفة و الانسر 122 عند 5700 لفة دة واحدة
اما بخصوص التجهيزات الداخلية و الشكل الداخلي الفرش لا يختلف عن الانسر كثيرا من ناحية الخامات فهي تقريبا واحدة و لكن بخصوص التابلوة و التجهيزات الداخلية فمن وجهة نظري الالنترا الجي ال اس افضل و اشيك و احدث .

الموضوع: هل الالنترا فعلا احسن من الانسر؟؟؟!!! ولا اييييييه؟

LinkBack

أدوات الموضوع

عرض

-

-

-

-

-

-

-

المواضيع المتشابهه

هل الالنترا الوكيل احسن ولا الخليجي

محتار بين الانسر 1600 اتوماتك (old shap) او الالنترا 2010

فعلا الالنترا تستحق الاحترام...

لو النوبيرا بقت شيفرولية هتبقى احسن من الانسر؟

مقارنة فى عوامل الأمان بين الانسر و الالنترا

الكلمات الدلالية لهذا الموضوع

المفضلات

المفضلات

ضوابط المشاركة