الموضوع: تجربة سيئة مع السبع موتورز

أنا طبعا من رأيى صاحب الموضوع يرجع للسبع تانى طالما ما اتحلش الموضوع و يخليهم يحلوا المشكلة و ما أعتقدش انهم ممكن يتأخروا

وانا كنت روحت السبع من اسبوع كنت عاوز اركب حاجات و كانت معاملتهم كويسة جدا و دخلونى جوا الورشة و كنت مسافر من اسكندرية و وصلت متأخر الساعة 1 الضهر و مع ذلك دخلونى الصيانة وكانت مهندسين غاية فى الذوق و التفهم بصراحة

أنا مشكلة الفرامل عندى لسه جديدة وهى لما اضغط دواسة الفرامل و انا ماشى اسمع صوت صفارة زى فرامل النقل و لما اكون واقف و اشيل رجلى من على دواسة الفرامل اسمع صوت تخبيط من تحت

السلام عليكم ورحمة الله وبركاته جميعا
كل سنة وانتم طيبين واستهدوا بالله كده وصلوا على الرسول الكريم عليه الصلاة والسلام وكمان صلوا على سيدنا عيسى عليه السلام وعلى كل انبياء الله السلام ( خلااااااااص هدينا )
ندخل فى الموضوع بقه / انا حصللى مشكلة قبل كده بسبب الضغط الموجود على مركز خدمة السبع لأنه مركز محترم والناس بتجيله من كل المحافظات تقريبا المشكلة انى كنت بعمل صيانة ال10000 ك وقتها وهى بتاخد 3ساعات والساعة كانت 12ظهرا يعنى المفروض استلم العربية الساعة 3عصرا بس اللى حصل انى استلمت العربية الساعة 5.30مساء وكانت اخر عربية خرجت من المركز فى نهاية يوم العمل عندهم طبعا كانت اول مرة يحصل كده معايا خصوصا انى عميل دائم عندهم لما استلمت العربية لقيت الصالون فيه اثار وساخة من ايد العمال اتجهت الى مدير المركز الباشمهنس معتز الرجل المحترم جدا والمهذب جدا وقلتله المشكلة وطلب مهندس الإستقبال وطلب الأوردر بتاع دخول السيارة وشاف ان السيارة دخلت الساعة 2.15 ظهرا يعنى بعد ساعتين وربع من المعاد اللى جيت فيه وشاف ملاحظاتى على السيارة بعد ما خرجت وكنت دفعت فلوس الصيانه وكانت حوالى 400 جنيها عمل حاجة غريبة ولكن محترمة جدا انه عمل خصم 100% على المصنعية وكانت حوالى 150جنيها والأحلى من كده كمان انه اعتذر لى بطريقة غاية فى الأدب ومن يومها أصبح صديقى وأخى ولقيت على مدار 4سنوات من التعامل معاهم انه فيه تطوير دائم للمركز والمهندسين والفنيين الموجودين هناك وكذلك الإمكانيات المستخدمة والدليل أن المركز حصل على مدار 3سنوات على المركز الأول من ضمن سلسلة مراكز الخدمة المعتمدة من مصنع نيسان مصر ولو ليك أى شكوى تؤخذ فى الإعتبار فورا على فكرة والله انا عميل عادى جدا ومش قريب اى حد هناك والله بس للأمانة وجبت هذه الشهادة فى غيابهم
أخوكم فى الله خالد شاهين
إدعوا لمصر ربنا يحفظها برحمته وقدرته
عاشت مصر عزيزة مكرمة بأبنائها

المشاركة الأصلية كتبت بواسطة mmbadroo

يا اخى العزيز بلاش تعصب انا والله لم انتبه انى فى قسم نيسان مع خالص تقديرى واحترامى للجميع
وبعدين انا الحمدالله مفيش اى مشكلة بينى وبين اى توكيل ولم اتكلم من فراغ ان بتكلم بناء على عدة مشاكل سواء فى المنتدى او خارج المنتدى
وبعدين السبع زى ما هو بيصين النيسان برضو بيصين الكيا
واخر حاجة ممكن اقولها ليك لولا نشاط واحد زى أ / أحمد مصطفى والذى عرفته عن قرب
قد إيه قدر يكون همزة وصل فعالة بين مركز الصيانة والعملاء وبعلاقاته قدر يتدخل ويحل مشاكل كثير . يعنى لازم يكون فى همزة وصل
وبعدين ياسيدى متزعلش نفسك توكيل نيسان احسن توكيل فى مصر
برضو مش ده إللى انا قصده - انا بتكلم عمتا فى مصر وعلى مستوى أى سلعة كبر حجمها أو صغر ما فيش حاجة عندنا اسمها خدمة ما بعد البيع بكل ما تحمله هذه االعبارة من معنى وده من وجهة نظرى المتواضعة وممكن تتغير لما الواحد يلاقى توكيل بمعنى الكلمة يكون فاهم شغله غير توكيلات نيسان ياعمنا طبعا علشان متزعلش

الموضوع يا فندم مفيهوش اى تعصب خالص و انا ذكرت فى تعليقى ان نيسان بتسمع للملاك كويس عن طريق احمد طبعا و كمان بتهتم انها تتكلم بعد كل صيانه و تطمن ايه أخبار الصيانه و اللى بيتكلم هنا الوكيل اللى عملت معاه الصيانه و بعده نيسان مصر بتتكلم هى كمان . المقترحات اللى بنقولها بيسمعوها و بينفذوا الممكن منها . اى حاجه بايظه بيغيروها لوحدهم حتى لو كان فاضل شهر و العربيه تخرج بره الضمان . لسه عاملين برنامج لتبديل الصنى القديمه بالجديده. لما بيكون فى مشكله عامه ظهرت حتى بره بيعلنوا عنها و يستدعوا السيارات من ذات الموديل للكشف عليها. بيتواجدوا معانا فى الاجتماعات الكبيره و بيجيبوا الموديلات الجديده وناس من التوكيل و المصنع يشرحولنا الجديد و ده اكيد بالتنسيق مع احمد والمنسقين المساعدين و بيعملوا زيارات للمصنع للاعضاء لرؤيه المنتجات الجديده و حاجات زى كده و هو ده اللى بيخلينى احترمهم و الواحد قبل كده جرب ماركات عربيات كتير و أتعامل مع توكيلات تانيه و شاف الفرق و باتكلم من المنطلق ده . انا مش شريك فى نيسان و لا بتاع مبيعات علشان اتعصب لها و لو شفت حاجه غلط ما باسكتش عليها حتى بص على تعليقى فى الاول قلتله يعمل ايه و الناس إللى بتضرب فى بعضها :) تقبل تحياتى و أرجو ان تكون الصوره قد اتضحت. على فكره بالمناسبه انا ذكرت فى مشاركه سابقه لى ان السبع مش متمكن من كيا زى نيسان فى موضوع الصيانه ده و فى فرق واضح و كنت قلت ساعتها انه جائز لقله خبره الفنيين فى التعامل مع كيا بس الموضوع ده فعلا صحيح و حصل قدامى و انا شفته فقلته عادى

على فكرة الموقف اللى حصل معايا كنت هاعديه و مش هادق انا اللى غاظنى الكدب و حتى محاولوش يغيروا مكان العربية بس لما لقيت الرجل اللى قفل الطريق و قعد فى الارض لغاية مجالوا مهندس الصيانة عرفت انه مش موقف فردى و على فكرة الجل ده كان مهندس و حوالى فى الخمسينات و يمكن عربيته مشكلته اكيد اكبر من مشكلتى.انا ماجبرتهمش يكشفوا على العربية انا اكتفيت بقول المهندس ان ده من الصاجة الخلفية للتيل و كنت هاروح انما الاشتغالة و نكشف و ساعه و ربع و اتفضل انتظر .الصدق اهم شىء فى التعامل و انا مش بسوء سمعته انا بقول اللى حصل بالظبط وانا عارف و متاكد ان توكيل نيسان من احسن التوكيلات فى مصر بس بامانة التعامل فى اوتوا ايجيبت حاجة تانية