الموضوع: عايز اجيب موتور مياه ..لعمارة او لشقة !!!!!

المشاركة الأصلية كتبت بواسطة esam_refaat

باشمهندس
Gelgel2004
عضو فضي


معلش انا بانسخ الاسم جاه اللوجو كله مش مشكلة مصلحة

ايه الفروق بين الكوميت والكالبيدا لو كان من شركة الشرق يعنى ايطالى اصلى؟
ايه اللى يخليك تفضل الكوميت ؟

مع الشكر المقدم

السلام عليكم
بس و علشان مطولش عليك
لحد اخر السبعينيات مكنش تقريبا فيه مشكله فى ضخ المياه عالقاهره لشان مكنش العدد ده موجودو الناس كتير سافرت الخليخ بعد بعد حرب 37 المجيده
الناس لما رجعت من الطبقه المتوسطه و العاملين - كله عاوز يسكن فى القاهره و الاماكن القريبه منها .
و بناءا على مافات الشبكه الارضيه للميااه مكنتش قادره تضخ الكميه الكافيه خصوصا بعد المخالفات الجسيمة للارتفاعات خصوصا فى مدينه نصر واللى حواليها و المناطق الجديده
وقتها ايطاليا مكنتش لاعب اساسى فى سوق المضخات و كان المتصدرين الاوروبيين الاغنياء - المانيا - فرنسا - هولندا و معظم الطلمبات كانت بتيجى من هناك او من دول الخليج و كان الايطالى انواع تانيه غير الكالبيدا اكثر جوده
و لما الدولار ارتفع اصبحت المضخات ذات الجوده العاليه خصوصا الاستانلس غاليه مقارنه بالكالبيدا
و بعد كده مع شح السوق فى الطلمبات الممتازه ابتدت الكالبيدا تدخل بقوه
الخلاصه

الكالبيد جيده جدا و لا اعيب فيها لكن السعر المبالغ فيها مقارنه بالانواع الايطالى الاخرى ده الى باعتبره غالى و مبالغ فيه و ده نتيجه ان الوكيل بيعمل دعايه فى كل حته و طبعا بيحمل الدعايه على المنتج اللى فى الاخر حضرتك بتشتريهيوجد انواع اخرى و بنفس الكفاءه و سعر اقل من 10 الى 15 %

و عن نفسى جرب البنتاكس و الكوميت و الساير و الارورا و كلهم ممتازين و تقريبا نفس قطع الغيار
النتيجه
عند شراء مضخه مياه لازم تحدد
انت عاوزها رفع و الا شفط و رفع
اتاكد ان القلب زهر او نحاس
و ان الساقيه نحاس موش بلاستيك
و يستحسن النحاس المطلى برونز .
ان قطع الغيار متوافره و التبريد كويس
و انا مركب كوميت 1/2 حصان مع جهاز فلو ماك و الميه مفرتكه المواسير و بتلسوع و انا بستحمى
الاوتومايك لو هتجيب بلونه و مجموعه يكون ايطالى من الكريم للاستيراد برقبه الانواع التانيه

تحياتى