عايز اجيب موتور مياه ..لعمارة او لشقة !!!!!

**طارق _عبد السلام** · 26-09-2013 08:23 PM

ممكن يابشمهندس
Gelgel

صوره لطلمبه الرفع
ولو امكن هى تكون افضل من طلمبه الشفط

انا عندى المياه نظام طلمبات حبشيه يعنى ماسوره(ابوصه) بطول 57 متر نازله فى الارض والمياه بتكون محضره على طول يعنى بشغل الموتور المياه بتشتغل وزى الفل

بس بفكر فى طلمبه الرفع هل تكون ناجحه مع النظام الموجود عندى
وفضلا صورتها

**Gelgel2004** · 26-09-2013 08:54 PM

اعتذر لبعض الاخطاء الكتابيه فى البوست السابق

**Gelgel2004** · 28-09-2013 09:10 PM

المشاركة الأصلية كتبت بواسطة طارق _عبد السلام

ممكن يابشمهندس
gelgel

صوره لطلمبه الرفع
ولو امكن هى تكون افضل من طلمبه الشفط

انا عندى المياه نظام طلمبات حبشيه يعنى ماسوره(ابوصه) بطول 57 متر نازله فى الارض والمياه بتكون محضره على طول يعنى بشغل الموتور المياه بتشتغل وزى الفل

بس بفكر فى طلمبه الرفع هل تكون ناجحه مع النظام الموجود عندى
وفضلا صورتها

تحت امرك
عندى واحده 3/4 حصان و حجمها صغير و ترفع 30 م تقريبا
هاصورها و انزل الصور بكره ان شاء الله
لو الموتور المناسب لسحب من 57 الاحسن موتور تحضير ذاتى 1.5 على الاقل مع 2 بلونه لو مركب مجموعه البالونه و الاوتوماتيك
او طلمبه سحب - مخصوص لحاله حضرتك - 1.5 حصان من غير مجموعه

**Gelgel2004** · 28-09-2013 09:18 PM

المشاركة الأصلية كتبت بواسطة esam_refaat

يعنى جهاز فلو ماك مش محتاج بالونة ؟
طب الموتور هيفصل ازاى ؟
انا فى الدور الثامن واعوز رفع بس لان موجود موتور قبل منه جايب المياه من الشارع بس مش بتطلع كويس
فانا هاعمل ماسورة من الارضى (من بعد موتور العمارة )لغاية عندى ولوحدى
كفاية 2/1 حصان ؟
معلش استحملنا

العفو يا باشا

الفلوماك موش محتاج حاجه خالص و بيفصل اتوماتيك. اول ما تفتح الحنفية يشتغل و بعد ما تقفل يفصل .

و بالنسبه لحضرتك علشان الدور الثامن و الدور كذا شقه
الانسب 1/2 حصان كوميت بيرفع للاكثر من 25 م و شديد مع 2 بلونه و مجموعه اوتوماتيك ايتال ميكانيكا من عند وكيل كوميت
الموتور 490 جم بدون المجموعه ا
تحياتى و متنساش المواسير للصاعد 3/4 بوصع بولى
تحياتى

**Gelgel2004** · 30-09-2013 01:46 PM

المشاركة الأصلية كتبت بواسطة faragebraheem

من فضلك ياباشمهندس انا ساكن فى الاول علوى ووالدى ساكن فى الثانى انا سألت قالولى عايز موتور 1حصان ايوة البيت كله بتاعنا الثالث فاضى يعتى شقتين فوق بعض ياترى انا محتاج موتور رفع ولا سحب ورفع وايه السبب يعنى الفرق بين الاتنين وكمان الموتور هركبه تحت فى الارضى بجوار عداد المياه وانا متابع مشاركاتك وحضرتك شكرت جدا فى كوميت وانا مقتنع بكلامك وسألت عليه لقيته ب950 جنيهياترى هو الاحسن ولا داب ولا بنتاكس واسف على الاطالة

السلام عليكم
المطلوب
موتور كوميت 3/4 حصان و ده كتير قوى - بس بنعمل حساب المستقبل و الشقق التانيه لما تتشغل مع فلوماك او مجموعه بلونه و اوتوماتيك من نفس الوكيل - الكريم للاستيراد - 53 شارع الجمهوريه

النوع تحضير ذاتى او رفع موش هتفرق لان العماره صغيره
و نصيحه
موتور للعماره كلها 1.5 حصان مع 3 بلونه - علشان ميجيش كل شقه و تركب موتور وتبقى فوضى
وابقى ادعيلى و انت بتتلسوع من الدش

طبعا كوميت قلب زهر
تحياتى

**Gelgel2004** · 30-09-2013 03:25 PM

المشاركة الأصلية كتبت بواسطة ahmedteam

من فضلك يا باشمهندش انا ساكن ف الدور الرابع وعايز اجيب ماتور لشقه و احده و كنت عايز اعرف اجيب ليه

انا السباك قالى هات كالبيدا 3/4 حصان + اوتوماتيك + بالونه من شارع الجمهوريه

يا ريت النصيحه و لو عندك فكره عن الاسعار اكون شاكر

تحت امرك
كوميت 1/2 حصان و 2 بلونه و اوتوماتيك و عداد قراءه ضغط من الكريم للاستيراد
الموتور 500 جم و المجموعه اظن 150 جم
او تجيب 3/4 سحب و طرد ( تحضير ذاتى ) مع بلونه واحده واوتوماتيك و عداد و المواسير بولى 3/4 و افيز تثبيت المواسير كل 90 سم .و تكون بولى بتاع الصواعد موش العاديه ونوع البالونه زيلمت ايطالى
الكريم للاستيراد
25908691

25885038

تحياتى