الموضوع: مقارنة مابين الانوس وبعض السيارات الي ركبتها

انا خلاص هغير الاوبل استرا الى معايا موديل 2000 و فكرت فى اكتر من حاجة و جربت اللانوس 2011 علشان كنت عاوز اجيبها بسبب الموديل العالى بس للاسف عربية خفيفة و مينفعش فى المشاوير الطوالى و السريعة

اقرب حاجة و تقريبا هتكون مناسبة هى الاوكتافيا موديل 2001 دى هتبقى انسب من اللانوس

المشاركة الأصلية كتبت بواسطة wassof

السلام عليكم ورحمة الله وبركاته

انا اشتريت دايو لانوس 2005 وحبيت احكي انطباعي عنها واقارنها بي بعض العربيات الي ركبتها قبل منها
بما ان الواحد مكنش متوقع نهائي اني اركب كوري وانزل من الالماني بس خليني اقولكم بي العكس انا منزلتش بل طلعت
بدايه انا ركبت البي ام دبليو 316 موديل 82 الشارك عربية رغم انها كربراتير لكن وحش ثبات الي ابعد الحدود ما يعبها عدم توافر قطع غيارها وله ميكانيكي متخصص اما بي النسبه الي الدايو تتوافر قطع غيارها في المطاعم وفي البقالة وفي كل مكان تتخيلة او لم تتخيلة واي ميكانيكي ممكن يشتغل فيها لقدر الله لو عطلت بيك في اي طريق سفر ولا تحتاج الي ان تقطرها

وبعدين ركبت معشوقتي لغايه الأن الجولف2 وبعد ما بعتها كنت بدور علي جولف 3 او 2 برضة عربيه جميلة جدآآآ وملهاش حل وقطع غيارها متوفرة استيارد وجديد لكن يعيبها ان قطع غيارها الجديدة مضروبة وصيني والاستراد مستهلك وانتا وحظك ممكن تروح تشترية وتروح لي الميكانيكي ميكنش شغال تروح ترجعه وترجع تاني تلقي الميكانيكي يقولك ده خشن شوية ده فيه مش عارف ايه ارجع رجعهولة وهات وحد غيرة لغايه لما ربنا يكرمك بعد خمس ست ايام ركن العربيه عند الميكانيكي رايح جي ولو عطلت بيك امام بيتكم هتطر تقطرها لغايه الميكانيكي المختص بتعها لكن لي الامانه تجميع الجولف من اول الغيار سريع
عكس الدايو بيكون تجميعها ضعيف جدآآآ لغاية لما تبدق توصل الي 80 بعد كده بتلقي العربية حاجة تانية وحدث ولا حرج عن قطع غيارها جديد واستيراد جمب باب البيت عندك ومش محتاجة ميكانيكي متخصص

بعد كدة الاوبل موديل 95 بتاعت خالي كانت معايه علي طول عربيه ثبات جدامد جدآآآآ التجميع بتعها في الاول ضعيف جدآآآآ ثانيآ يعيبها قطع غيارها غالية ناااااااااااااااااااااااا ااااااار ويعيبها سخونية العربية ودي ليست مشكلة فردية غير خد عندك عربية غول بنزين وغير البرومة في العربيات الاوبل بتسرح بي شكل رهيب مشفتش اوبل مافيهاش برومة ولا مش معمول له مرمات وسئلت سمكري فورة قالي علشان صجها محمل وتقيل ما علينا غير انها علي طول ودي برضة ليست مشكلة فردية علي طول عايزة حساس الماف يتغير الي هو ليه مسمي تاني الايفرو مايتور وحدث اما بي النسبة لي الدايو بحس ان تجمعها في الاول يشبهاله مع اختلاف سعة الماتور الي تعطي للدايو الافضلية يعني 2000 سي سي امام 1500 سي سي
اما بي النسبة للدايو فا مؤشر الحرارة بيكون تحت النصف حتي وانتا مشغل التكيف حتي لو واخد طريق يوم كامل اما بي النسبة لي البنزين يمكن العربية بتشمو فقط حتي مع تشغيل التكيف

كلامتين بقا من عندي عن الدايو
اولآ انا كنت زي بقية الشعب دايو ايه دي مافيهاش ثبات وفرامل تعبانة ولو جيت امسك فرامل ممكن تزحف بيا وتبقا مشكلة وزي بقية الشعب ياعم دي عربية عاملة زي الموبيلات الصيني مليانه كمليات ورفهية بس بسعر مغري مشكلتنا اننا شعب بنحب نفتي وخلاص من غير ما نجرب انا كنت كده برضة ومزلت بحكم علي عربيات انا مجربتهاش
لكن لما جربت الدايو لا لقيت انها بعد ال120 ولا 100 مافيهاش فرامل ماهيا فيها فرامل بس مشكلة شعب مصر فاهم غلط فاهم انه لما يدوس فرامل العربيه هتنخ مكانها ويمعرفوش ان العربية مينفعش تمسكلها فرامل مرة وحده لي انك كده هتخليها تزحف منك وكمان لزم تكون حاسب المسافه يعني متبقاش ماشي 140 ولا ازيد وتمسك فرامل قبل العربيه بي ماسفه 2 ولا 3 متر وتقول يلعن تيت التيت دي فرامل العربية لي انك برضة والله لو سايق بورش وعملت كده هتخبط هتخبط وده مش كلامي ده من علي ناشيونال ابو ظبي كان بتيكلم عن طريق الاتو بان الي هو اسرع طريق وفي وسط الكلام بيقول العربية الي علي سرعة بي نفس الفظ( ان معدل وقت رد الفعل هو ثانية ونصف وان كانت سرعتك 100 كيلو متر وبعد ضغط المكابح فانتا تتقدم 120متر قبل التوقف كليآ وان كانت سرعتك 300كيلو متر فابعد ضغط المكابح فا ستتقدم حوالي كيلو متر قبل التوقف كليآ ) يعني العملية مش عملية فرامل دي عملية حسابية ولزم وانتا بتجري تبقا عارف مش اول ماهتدوس فرامل العربيه هتقف في مكانها ولي الاسف نقعد نطلع اشعات علشان واحد بيجري وظهر في وجه حاجة مرة وحدة ولبس فيها من غشميتو نقوم نرمي السبب علي فرامل العربية اما بي النسبة لي الثبات انا كنت مسافر علي الطريق الزراعي وكنت جايب 120 الي 140 وكانت جيدة لكن المشكلة الي وجهتني ان الكوتشات الي عندي لما رحت اظبط زوايا قالي الكوتشات وحشة جدآآ وبايظة وكلها عالي ووطي وشايف انها محتاجة جنط 14 بدلآ من 13 الي فيها وهتديها ثابت جيد جدآآآ ورغم من كده بتاخد منحنيات علي سرعة 80 المشكلة مش في فرامل العربية ولا ثابتها المشكلة مشكلة سواق
اما بي النسبة انها مليانة رفهية وبسعر قليل علشان الناس تشتريها والله الي شايف فيها رفهية يقوله
يعني الي معايه الفاضية الي هيا تكيف وبور فقط هل دول رفهية وفي سنه 2005 ؟؟؟ والكاملة والكمال لله وحدة بيكون فيها زجاج كهرباء ومريات كهرباء وعداد ار بي ام ؟ اعتقد الكمليات دي نزلت في الهوندا 1990 يعني مافيهاش منبه مثلآ ولا تلفزيون ولا اي شيئ مختلف عن اي سيارة ناجحة وبسعر منافس جدآآآ لي بعض عربيات تكهنت يعني العربيات الي ذكرت مابينهم المقارنة عربيات بتصل الي 40 الف وبتكون عايزة شغل وماتور وحجات كتيرررررررررررر وعندك عربية زي السيفك 92 والخ الناس بتتكلم فيها 50 وبتبقا عايزة وانا مش هضحك عليكم انا كنت بدور علي هوندا وكنت بلقيها كلها عربيات قص ولزق وماتورها بيرزع وطلعين عينها ويقولك 45 الف اصلي صارف عليها كتير اول مايقولي صارف عليها كتير اصدقة لي ان قطع غيارها غالية ومش اي ميكانيكي يشتغل فيها ومعروفة انها شبابية يعني الشباب مضمرها فرك وغير انك لما بتروح لي صنيعي يقولك بس ده شب مامي وبابي مدلعينه وبيأكلو مربة يوماتي فا تلقي يقوم طالب مصنعية ولا 200 جنية يعني انا في مرة رحت لما كان معايه الجولف خد مني مصنعية بس 300 جنية ؟؟؟؟؟؟؟؟؟؟؟؟؟؟ علشان كنت بركب طرمبة زيت وبغير الايفرو مايتور وبوجيهات وسلك بوجيهات وفلتر بنزين وفلتر زيت وزيت خد مصنعيه بس 300
اما بي النسبه لي الانوس انا غيرت سير الكاتينة وبلية الكاتينة وسير الدينمو وجوان غطا التيكهات وبوجيهات وسلك وبوجيهات وفلتر بنزين وفلتر زيت وزيت وتنظيف الانجكشن بي الاسبرية وكل ده خد بس 90 جنية ولا تقنك داخل بي عربية 128
كل ما يعيب الدايو من وجه نظري
الطلعة الاولي للعربية بتكون ضعيفة جدآآآآ ومينفعش تقرص علي الغيرات علشان ماتهلكش الاستوانة وتهلك الماتور
تشغيل التكيف بيضعف سحب العربية جدآآآآآ بس تكيفها جميل
ولزم صيانه العربية علي طول يعني لزم تغير سير الكاتينة كل 40 الف كيلو ولا هتسفرلك الماتور
ولزم تغير سير الدينمو كل 10 الف كيلو كل دي حجات عادية يعني بس انا بقول الي ليه والي عليها

تغير الجنط بتعها الصغير بي جنط 14 وكوتشات محترمة تكون اوربي

اما بي النسبة لي البي ام و الجولف والاوبل والهوندا السيفك فاهم افضل منها من حيث الخمات

مثل التبلوة بتاع العربيات الاربعة الي ذكرتهم فاهم جلد وفرش الابواب بتعهم قماش وجلد اما بي النسبه للدايو فاهو عبارة عن بلاستيك بس له ميزة وانه سهل التنظيف ولا يشقق

انا كل تعليقى على الاوبل 95 لانى ركبتها و قعدت معايا فتره و بعدها ركبت لانوس بالنسبه انها تقيله فى الطلعه ده لو المكنه ال 1600 انما لو ال 2000 يبقى العربيه اللى انت كنت راكبها فيها مشكله و انت بتقول انه العربيه اللى انت ركبتها كان فيها ماف بايظ و ده يخنق العربيه و يستهلك بنزييين كتير انما الاوبل النضيفه مفيش حاجه اسمها تقيله و استهلاكها فى البنزين زى اى موتور 2000 سى سى عادى فللاسف الاوبل لا تقارن باللانوس لا يعيبها الا موضوع انو لازم صنايعى فاهم فيها والا هيبوظ مش هيصلح غير كده قطع غيارها معقوله جدا مش زى اللانوس طبعا انما تقريبا ارخص الالمانى

اللانوس عربية محترمة وتصونك عن تجربة

المشاركة الأصلية كتبت بواسطة wassof

ياة دي علي كدة رديئة جدآآآآآآ
ياة انتا اتقلبت بي العربية ياستر يارب احمد ربنا انك سليم ومعلش مش مهم الصاج اهم شيئ انك بخير
الي اتقلبت بيها كانت شيفروليه ولا دايو وايه السبب

كانت دايو .... و السبب ان عربيه مقطوره كان بياخد غرزه جامبى و رد الديل فى عربيتى و طلع بالدوبل فوق شنطه عربيتى و طيرنى حوالى 3 متر فى الهواء قبل ان اصطدم بالجدار الأسمنتى

ربنا يبارك لك فيها..أنا معايا لانوس والحمد لله مرتاح معها جدا.

المشاركة الأصلية كتبت بواسطة wassof

ياباشا مع احترامي وتقديري لحضرتك كل كلام حضرتك خطاء
احنا عندنا ميكانيكي هنا متخصص اوبل كل ما نشتري ماف استراد ونركبة يقعد فترة زمانية ويبوظ علي طول ودي مشكلة الاوبل 95
اما بي النسبة لقطع غيارها هي ارخص قطع غيار في الالماني امال حضرتك الجولف 2 والجولف 3 يعتبرة ايه 128 في قطع غيارهم ياباشا الماف في الاوبل من غير علبة فلتر الهواء عامل 400 جنية في الجولف 200 جنية ماكنة الاوبل بتاعت ال95 ال2000 سي سي عاملة 6000جنية الجولف البي بي وال2e المكنة بي الضفيرة بي الفتيس بتعمل 3000 الف جنية الي 4000
عارف فتيس الاوبل الاتو ماتيك بكام ومعمول معانا واجب 2500 جنية ياراجل دي ازبل عربية ركبنها بجد بتسواء سمعة الالماني ولو العربية الي معنا مكنتش حلوة مكناش عرفنا نبيعها
وحضرتك مسئلتش نفسك سؤال ليه الاوبل موديلاتة عالية وسعرة رخيص جدآآآآآآ
يعني قارن الاوبل ال95 بي مرسيدس 95 الاوبل يوم مابتتمغطر متجبش 35 المرسيدس موديل 95 تعدي ال100 الف جنية
البي ام دبليو موديل 95 ان كانت 300 بتعمل في رنج من 60 الي 70 دي الحالة الحلوة اوووي لكن لو 500 عد مع حضرتك من 80 الي 100 اما لو 700 فاممكن توصل لي ال100 وتعديها
اما الجولف موديل 95 فا دي الجولف 3 وحسب امكانيتها لو نزلة مكنة 1400 وفاضية فاصحبها بيتكلم من اول 45 الي 48 اما لو نزلة 1600 فاصبحها بيكلم 45 الي 50 اما بقا لو اروبي ونزلة 1800 او 200 فتحة سقف وكملة فاصحبها بيكلم من اول 50 الي 60 وحسب الحالة
احنا ممكن نقارن الاوبل بي الشاهين
اعمل ايه بي عربية تقيلة ابقا خارج بيها من امبابة للقاهرة الجديدة خدت طريق الكورنيش لغاية المنيب
وطلعت الدائري وخدت الدائري لغاية القاهرة الجديدة مع العلم انا كنت خارج يوم الجمعة بعد الصلاة مباشر يعني الطريق كان فاضي وهو اول ما اعدي نفق القاهرة الجديدة واصل عند اربيلا القي العربية وانا مش واخد بالي من مؤشر الحرارة القي العربية بتطلع دخان والحرارة عدت ومبقاش في نقطة مياة
بجد عربية مقرفة في سخونيتها والبرومة بتسرح فيها زيها زي الفيات
انا اول ما اشتريت الدايو كان الخرطوم بتاع الردتير عايز بتاع زي المحبس كده فاكنت بتوقع المياة خالص المهم في مرة رحت مشوار وكده لقيت المياة تحت النص بي كتير يمكن مكنش فيها غير حبة مياة تقنك جيب كوباية شاي وماليها مياة وحططها فيها اللهم ماصلي علي النبي الله اكبر الحرارة معدتش النص
ونهاية الكلام علشان انا اصلآ مش بحب الاوبل نهائي عندك الاوبل الاسترا الجديدة بكام ؟؟ دي ياراجل الالنترا اغلي منها في الثمن يعني الماني تحت السلم
يكفي امامي وشفتها بعيني محدش قالي
عربية اوبل فيكترا الشكل الجديد امام عربية نيسان صني ومش سوبر صالون علي الدائري الاوبل فضلت وخده علي قفها من الواد وشغلين الطريق حرت

مش كل ااقطع غاليا و مش كلو رخيص انما عاوز اعرف ماف ايه اللى ب 400 ده اللى اعرفه عن الماف انو استيراد بيعمل حوالى الف و الجديد التركى و لا مش فاكر صناعته ايه بيعمل 1200 و الاصلى تقريبا 2000
اما قطع الغيار مش فاكر بالظبط حاجاتها لانى بايعها من سنه و مش فاكر بصراحه الاسعار
اما عن موضوع الفتيس الاوتوماتك ب 2500 و ساعات ب 3000 بس بيعيش سنين و بالاستخدام الغبى مش احترام على الاقل مش زى فتيس الدايو اه ب 1500 جنيه بس كل اللى بسمعه عنه انو بيبوظ بسرعه
اما عن موضوع انها سخنت معاك برضو عيب عربيه فيها حاجه بتخر ميه و اى عربيه طبيعى مفهاش ميه هتسخن و انو الدايو فيها ميه قليله و برضو المؤشر على النص دى اكتر حاجه بتقلقنى من الكورى كله و انا واحد صحبى قبل كده بلانوس عربيه جابت وش سلندر بسبب الحراره خرطوم ميه اتقطع و مؤشر الحراره عادى جدا على النص و مجرد مطلع فوق النص راح طفى العربيه و سابها تبرد و بيبص على الزيت لقاه بقا طحينى يا ترى ممكن عربيه على عداد الحراره سخنت لمده دقيقه تجيب وش سلندر و لا عداد الحرار بيطلع متاخر على الاقل الاوبل و دى انا شايفها ميزه كويسه فيها انها بتقيس بالحراره الفعليه اى كانت مش زى الكورى كله لو الحراره زادت عن حد معين يبتدى المؤشر يتحرك من النص
تاما عن البارومه اول مره اسمع الكلام ده انا كانت معايا موديل 94 و مش رشه ولا بره و لا جوه و مكنش فيها اى اثر لبارومه نهائى و ولا اى حاجه معموله
انا بالنسبه ليا العيب الوحيد للاوبل و ده اللى خلانى ابيعها انى مش من القاهره و الاوبل محتاجه حد فاهم فيها مش اى ميكانيكى و السلام و ده اللى مش موجود عندى و خلانى اضطر ابيع العربيه
اما عن موضوع انها متجبش 35 ادخل على قسم الاوبل فى المنتدى و شوف النضيف بيعمل كام مش تبقى اوبل طالع عينها و تقولى اهى ب 35 انا بتكلم على النضيف زى مبردو فى دايو بتعمل 30 و ساعات اقل كلو على حسب الحاله