الموضوع: مقارنة مابين الانوس وبعض السيارات الي ركبتها

المشاركة الأصلية كتبت بواسطة eng.geo

مبروك العربية :d
موافقك في كل حاجة ماعدا الفرامل
ده مش فرامل أساسا ومش بتاعة العربية ده !
الطنابير صغيرة
لو لسة طالع بالعربية ... أضرب فرامل وشوف هتمسك أزاي وشوف مستوي الدواسة فين
خدها مشوار وكام فرملة محترمة وشوف هتقف أزاي بقي
الطنابير بتسخن جامد والتيل بيتزحلق عليها وهتلاقي الدواسة بتنزل معاك
وعلي السرعات العالية مش بتقف بسهولة
طبعا الكلام ده بمقارنات بعربيات .... مش عايز أقف في مكاني يعني
انا معايا دايو علي فكرة ومعدل فرامل وعارف الفرق

والله انا مشفتش من فراملها حاجة وربنا يسترها معنا يارب
غير موقف واحد ولغاية دلوقتي مكنتش اعرف بسبب الارض انها ممكن كانت فيها سنة رمل
او الفرامل فعلآ او الكوتش فعلآ خامتة مش الي هيا
بس عمومآ انا مشيت 180 ومسكت فرامل علي سبيل التجربة العربية هديت معايه لكن اناواثق لو حاجه ظهرت امامي وكلبشت فرامل مش هيحصل كويس

المشاركة الأصلية كتبت بواسطة semsem kane

اولا الف مبروك وربنا يديك خيرها ويكفيك شرها

الناس بتتكلم فى 50 الف فى السيفيك عشان حاجة واحدة ( شكل - ثبات - اعتمادية - فرامل - اداء - اوبشن ) يعنى كل اللى انت عايزة فى عربية

مشكلة بقى انك مالقيتش عربيات نظيفة فدية انا معاك فيها ان معظم السيفيك متهان بس اللى هتلاقية متهان هو اللى بيكون مع الناس الكبيرة مش الشباب , لان الشاب اللى بيجيب سيفيك بيبقى عارف العربية دية اية ولازم يدلعها

- ومين قالك ان قطع غيارها غالية , قطع غيارها مناسبة جدا حضرتك ممكن تدخل قسم هوندا وتشوف الاسعار وكفاية انك بتركبها وتنساها

- حضرتك كاتب فى مشاركة ان الفيرنا واللانوس احسن الف مرة من سيفيك ماشية من 1993

طيب تمام دية وجهة نظر حضرتك وتحترم , بس صدقنى من وجهة نظرى ووجهة نظر ناااااااااااااااااااااااا اااااااااااااااااااس كتييييييييييييييييييييييي ييير جدا , كانوا ملاك للانوس والفيرنا والالنترا والاوبل والبى ام لما غيروا للهوندا عايز اقولك هما عرفوا يعنى هوندا فعلا

ولو هنتكلم عن اللانوس والفيرنا معلش يعنى انا اركب لية عربية زيهم طالما عندى عربية سيفيك افضل مليون مرة ( خامات - شكل - ثبات - اوبشن - اعتمادية - عزل - محرك - تسارع - رفاهية )

دية كدة الهوندا
على فكرة عشان تظبط الهوندا صح اخرك فى المصاريف 7000 جنية ويبقى معاك عربية جديدة ماتور وعفشة الموضوع مش صعب نهائى

* انت لو حبيت تركب اللانوس او الفيرنا اتوماتيك هتلاقيها بنفس الاوتو بتاع الهوندا اللى شغال من 17 سنة ولسة بحالتة وتسارعة وهدوءة واداءة , اكيد لأ
لان اللانوس والفيرنا بالاوتو اخرهم 3 سنين بالكتير ان كملوهوم اصلا وهتلاقية عايز يتغير

فية صديق فى المنتدى كان معاة لانوس 2002 وجاب سيفيك 1993 ولما ركبها بلاش اقولك هو قال انة كان راكب اية ......

هية الميزة اللى فى الدايو عن الهوندا ( رخص قطع الغيار - اى حد بيشتغل فيها ) غير كدة صدقنى مش هتلاقى ولو حتى جيبتلك هوندا من 1988 بردة هتتفوق عليها

انا بس حبيت اقول توضيح وارجو ان تتقبل كلامى , بس هية دية الحقيقة

اللانوس انا ركبتها كتير بكل الموديلات كورى ومصرى فى الاخر واحد

والشيفرولية لانوس زى ماقال ahmod بالظبط

الله يبارك فيك يارب
اما بي خصوص الكلام فا مزالت الهوندا سيفك حلمي
بس دي لما ربنا يرزقني وابقا غني ما اشترهاش من هنا ابعت اجبها اسبشيل اوردر
انا قبل ما اشتري الانوس مكنتش في البال ولا في الحسبان ولاكنت بفكر فيها
بس اتفرجت علي عربيات شباب كتير جدآآ وهيا كا الأتي العربية تفتح كبوتها مليانه كمية اسلاك واشكال تقنة كان مسقطها عند ميكانيكي 128 غير الحوض يبقا مرزوع في الشنب وتقولة يقولك دي تريحة طيب ازاي وانتا ممعجن من واره الشنب كمان والله كانت عربية واحد صحبي ماتور 1600 كامة واحدة وكان عايز فيها 47 الف بس احقاقآ للحق كانت عربية مدلعه
وفي عربية شفتها علي كونتكت كار ورحت اتفرجت عليها يمكن تكون لحظتها علي النت كان عامل الكسوة بتعتها اورنج رحت اتفرجت عليها الشنطة عجيبة ومرشوشة من الامام ومغيرة ربع وهوا بيقاوح وخلاص وعايز 44 الف
المهم لقيت وحده برضة كانت علي النت مدلعه دلع السنين بس exوعليها مكنة sir اتفرج علي قويمها معضعضة من تحت والقوايم كلها رشة بس العربية ولا كلمة في الدلع صالون كلة احمر وهيا من برة وخده لون احمر وعددات فيها رسومات العربية دي كانت معروض علي كونتكت ودبيزول
المهم البحث لم يتوقف بل طال في السوق يوم مالقيت عربية نظيفة وكانت برة وجوة كانت فيها الاتي
سيلكون الكبوت كلة مخلوع مافيش مشكلة قولت يمكن في شارعهم كلاب كتير زي عندنا وبتقف علي الكبوت وهو بيخبطة علشان يرد تاني فا السيلكون بيتخلع اتفرج علي السقف تحت الكوتشة فيها برومة اتفرج علي القوايم نظيفة بس فيها برومة جمب المفصلة الي في الخلف الماتور مرشح زيت مش هيا هتكون افضل من 2005 ماتورها الي بقالة زمان وزمن الزمان انا لم ولن اختلف معاك ان الهوندا افضل 1000000 مرة من الدايو بس لو هيا في نفس حالة الدايو
اما بخصوص ان في حد باع عربيتة بي ام دبليو علشان خاطر هوندا سيفك ما اتخيلهاش بصراحة معتقدش
وانا بي النسبة لي انا شاري الدايو فترة انتقالية اعمل مبلغ وبعد كده اركب متسوبيشي لانسر بومة او نيسان صني صوبر صالون بصراحة الجديد جديد في كل حاجه بتوفر علي نفسك مشوار لي الميكانيكي ومصاريف
انا بي النسبة لي انا واحد متزوج وعندي طفلة فا عايز عربية متوفرة قطع غيارها متوفر ليه اي ميكانيكي يشتغل فيها ويوم لما ازهق منها هبيعها في غضون 5 دقائق
لكن بكل صراحه انتا اقرب ميكانيكي بتتعامل معاه في الهوندا فين ؟؟؟
وبكل صراحة اصل انا كان معايه جولف 2 وكنت بتعامل مع واحد في جسر السويس وعارف الناس دي بتاخد مصنعيات كام

انا بي الدايو غيرت ( زيرت-وفلتر زيت -وفلتر بنزين -وبوجيهات - وسيلك بوجيهات - وسير الدينمو - وسير الكاتينة بي البلية -وجوان غطا التيكهات ) كل الليلة دي وقايم دافع 90 جنية عارف ايام الجولف كانت ابقا قايم ودافع 200 جنية زي الشاطر انتا بقا بي كل امانه بتدفع مصنعية كام ؟؟؟؟؟؟؟؟؟؟
اما موضوع جري ومش جري فاكل العربيات بتجري وكله بيعمل حوادث مافيش عربية منزها عن انها تعمل حدثة
ومع العلم انا جبت بيها 180 وكانت عادي جدآ كان كل تعليقي عليها انها تحتاج الي جنط
فعلآ لم ولن اختلف معاك بي خصوص الخمات طبعآ الدايو من الداخل كلها فيبر بس برضة ليه ميزة جامده جدآ انه سهل التنظيف بي الماء ولايشقق زي ما كان معايه في الجولف وسهل كمان انك ترشة لون او انك تركبلة من الداخل كاربون كل حاجة ليه ميزة وعيوبها مافيش حاجة نزلت كلها مميزات وليس له عيوب