اقتباس:
أرسل أصلا بواسطة DODY
الاستاذ meza انا لانى مسلم افهم ان دينى لا ينفصل عن دنياى وهو-اى دينى -يوجهنى فى كل حركة وكل سكنة فى حياتى فى بيتى وفى عملى ومع الناس من حولى مع اصدقائى ومع اعدائى ومع جميع الكائنات من حولى .. اما حكاية العلمانية تحت اى مسمى وتحت اى ستار فهى لاتتفق مع الاسلام بالذات لانها تفرغ الاسلام من مضمونه واهم خصائصه الكبرى وهى الشمول والتسليم لله تعالى بكل ما تعنى الكلمة وهذا هو سر الاسلام الخالد ...فى حال كون سيادتك مسلم فلن نختلف كثيرا اما اذا افترضنا انك على دين اخر -وهذه ليست تهمة -فبالتالى لن تتفهم شعور المسلم تجاه دينه ولك العذر فى ذلك .. وتحياتى لك
أنا متفهم رأيك يا أستاذ Dody و أشكرك على إدلائك به.
********
أنت تعنى أن الإسلام يجب تطبيقه فى كل شىء و كل مناحى الحياة ... طب ده شىء كويس و محدش معارض الكلام ده و فى نفس الوقت لا يتعارض مع العلمانية فى شىء .... العلمانية هى اللى هتضمن ليك إنك تتطبق دينك فى كل ما يخص حياتك بكل حرية دون أدنى مضايقة لك أو تأثير عليك من الآخرين من حولك.
حتى حضرتك قلت ...
اقتباس:
انا لانى مسلم افهم ان دينى لا ينفصل عن دنياى وهو-اى دينى -يوجهنى فى كل حركة وكل سكنة فى حياتى فى بيتى وفى عملى ومع الناس من حولى مع اصدقائى ومع اعدائى ومع جميع الكائنات من حولى
و قد أضفت ياء التخصيص فى ... دينى و دنياى و حياتى و بيتى و عملى ... إلخ
و العلمانية لا تعارض ذلك ..... فلك كل الحق فى تطبيق كل ذلك فى كل ما يخصك.
رد حضرتك يا استاذ ميزا للاسف مغلوط لان قيم العلمانيه اللى لسه من كام سنه اللى حضرتك بتنادى بيها الاسلام نادى بيها من قرون
الاسلام فيه تنظيم للعلاقات والمعاملات فى كل مناحى الحياه
فيه تنظيم لموضوع الأقليات بصراحه بأعدل ما يكون حضرتك ممكن تقرأ عن فتح بيت المقدس لو غاوى تاريخ
انا شايف ان احنا للاسف بناخد ثقافة غيرنا ونحب نطبقها على نفسنا من غير ما نصنع احنا بايدنا ثقافه خاصه بينا وبوطنا ودينا
انا مش ضد الاستفاده من تجارب الاخر بس ناخد منهم الاليات بس ونطبق دينا وثقافتنا
حضرتك مسئول أممى سابق اعترف ان قيم ميثاق الامم المتحده هيا نفسها قيم الشريعه الاسلاميه بعد اعادة الصياغه
حضرتك كل القيم اللى ذكرت فى الموضوع مفيش قيمه واحده فيها زياده عن قيم الاسلام
انا لا انكر ان نظام الحكم فى اخر دوله اسلاميه كانت قائمه ( الدوله العثمانيه ) كان محتاج تطوير وان احنا معندناش نظام متعارف عليه ومعتمد زى مثلا الديمقراطيه الغربيه
بس مش معنى كده ان احنا ناخد نظامهم ونطبقه ونعمل بيه ونقول هوا ده امين
احنا مش قصر ولا صغار عشان نقعد مع بعض كلنا ونتحاور ونقيم نظام خاص بينا وبهويتنا
حضرتك العلمانيه اصحابها أول ناس بيخالفوها
ممكن تقولى ليه كل الرؤساء الامريكين بيخطبو فى الكنايس فى الانتخابات وبيستشهدو بالانجيل ؟
ممكن تقولى ليه مينفعش يتولى رئاسة الولايات المتحده الامريكيه الا مسيحى انجيلى
ممكن تقولى ليه السياسين عندنا هنا فى مصر يصدعونا كل يوم فى كلام عن الليبراليه والعلمانيه وبعدين بليل فى برنامج على الفضائيات يستشهد بايات القران ويعمل فيها الداعيه الاسلامى ؟
حضرتك محدش يقدر يستغنى عن دينه هما فى الغرب الغو قيم دينهم الحقيقيه فا مفيش مشكله من الاساس
احنا هنا عندنا مشكلات زى ايران وتونس وزى ما الاخوه قالو وده لما حاولنا نطبق ثقافه مش بتاعتنا
المفضلات