الموضوع: يوميات سائق جديد ؟!

المشاركة الأصلية كتبت بواسطة hamtle97

شكلك بتتدرب تبع مدرسة المرور ، محافظة الجيزة او القاهرة ، ورأئى فيهم عن تجربة انهم مش ولابد وكل هم المدربين انهم يتغدوا ويشربوا ساقع على حسابك ، ويقعدوا يخوفوك من الغلط ويقللوا من مستواك علشان يهبورا منك
انا كونت باتعلم معاهم وقرفت ، وماكنوش عاوزين يخلونى امش فى الطريق مع العربيات اللى ماشية ، قال ايه اصل مستوايا ضغيف
لغاية ماحسونى انى باسوق صاروخ او غواصة نووية
سبت المدرسة وشفت مدرب خاص ، فى 3 حصص كنت بامشى بالعربية لوحدى وبقالى 15 سنة باسوق الحمد لله
ودى تجربة شخصية لى
عسى انك تستفيد منها
تحياتى

صح والله ده الي بيحصل معايا وانا اتخنقت منه وحسسني ان مستحيل اسوق عربيات وانهاردة اعد يلمح كتير انو ياخد فلوس والله ولا عبرتة

المشاركة الأصلية كتبت بواسطة cobraa2008

يا عم ما تخافش انا اول ما تعلمت السواقة على ايد ابويا في السعودية وكانت بتجول في المناطق اللي هيا مخطط علشان انها تتبنى سكن بسي الدنيا فاضية و بعدين كنت بتاعلم على كابريس كلاسيك اوتماتيك بس وحش موديل 89 وكان ذو قوة خارقة طبعا
المهم الحمد الله انا دلوقتي بقيت احسن من ابويا في حاجت وهو احسن مني في حاجت

ما تخافش العملية صعبة في الاول بس اول ما تمسك الرخصة في ايديك خلاص هاتلاقى ان الدنيا سهلة معااااااك ما تخافش

شكرا يا باشا : )

المشاركة الأصلية كتبت بواسطة meza

أكبر غلط إنك "ظبطه" فلوس .... إنتا كده عودته ياخد منك فلوس ..... نصيحتى خش فيه شمال و متتساهلش معاهم و متحسسوش إنه هيعلمك اللى محدش يعرف يعلمه .... هو مفيش غيره و لا إيه!!!

الكلام اللى حصل معاك ده حصل معايا .... بس ظبطهم صح تانى يوم .... خليتهم يشدوا شعرهم و لا قدروا يعملوا حاجة .... هو أنا مش دافع تمن التعليم ؟! عايزين إيه تانى.

و ساعتها إتعدلوا معايا قوى. .... كنت بدي الراجل أى حاجة كده بس آخر الدرس بعد ما يخلص خالص مش قبل الدرس .... عشان يعرف إنه لو متعدلش مش هياخد حاجة.

ايوا فعلا انا قولت هو كدا هايزيط فيها واصلي اديتة 20 جند اول يوم

تاني يوم قعد يقولي بقي انا عايز تدفع المشاريب وحاجات كدا انا قولت له بعد ما اتحنقت منه و لما كل شوية يلمح علي الفلوس قلت له انا علي قدي يعني من الاخر مش هتاخد حاجة ..

صح والله ده الي بيحصل معايا وانا اتخنقت منه وحسسني ان مستحيل اسوق عربيات وانهاردة اعد يلمح كتير انو ياخد فلوس والله ولا عبرتة

نفس اللي عمله معايا ... ونفس اللي عملته معاه...
عشان كده أعمل زي ما أقترحت عليك وأديله السكة وسوق كل مرة مع واحد شكل .

المشاركة الأصلية كتبت بواسطة mohamed_88sk

أنت شكلك تبع الزفته مدرسة السواقه تبع المرور الله يسامحهم
أنا برضو دفعت وروحت يا سيدي تلات مرات مرتين منهم بس اللي لحقت مكان وعرفت أسوق
وأنا أول مرة معاهم أساسا بسوق مانيول وأتوماتيك من زمان أول سواق ده عقدني وقالي مابتعرفش ومبتهببش والحكايه والروايه وقالي قول للحاج(والدي) الحاج مش عارف مين حيظبطني (على أساس أديله حتى ربع جنيه مخروم طنشت)
والمرة اللي بعديها نفضطله وسوقت مع واحد تاني .. والتاني بيفتكرني في الحصه التامنه لأني كنت على مطب والعربيه طبعا هدت وكادت ان تقف فقلت أجيب أول عشان تديني عزم قالي أزاي في الحصه التامنه وبتعمل كده .. قلتله دي تاني حصه ليا وأنا كمان بسوق مانوال من زمان بس بقالي كتير مابسوقش غير اتوماتك ..
قعد يعتزرلي وقالي أسف هههههههههههه..

فأحسن حاجه تسوق مع كذا واحد ... وبعد ماتخلص تروح مركز خاص ,,,,
بس ليا سؤال معلش .... هي فترة المدرسة دي قد إيه ؟؟؟ هل فعلا 3 شهور ولا اكتر؟؟؟ عشان أنا بقالي أكتر من 3 شهور مارحتش وشكل الفلوس راحت عليا ياريت حد يطمني ... أنا بس عاوز الأس عشان أمتحن وأخلص.

الله ينور عليك انا تبع الزفتة بس ماينفعش اغير المدرب لان نازلي جدول باسم المدرب

وانا اخدت في الاول نظري اسبوعيين بعد كدا العملي اعدت بتاع شهرين وبعد كدا روحت العملي كل الحكاية اسبوع ومش هايكمل اسبوع اخر يوم هاروح امتحن

اول يوم بيعلمني ازاي احرك الفتيس راح اول يوم
تاني يوم بيعلمني ازاي اتحرك بالدبرياج
تالت ورابع وخامس يوم بتعلم ازاي امشي ما بيين الاومع الي بتاعة دي الي بمشي حواليها علشان الامتحان
وسادس يوم بنروح نخلص ورق علشان اخش الامتحان وسابع يوم الامتحان ..


وبعدين انا ولا كنت بسوق اتوماتيك ولا مانويل يعني ابيض

المشاركة الأصلية كتبت بواسطة OlaOsman

بس هو ازاي أصلا يتخنق منك من اول حصة؟ المفروض ان الناس دي يبقى عندها صبر، الواحد بيبقى بيحاول يعود عضلاته و جهازه العصبي على توافق حركات معينة مع بعضها أول مرة يعملها في حياته، فلازم الصبر.

قولت له كدا واعد يقولي لاء دي عايز تفكر وتركز ودماغ قولت له انا اول مرة لازم اتعود وامرن رجلي وشوية صبر قعد يقولي لاء انتا لو بتفكر هاتعرف تمشي وفي الاخر اعدت ازعق معاه والمصيبة هو كبير بتاع 40 سنة كدا

المشاركة الأصلية كتبت بواسطة mohamed_88sk

نفس اللي عمله معايا ... ونفس اللي عملته معاه...
عشان كده أعمل زي ما أقترحت عليك وأديله السكة وسوق كل مرة مع واحد شكل .

انا مش هاعبرة الا لو مسكت الرخصة في ايدي وهي خمساية حلو اوي علية
وللاسف عندي ماينفعش اغير المدرب

اليكم الي حصل انهاردة ..

روحنا في مكان واعد يدربني علي الاومع وامشي حواليها حاط 3
وراني ازاي اعملها مرة واحدة وقالي تعالي اركب

ركبت اول مرة ساعدني في الدريكسيون لاني كانت اول مرة اطلع بالعربية والف بيها مرة لقدام ومرة للخلف وكمان في حواجز
عملتها مرة واتنين وتلاتة

وانا بعملها في مرة العربية بطلت عادي لاني رفعت رجلي من الدبرياج بسرعة وهو اصلا دبرياج العربية تقيل وبيطلع او بينطر لفوق فجاه مش سلس كدا قعد يزعق ويقولي احنا اتعلمنا امبارح اية ؟! قولت له ماتزعقش كدا انتا راجل اكبر مني وانا بتعلم لسة مافهاش حاجة قعد يقولي انا بزعق علشان خايف عليك هو انتا الي هاتجيب الرخصة ولا انا وقالي انا بزعق علشان مصلحتك وكدا وانا متاكد انو خايف علي العربية اساسا مش علشان رخصة ولا حاجة


وهو شكلة مش هايعلمني ان ادوس بنزين خالص ؟؟؟
علشان كدا الي يعرف مدرسة خاصة محترمة يقول في القاهرة او الجيزة

إيه ده ؟؟؟ هو كل ده بيعلمك تسوق عالسلانسيه ؟؟؟
مخلاكش تمشي بالعربيه لواحدك وتدور وتجيب أول وتاني ؟؟؟
............
بس غريبه أحنا هنا في أليكس بتختار السواق اللي تركب معاه ...
ياريت بجد لو تعرف تسألي عن حكاية أن أخرها 3شهور ولا لأ وأنت في الحصه .. معلش حتعبك ... أصل المشكله أن الأدارة بعيده عني وكمان حاسس أني حروح أتحرج هناك !! لأنهم كان باين عليهم بلطجه ...

بس أنتوا عندكم حاجه عجبتني من كلامك إن عندكم النظري بتاخدوا فيه حاجات لمدة أسبوعين ...عارف عندنا بالظبط كان 10 دقايق بالكتير بس كانت أمم مستنيه دورها .. ودخلنا جيش مع بعض وأتلمينا فوق جهاز كمبيوتر وست كده قعدت تعرض أسأله وتقولنا ها دي تتجاوب أزاي لسه نجاوب تقوم من نفسها تختار أي حاجه وطبعا أحنا واقفين كزان الذرة تفهم عننا

انا مش هاعبرة الا لو مسكت الرخصة في ايدي وهي خمساية حلو اوي علية
وللاسف عندي ماينفعش اغير المدرب

فعلا أحسن حاجه تديله السكه خالص ...
بس المفروض ترتيب الحصص يبقى الأول تعليم يعلمك الأساسيات و السواقه وفي الأخر خالص الأقماع(الأس) وبعين المفروض في المراكز المحترمة بتاخد الصيانه للأعطال ..
مش عارف والله أي مركز في القاهرة لكن للي عاوز في أسكندرية في واحد قدام نادي سموحه هايل أسمه الرواد
أكتر من هايل وعلى كذا نوع وأنواع قديمه وجديده كمان .. صحابي كلهم راحولوه وطلعوا رخص بس هم كان عندهم وسايط أنا مرضتش عشان مش بحب أستخدم الوسايط وأديني لسه محتاس بندم أني مروحتش معاهم .