الموضوع: يوميات سائق جديد ؟!

المشاركة الأصلية كتبت بواسطة mohamed_88sk

بس أنتوا عندكم حاجه عجبتني من كلامك إن عندكم النظري بتاخدوا فيه حاجات لمدة أسبوعين ...عارف عندنا بالظبط كان 10 دقايق بالكتير بس كانت أمم مستنيه دورها .. ودخلنا جيش مع بعض وأتلمينا فوق جهاز كمبيوتر وست كده قعدت تعرض أسأله وتقولنا ها دي تتجاوب أزاي لسه نجاوب تقوم من نفسها تختار أي حاجه وطبعا أحنا واقفين كزان الذرة تفهم عننا

فعلا أحسن حاجه تديله السكه خالص ...
بس المفروض ترتيب الحصص يبقى الأول تعليم يعلمك الأساسيات و السواقه وفي الأخر خالص الأقماع(الأس) وبعين المفروض في المراكز المحترمة بتاخد الصيانه للأعطال ..
مش عارف والله أي مركز في القاهرة لكن للي عاوز في أسكندرية في واحد قدام نادي سموحه هايل أسمه الرواد
أكتر من هايل وعلى كذا نوع وأنواع قديمه وجديده كمان .. صحابي كلهم راحولوه وطلعوا رخص بس هم كان عندهم وسايط أنا مرضتش عشان مش بحب أستخدم الوسايط وأديني لسه محتاس بندم أني مروحتش معاهم .

الي عايز اقوله لك انا مش هاتعلم الا ازاي اعدي من الامتحان وبس

المشاركة الأصلية كتبت بواسطة meza

بس واضح إنه إتعدل ....... أيوه كده متدلعهمش

و موضوع تدوس بنزين .... ممكن يكون لسه بعدين ... و كمان سهلة مش صعبة فممكن يكونوا هيأجلوها لبعد كده.

مافيش بعد كدا زي ما قلت في ردي الي فات مش هاتعلم الا اني اعدي من الامتحان وبس وبدون بنزين وانا علي الاول وبس

عندي سؤال:

هو انا يوم اروح اطلع الرخصة هاحتاج معايا فلوس ولا لاء ؟؟

وياريت الي يعرف مركز محترم في الجيزة او القاهرة او اكتوبر يقول ؟؟

أنا كنت أخذت كورس من حواى سنتين فى مركز أوسكار فى محطة مدكور بشارع الهرم وكنت كل مرة أدفع 5 جنيه للسواق كإكرامية ولكن عدد الحصص لم يكن كافيا (حوالى 8 حصص على ما أتذكر) ولم يعطنى فرصة كبيرة للسواقة بشارع الهرم سوى مرتين وكانت معظم الحصص بشارع ترسا لأنه فاضى وكذلك لم يعلمنى الركنة سوى مرة واحدة فى آخر يوم.
ولأنى لم أشتر سيارة فى الحال فقد نسيت معظم ما تعلمته .
وأرجو من الإخوة الأعزاء النصيحة هل أبدأ بشراء سيارة أتوماتيك حيث أميل إليها وأعتقد أنها أسهل فى القيادة أم لابد أن أبدا بقيادة المانيوال؟

وجزاكم الله خيرا

لو تجيب أوتوماتيك أتوكل على الله وريح دماغك بجد ..
متنساش أن الزحام ده كل شويه حتفضل مخدل رجلك عالدبرياج وتلعب كل شويه في الفتيس يعني حاجه شلل الأحسن طبعا أوتوماتيك .. وربنا يسهل .

عندي سؤال:

هو انا يوم اروح اطلع الرخصة هاحتاج معايا فلوس ولا لاء ؟؟

وياريت الي يعرف مركز محترم في الجيزة او القاهرة او اكتوبر يقول ؟؟

أساسي يا باشا عشان تبازي للي قاعد جانبك حته ب 20 أو 50 أنت وتقيمك ليه .. مع أني حديله في سنانه ..

هو الاتوماتيك اسهل فى السواقة فعلا
ولا عربية تبطل فى المطبات ولا حاجة
بس لو مش مستعجل على السواقة اوى يبقى احسن خد وقتك واتعلم السواقة المانيول براحتك
لان اولا
الاتوماتيك صعب فى التصليح (ربنا يبعد عنا اعطاله)
الاتوماتيك اغلى من المانيول وساعات الفرق بيوصل لاكتر من 15 الف جنيه
لو بتعرف تسوق اتوماتيك حتقدر تسوف مانويل فى اى وقت لكن لو زى بدات اتوماتيك عمرك محتعرف تسوق مانيول


اخيرا فاحب اقولك ان السواقة مش اتواماتيك ولا مانيول
لكن الاهم حتتحرك ازاى من حارة لحارة حتتجاوز ازاى العربيات اللى قدامك وجنبك
حتدخل ازاى فى يوتيرن
حتقدر المسافات ازاى
كل ده عايز تدريب شوية بشوية بس الاتومااتيك مش حيفيدك فيه

فعلا هو صعب في التصليح والعياذ بالله لو جراله حاجه
وطبعا اللي بدأ يسوق مانيوال يعرف يسوق أوتوماتيك بسهوله والعكس أصعب بكتير
وكل كلامك مظبوط..
بس أنا قلتله يجيبها أوتوماتيك لأنه قال أخد كام حصه في المانيوال وهو الحمد لله عنده مقدرة يشتري أوتوماتيك فقلت يريح دماغه من أولها ..