الموضوع: يوميات سائق جديد ؟!

معلهش حد يفهمنى الحتة دى.... هو ممكن الواحد يفضل ماشى بالعربية من غير مايدوس بنزين؟

أه يا باشا العربيه المانيول لما حضرتك بتجيب الأول ممكن تشيل رجلك بالراحه من الدبرياج وتدوس بنزين بحيس تعمل توازن بين رجلك وانت بتشياها عالدبرياج وريجلك التانيه اللي بتزود بيها بنزين ده العادي
وممكن ماتدوسش بنزين وتتحكم بضغط رجلك عالدبرياج يعني تشيل رجلك من الدبرياج بالراحه تلافي السياره بتتحرك وتدوس تاني السياره تهدي لحد ماتقف وده اللي بيسموه السلانسيه وبيكون الrpm حوال 1.5 أو 2 بالكتير على حسب السيارة.

شكرا على هذه المعلومة الجديدة بالنسبة لى

حضرتك تؤمر يا أستاذي الفاضل ..

المشاركة الأصلية كتبت بواسطة mohamed_88sk

:):) والله يا جميل ماعرفش في القاهرة لكن لو إسكندرية أدلك على واحد قدام نادي سموحة أسمة الرواد رائع فعلا .
كان نفسي أخدم معلش .

لا شكرا يا غالي انتا عملت الي عليك وزيادة كمان :)

المشاركة الأصلية كتبت بواسطة msami2k

مدرسة تعليم السواقة في غمرة
انا اتعلمت فيها في 2005
أخويا فى 2007
مدرسة رائعة ومنظمة ومفيدة جدا بس نظامها قارص وصاروخي ومعندهومش ياما ارحميني
بتروح تقدم تلاقي المجموعة اللي بيتحجزلها كمان كام شهر "معايا كان ست شهور وأخويا اتنين بس" حسب الظروف
بتدفع 200 جنيه تقريبا تمن 12 حصة كل أسبوع 3 حصص (2 عملي وواحدة نظري يوم الخميس) لمدة أربع أسابيع
بيطلبه منك كمية أوراق كبيرة بس مش هتحتاج غيرها لحد ما تطلع الرخصة فى ايدك

الخميس الأول حصة ميكانيكا رائعة
الثاني كهرباء محصلتش
الثالث كل اشارات المرور
الرابع دكتور بيشرحلك الاسعافات الاولية بجد مش بهزار

وبالتوازي معاهم معاك 8 حصص سواقة عملي كل أسبوع حصتين
ليك يومين ثابتين ساعة واحدة مع نفس المدرب على نفس العربية
بيدربك كل مرة على اللي تعلمته وحاجة جديدة كل مرة "الركن- الرجوع-المطالع"
والتدريب بيكون فى الشارع فى شروق النادي الأهلي وممكن ينزل بيك شوارع مدينة نصر لو اطمن لسواقتك
ده أول ست حصص
السابعة والثامنة تدريب فى مقر الشركة فى غمرة على الامتحان
عندهم عربيتين جاهزين للإمتحان ومتظبطين ، عمرهم ما بفصلو حتى لو معشق ودايس فرامل "بهزر" بتاخدالمنحنى كام مرة لحد متتعود عليه

بعد الشهر ما يعدي وتخلص كل ده يطلبو منك 20 جنيه رسوم تأجير عربية من الاتنين التحف دول للأمتحان و5 جنيه رسوم الامتحان الكمبيوتر
بيحددو يوم تروح تمتحن نظري في مرور عبود بتلاقي المجموعة بتاعتك كلها موجودة 150 واحد مثلا
بيخشو كلهم طابور يتسأل كل واحد سؤال عبيط فى الاشارات ويطلع وتنجح فيه
بعدها باسبوع يحددو معاد للعملي تروح تلاقي العربية واقفة على الممر بالدور تسوقها فى الملف وترجع بيها حتة والمدرب ياخدها يوقفها على أول الملف تاني للبعدك
لو معملتش مصيبة هتنجح من أول مرة لو فيه مشكلة بترجع بعد أسبوع تعيد العملي

يقلولك روح المرور بتاعك بعد شهر تلاقي ملفك وصل
تروح تستلمه من الشباك وتقدمه فى الشباك التاني وتدفع 55 جنيه رسوم الرخصة
تتصور وتستلم بعد نص ساعة

اجمالي الرسوم 280 جنيه وتخلص وتتعلم من غير ولا ملييم رشوة وناس محترمة ومدربين كويسينوتتعامل باحترام فى المرور

المدرسة عند محطة مترو أنفاق غمرة ناحية شبرا والشرابيةمش فاكر نمرة تليفونهم بس مواعيدهم زي الحكومة لحد 2 بس والسبت تقريبا أجازة
وربنا يوفقكم

شكرا جدا ليك علي المعلومات الغالية دي
بس شكلهم زي الحكومة

بكرا امتحاني ويوم الامتحان يكرم المرء او يهان ادعولي : )