الموضوع: مشكله زوجيه ...... ارجو النصيحه

المشاركة الأصلية كتبت بواسطة alaa74

طالما إن أهلها ملهومش دور إيجابى معاكم ولكن للأسف دور سلبى زى انت ما قلت وإن زوجتك بتسمعلهم .
يبقى حيد علاقتك بيهم بمعنى لازم تحسسهم انك واخد موقف يعنى متقاطعهومش لكن متتعاملش معاهم زى الأول .
بمعنى لو برتوح عندهم باستمرار متروحش لكن بدون ما يمسكوا عليك موقف يعنى اتحجج انك عندك شغل او أى حاجه .
لو بتروح تاخدها من عندهم روح على الوقت بالظبط علشان متقعدش عندهم ولو تعرف متطلعش يكون افضل .
يعنى لازم هى تحس انك واخد موقف منهم وهم كمان بس بدون ما تعمل لنفسك مشاكل
انا بقولك كدة ليه ربما إنها لم تحس إنك متغير مع اهلها لكن بأعذار وحجج تراجع نفسها وتحس الفرق .
فى حاجه تانيه لو مثلا بتخرجوا مع بعض تشتروا طلبات البيت من السوبرماركت مثلا اخرج لوحدك واتحجج بضيق الوقت والشغل واعمل دة من برة برة بعد الشغل .
لو بتخرج معاها مثلا بشكل اسبوعى الغى الخروج واخرج انت مع اصحابك .
لازم تحس انك متغير معاها وواخد موقف لكن بدون مشاكل .

اكيد هتلاقى جرجرة مشاكل طبعا فى الوضع دة كبر دماغك ولا كأن فى حد موجود ز
عاقبها على اد ما تقدر لازم تحسسها الفرق .
يمكن ينصلح حالها
وطبعا علشان اى حد من الاخوة اللى هيقرا المشاركه دى ميهاجمنيش او يهاجمك برجاء يراجعوا مشاركتى السابقه وهم هيعرفوا انا قلت كدة ليه .

اوقات كتير الستات بعد ما بيخلفوا طباعهم بتتغير تماما وبيحسوا انهم عملوا اللى ما يتعملش وان الراجل مضطر يستحمل اى حاجه علشان الاولاد وخصوصا لو ابن ناس زيك كدة.
بيحصلهم تغير فى معاملتهم مع ازواجهم ودة بيكون ردة بعد استنفاذ كل الطرق اللى اتكلمنا عليها فى المشاركه الاولى
التجاهل التام ولو لفترة .

الراجل ده بيقول كلام زي الفل :-)

المشاركة الأصلية كتبت بواسطة dr.mostafa anwar

ياريت تعرض المدام على طبيب غدد صماء لعمل تحاليل الغدة الدرقية وهرمونات الأنوثة ... وده هيحدد طريق العلاج من الأول إذا كان عضوي بسبب إختلال هرموني معين ...

ده لو اقنعها و هى وافقت ان عندها مشكله و بنحاول نحلها

المشاركة الأصلية كتبت بواسطة dr.mostafa anwar

أو ندخل بقى في العلاج النفسي السلوكي وده مهم جدا جدا إذا الحمد لله الأمور طلعت طبيعية من ناحية الهرمونات ... وفي الحالة دي لازم تصبر مع زوجتك وتستحملها في رحلة العلاج لأنها طويلة شوية بس طبعا لازم هيا تكون مستعدة للخطوة دي ومقتنعة بيها ... وإن شاء الله ربنا سبحانه وتعالى بعد شفاءها يملأ بيتكم سعادة وهنا

اول كلمه هتتقاله ... يعنى انت شايفنى مجنونه (انا عارف ان العلاج النفسى ملوش دعوه بالجنان بس هيتم الخلط لو طلب حاجه زى كده)

طبعا يا دكتور انا متفق معاك تماما بس فى اى الحالات مش هينفع من غير ما هى تكون حاسه ان عندها مشكله ... ممكن اصلا تكون هى فى وادى تانى و شايفه ان الحياه كده طبيعيه !!!

يا بيه و الله كل الكلام اللى اتقال بيحصل معايا بالملى من عصبيه لزعيق لنكد ده حتى فى شهر العسل و الله البوز الفظيع من غير سبب و اول مره اشوفه و المصيبه مش فارقه معاها حاجه خالص اخوش اخرج هى و لا هنا البيت لوكانده بجد بس مع المشاكل 8 سنين خلاص قررت انى اعيش حياتى اخرج من غير ما حد يقولى رايح فين و لا جاى منين الفلوس و بدهالها زى ما هى عايزه انما كلام و حاجات من دى لااااا لان بصراحه ما اعلرفش كميه النرفزه دى منين بس اعتقد انها وراثه و من طبيعه البيت اللى الواحده جايه منه لو فيه مشاكل بتظهر عليها بعد الجواز