الموضوع: النسبه الصحيحه لضغط الهواء داخل الكاوتش ؟؟

لا يصح إلا الصحيح.. و اللي مكتوب على القائم هوا الصحيح..
أنا عندي مكتوب الضغط قدام و ورا 32PSI و يزيد عن كده لو العربية محملة طبقاً لجدول..و محدش جاب سيرة الجو خالص لا على القائم و لا في الكتالوج.. و الكاوتش نفسه بيكون مكتوب عليه الـ Max. Pressure و غالباً هتلاقوه رقم كبير و بعيد أوي عن الـ 30 و 32 اللي بنتكلم فيهم.
و بعدين مش إحنا بس اللي عندنا الجو حر و الناس كلها على الكرة الأرضية في تلاجة.. زي ما حضراتكو عارفين بعض مناطق أمريكا و اليابان و كوريا و بعض دول أروبا ممكن تلاقوا عندهم ساعات حر أكتر من عندنا.
و على فكرة لما الضغط يكون منخفض في الكاوتش مساحة الإحتكاك بالأرض بتزيد و النتيجة سخونة و خطورة أكبر.

المشاركة الأصلية كتبت بواسطة SAbuhashem

أنا كمان عندي ١٦/٢٠٥
و الوزن ١٢٠٥ كج !
اللاند كروزر مكتوب علها قدام ٣٣ PSI ودة إلي مخليني مستغرب ازاي الليون ٣٥ PSI !

Thanks
Eng.Sherif Shaker

على فكرة يا بشمهندس شريف.. الحجم مش مقياس.. يعني حضرتك أكيد عارف إن الـ compact spare tyre حسب ما أتذكر الضغط فيه بيكون حوالي 60 أو 65 PSI علشان حجمه صغير و لازم الضغط يكون فيه كبير علشان يستحمل وزن العربية.
و بمناسبة اللاند كروزر .. ساعات لما الرمله بتكون ناعمة قوي تلاقي السواق فضى العجلة شوية من الهواة علشان مساحة الإحتكاك تزيد و ده يساعد على عدم الغرز.

المشاركة الأصلية كتبت بواسطة haima

نتروجين مش هيدروجين

شكراً على التصحيح :) جيت اكتب نيتروجين ... كتبت هيدروجين .....

المشاركة الأصلية كتبت بواسطة SAbuhashem

أنا كمان عندي ١٦/٢٠٥
و الوزن ١٢٠٥ كج !
اللاند كروزر مكتوب علها قدام ٣٣ PSI ودة إلي مخليني مستغرب ازاي الليون ٣٥ PSI !

Thanks
Eng.Sherif Shaker

طيب ده فعلا معناه ان الكاوتش ممكن يستحمل ضغط الهوا اكتر من 32 psi ...............
عموما اكيد سيات شايفه ان ضغط الكاوتش على 35 انسب حاجه للعربيه, علاشان الكاوتش مايبقاش مريح مع وزن العربيه .
لان فعلا عندى لما ظبط الكاوتش على 29 كان مريح من قدام اكتر من ورا و مش مظبوط .

المشاركة الأصلية كتبت بواسطة ahmedfd

لا يصح إلا الصحيح.. و اللي مكتوب على القائم هوا الصحيح..
أنا عندي مكتوب الضغط قدام و ورا 32PSI و يزيد عن كده لو العربية محملة طبقاً لجدول..و محدش جاب سيرة الجو خالص لا على القائم و لا في الكتالوج.. و الكاوتش نفسه بيكون مكتوب عليه الـ Max. Pressure و غالباً هتلاقوه رقم كبير و بعيد أوي عن الـ 30 و 32 اللي بنتكلم فيهم.
و بعدين مش إحنا بس اللي عندنا الجو حر و الناس كلها على الكرة الأرضية في تلاجة.. زي ما حضراتكو عارفين بعض مناطق أمريكا و اليابان و كوريا و بعض دول أروبا ممكن تلاقوا عندهم ساعات حر أكتر من عندنا.
و على فكرة لما الضغط يكون منخفض في الكاوتش مساحة الإحتكاك بالأرض بتزيد و النتيجة سخونة و خطورة أكبر.

كلام سليم 100 %

المشاركة الأصلية كتبت بواسطة ramyso4

معلش هزود حاجة بس جايز أي حد يكون محتاجها .....فيه عربيات الكتالوج بتعها قايل الضغط بال-bar مش بال-psi الهو متعارف به في مصر وعشان تحول من bar ال-psi خش عل لنك ده http://www.convertunits.com/from/bar/to/psi


ومعلومة كمان كل ما الجنط يكبر كل ما الضغط فيه مفروض يزيد + لما العربية تبقى محملة مفروض تزود ضغط الكاوتش عن لم تبقى راكب فيها لوحدك
وفالأول وفالأخر إنت ليك بالكتالوج

شكرا على المعلومه يا رامى . فعلا ديه نقطه لازم ناخد بالنا منها .... حتى فى المقياس الى بيستخدمه عامل الكاوتش .

-----------------------------

عاوز اضيف حاجه ان فعلا الاستبن عندى " اسبيس سيفر " ومكتوب فى الكتالوج ان ضغط الهوا فيه 60 PSI

نتروجين مش هيدروجين

المشاركة الأصلية كتبت بواسطة MohabSaeed

اعتقد و الله اعلم ان النسبه بتختلف على حسب حجم الجنط و وزن العربيه ... لانى لما ظبط الاربع عجلات على 29 psi لقيت ان فردين الكاوتش الاماميتين مريحين اكتر من الى ورا " طبعا علاشان وزن الموتور " و ده يفسر ليه بينصحو ان قدام يبقى ضغط الكواتش ازيد من الى ورا

*الجينوط عندى 16/205 , و وزن السياره 1185 كيلو .

بيبقى الضغط الأعلى حسب الدفع مش أمامي علشان وزن الموتور

يعني لو العربية دفع خلفي حاتلاقي الضغط في الكاوتش ورا مفروض يبقى اكتر من اللي قدام, و العكس لو العربية كبالن

يعني انا كان في الهوندا (سحب أمامي) بيبقى قدام 30 وورا 28
في الفرونتيرا (دفع خلفي) بيبقى قدام 30 وورا 35
في اللانسر (سحب أمامي برضة) بيبقى قدام 31 وورا 29 على ما أذكر

المشاركة الأصلية كتبت بواسطة ahmedfd

و بمناسبة اللاند كروزر .. ساعات لما الرمله بتكون ناعمة قوي تلاقي السواق فضى العجلة شوية من الهواة علشان مساحة الإحتكاك تزيد و ده يساعد على عدم الغرز.

ايوة صحيح لما تكون طالع " تطعس" يبقى لابد " تنسم التواير" هههههههه

(يعني لما تكون طالع سفاري في الصحراء يبقى تخف ضغط الهواء من الكاوتش) و لما ترجع عالاسفلت بيبقى معاك منفاخ تزود الكاوتش تاني بية