الموضوع: التغطية الرسمية للياريس الجديدة بالصور من التوكيل

المشاركة الأصلية كتبت بواسطة hossam_elwani

شكرا على التقرير عربيه جمبله ولكن زى ما قولت مش عائليه ودى نقطة الضعف

بس طفره حقيقيه ان العربيه تنزل بكاسيت تاتش اصلى ده اعتبره اول تسجيل لدخول عربيه بلاوبشن ده فى مصر

هي دي فعلا نقطة الضعف !! ان العربية مش عائلية ومن جوة صالونها ضيق

اعتقد الريو السيدان اوسع منها

و+111

فعلا ماتوقعتش انها تنزل بالكاسيت الاصلي بتاعها

المشاركة الأصلية كتبت بواسطة S O P H O S

ما شاء الله
تقرير رائع وجه في وقت مهم
لتأكيد المعلومات عنها
تحياتي علي مجهودك ..

حبيبي ربنا يخليك من ذوقك

المشاركة الأصلية كتبت بواسطة Amr Axel

تسلم ايديك يا ريس ع التقرير
لكن للاسف السعر مبالغ فيه شوية و خاصة ان العربية 1300 سي سي و شوفتها ع الطبيعة من جوة ضيقة
و من برة الشكل الهاتشباك مش عاجبني و خصوصا المنطقة بتاعت السقف من قدام عالي و نازل ع منخفض مبوظ شكلها بتفكرني بالسويفت السيدان
بس الاوبشنز حلوة
في انتظار السيدان و طبعا اختبار القيادة و اتمني لو ينزلوا سعرها شوية

شوف هو بالنسبة للفئة اللى ب 116 الاف او حتى اول فئة مانويل

سعرهم منافس جدا وكمية الاوبشنز والكماليات اللى فيها ممتازة

يعني طبعا هي ياباني وتويوتا واعتمادية عالية يعني اكيد بسعرها ده يبقى كقيمة مقابل سعر افضل كتير من الريو والاكسنت ال RB مافيش كلام

وموضوع انها 1300 فال 100 حصان على وزن الياريس انا متاكد انهم هيدو اداء اكثر من رائع ومحدش هيشتكي من السحب !!

اصلا نادرا لما تلاقي حد بيشتكي من سحب الياريس القديمة مع انها نفس الوزن وماتور 86 حصان فقط !! مابالك لما تبقى 100 حصان ؟؟؟

بس اانا فيه نقطة عايز اتاكد منها او حد ياكدلها !! عزم ماتور القديمة كان 135 نيوتن !! الجديدة عزمها 125 نيوتن فقط !! ؟ ياترى الغلط فين ؟؟ ولا هما رفعو ال HP على حساب العزم ؟؟ مش قادر افهم

بالنسبة لانها ضيقة فانا معاك لكن بالنسبة للشكل فبصراحة العربية شكلها رائع وفي الاخر الشكل اذواق