نظريتي المتواضعه في تحويل العربية للغاز الطبيعي

**M!NA** · 15-01-2013 12:32 PM

المشاركة الأصلية كتبت بواسطة mohyeldin1974

اشكرك يا استاذ مينا على الاهتمام والرد
حضرتك معندكش فكره الضريبه او تكلفه الترخيص السنويه واستهلاك البنزين فى الفورتشنر
انا قريت انها 5000 جنيه لفوق 2000ccهل حقيقى الكلام ده؟
معلش هطمع فى معلومات حضرتك شويه كمان واخد رايك
انا عايش خارج مصر وراجع قريب ان شاء الله وطول عمرى راكب سيدان بس لما بأنزل اجازات بشوف فعلا ان الطرق وسلوكيات السواقه محتاجi ان الواحد يكون معاه دبابه مش عربيه عاديه فبصراحه محتار ارجع اركب سيدان عربيه زى مابقيت الناس راكبه اشوفلى كورولا ولا استرا او اوكتافيا او جيتا ولا تفكيرى صح وان الموضوع عضلات
اسف على الاطاله

فوق ال2030 سي سي التكلفة بتكون 2% من سعر العربية و بتقل 10% كل سنة
يعني مثلا الشيروكي لما كانت ب320 الف كان ترخيص أول سنة 6000
تاني سنة 5400 (6000 - 600)
و تالت سنة 4860 و هكذا... ضيف عليهم التأمين الإجباري

موضوع السواقة في مصر أكيد كل ما تكون العربية عالية كل ما يكون أفضل ليك... عشان الرؤية بتكون أوضح كتير... و طبعا عشان الميكروباصات و النص نقل مقضيينها بلطجة... بس ركوبك الفورتشنر مش هو اللي هيفرق أوي لأن برضو تعتبر حديثة و الخبطة عندك هتكلف

لو عايز تركب حاجة تعرف تمشي بيها هتضطر تركب قديم... رانجلر قديمة... شيروكي تسعينات ... لاند كروزر تعلبة... جي ام سي

و طبعا الحاجات دي معظمها بيفتقر للراحة و الرفاهية

**M!NA** · 16-01-2013 12:14 PM

المشاركة الأصلية كتبت بواسطة mohyeldin1974

اشكر حضرتك مره تانيه بس بصراحه حيرتى زادت جدا ومش عارف اركب ايه

بص.. لو هتركب عربية عادية... اركب حاجة منتشرة عشان لو لا قدر الله حصل تلفيات تقدر تلمها
اما لو هتركب فور باي فور.. فحاول تركب حاجة موديلها مش حديث عشان الضريبة تكون وصلت للحد الأدنى..و كمان قطع الغيار بس اهم حاجة الحالة... لأن لو حالتها مش كويسة هتكلفك اكتر من اللي وفرته..
انت حاطط ميزانية كام؟

**M!NA** · 17-01-2013 12:58 AM

المشاركة الأصلية كتبت بواسطة mohyeldin1974

المشكله مش فى ميزانينى المشكله فى الاسعار
يعنى هدى حضرتك مثال : لما الالنترا والسيراتو الجديد ينزل ب 170 الف يبقى لا ادفع 50 كمان ولا اكتر شويه واركب اللى نفسى فيه ،طول عمرى بحب suv و 4x4 ودلووقتى اكتر من الاول بحكم ظروف البلد واسعار العربيات العاديه (زى الكورولا والسيراتو والالنترا)اللى بقت فى السما.
يعنى بحب الليبرتى جدا بس معتقدش هلاقى مستعمل دلوقتى نضيف عشان كده فكرت فى الفورتشنر وهى تعتبر اوحش الكويسين وزيرو
كل اللى عايزه عربيه عاليه وعائليه وتكون اعتماديه واقتصاديه الى حد ما لانى مش بهين العربيه ولا غاوى شد وبحب العربيه تبقى على الشعره وسنجه عشره

روح شوف العربيتين مرة تاني...الرانجلر و الفورتشنر... و شوف ارتحت أكتر لأنهي واحدة.... و قبل التنفيذ قوللي و نقارن النقط ...

**M!NA** · 18-01-2013 01:41 AM

المشاركة الأصلية كتبت بواسطة mohyeldin1974

والله مش عارف اشكرك ازاى
انا شوفت الاتنين (الفروتشنر اللى شوفتها 4000cc)وزى ماقلت لحضرتك ااقرب لعقلى الفورتشنر للاسباب التاليه:
1- صالونها اوسع (وخاصة الكنبه الخلفيه)
2- عفشتها هتكون انعم (مش زى السيدان طبعا بس افضل من الرانجلر)
3- 2700cc وبالتالى الى حد ما اكتراقتصاديه مقارنه ب 3600
4- توكيل اثق فيه

اللى محيرنى طبعاوقلقنى بصفه عامه مايلى
1- ان الجيب ماركه افضل فى الفئه دى
2- الرانجلر طبعا افضل كسياره ككل واكثر شبابيه وارخص تقريبا 10 الاف
3- السؤال الازلى هل فى الظروف دى الواحد يدفع المبالغ دى فى عربيه وبرد على نفسى واقول طيب مانا هروح اشترى كورولا ولا استراولا النترا ب 170 الف ، يا استاذ مينا السبورتاج وصلت 250 الف ليييييييييييييييييييييييي ييييييييه
4- للاسف مش لاقى اى حد يدلنى على امكانيات الفورتشنر 2700 وايه الاوبشنز بتاعتها والاختلافات بينها وبين 4000cc

انا مش غاووى اضيع فلوس طالع روحى فى مجايبها بس دلنى ركب ايه ، لو عندك اقتراح او شايف حاجه قدامك قلى
اشكر حضرتك مره تانيه وثالثه ورابعه

توكل على الله و هات التويوتا
و ان شاء الله مش هتندم... :)

**Colin Chapman** · 03-09-2015 01:55 PM

المشاركة الأصلية كتبت بواسطة ahmed_eng2001

كلام حضرتك متفق معاك فيه
كلامك عن الفرونتيرا مقنع جدا ( انا معرفش حاجة عن الفرونتيرا )
انا كنت بتكلم عن موتور الكامنز او الجى ام الديزل ... و ده فيه منه موديلين بينزلو فى البليزر
الموتور 6.2 لتر تيربو ديزل .. بينزل معاه فتيس اوتوماتيك و معاه فتيس غرز كمان و تمنه ممكن يعمل 7000 جنيه
مشكلته انه مش منتشر و ملهوش قطع غيار
بصفة عامة ... بيعجبنى المحرك الديزل فى قوته ... مشاكله قليلة ... عمره طويل جدا
مشكلته الوحيدة فى طرمبة الجاز .... لو مظبوطة ... تعيشك عيشة هنية
لما تبرجل .... تكرهك فى العربية

كان عندنا مشكلة فى فورك ليفت ... بطل مرة واحدة و انا سايقه ... و حلف براس ابوه ما هو داير تانى
مديرى الله يكرموا قالى ... الديزل خلص
حطيت ديزل ... فقالى الفلتر مش نظيف ... فتحنا لقيناه وسخ و نظفناه ... برضو مرضيش يدور
فقلت له احتمال يكون الفلتر التانى ... اول مرة كان يعرف ان الديزل فى الغالب بيبقى فيه 2 فلتر ديزل على الاقل
فقالى .. اوكى ... اتصرف انت فى الفورك
المهم انا بدات افتى .......و افك و اربط و فى الاخر ... قلتله ....
الفورك بايظ و احنا عاوزين ميكانيكى و رحت مبتسم ابتسامة عريضة
و سبتهم و انا عامل برئ و لا كانى عملت حاجة :)

نحن فى انتظار مينا يدخل برايه معانا .... علشان هو من المؤيدين لفكرة تحويل المواتير البنزين للجاز

ممتاز جدا
:b4_048::b4_048:

**ahmed_eng2001** · 03-09-2015 10:53 PM

المشاركة الأصلية كتبت بواسطة colin chapman

ممتاز جدا
:b4_048::b4_048:

ربنا يخليك ....

انا نسيت اقول المشكلة كانت فين .....
المشكلة كانت فى طرمبة تحضير غاطسة فى التنك ... تعمل بالكهرباء لتحضير الديزل للطرمبة الاصلية

الميكانيكى ركب طرمبة ميتسوبيشى بنزين !!!! و الفورك دار زى الفل

-

-

-

-

الموضوع: نظريتي المتواضعه في تحويل العربية للغاز الطبيعي

LinkBack

أدوات الموضوع

عرض

-

-

-

-

المواضيع المتشابهه

تحويل السيارات للغاز الطبيعي خطوة خطوة (تقرير مصور)=Convert cars to N.G. step by step

تحويل السيارات للغاز الطبيعي بالتقسيط بدون فوائد

تحويل الفورد للغاز الطبيعي

تعديل سياراتك للغاز الطبيعي

التحويل للغاز الطبيعي

الكلمات الدلالية لهذا الموضوع

المفضلات

المفضلات

ضوابط المشاركة