ناعمة و قويه و كلها حنيه...عن لينيا 2013 أتحدث(التقرير الاول و الحصري في منتديات مصر)

**eng_ahesham** · 21-12-2012 04:19 PM

المشاركة الأصلية كتبت بواسطة hossam_elwani

مفيهاش اى احساس بالفخامه ابدا

وغريب حكاية الكراسة القطيفه بيفكرنى بموديلات الثمانينات

معلش انا جبت عربيه علي قد امكانياتي ربنا يديني و ابقي زيك
وبعدين برضوا راعي اني كان معايا بونتو 2002 عربيه قديمه بس كانت علي قد امكانياتي برضو
فعلشان كده بالنسبالي اللينيا فخمه
ربنا يديني و يديك و متشكر علي ردك و مرورك

**eng_ahesham** · 21-12-2012 04:19 PM

المشاركة الأصلية كتبت بواسطة bunsh_fox

ماشاء الله ولا حول ولاقوة الا بالله العلى العظيم .. مبروووك وربنا يباركلك فيها ويديك خيرها ويكفيك شرهــــا يارب ..

ربنا يباركلك يا كبير :)

**JUVENTUS** · 21-12-2012 04:46 PM

بسم الله ما شاء الله
ربنا يبارك لك فيها - احييك على اختيارك الرائع للينيا و احييك برضو على اللون الابيض المميز- الابيض تحفه في كل الفيات الجديد - فيات فعلا عربياتها روعه من حيث الامكانيات و الفخامه دي مقابل السعر
مره تانيه الف مبروك

**hossam_elwani** · 21-12-2012 05:45 PM

المشاركة الأصلية كتبت بواسطة eng_ahesham

معلش انا جبت عربيه علي قد امكانياتي ربنا يديني و ابقي زيك
وبعدين برضوا راعي اني كان معايا بونتو 2002 عربيه قديمه بس كانت علي قد امكانياتي برضو
فعلشان كده بالنسبالي اللينيا فخمه
ربنا يديني و يديك و متشكر علي ردك و مرورك

مش قصدى يا كبير والله انى اقلل من شأن العربيه الى انت بالتحديد بتملكها والله مفكر ان التقرير تقرير عام مش ملكيه شخصيه ليك عشان كده قولت انطباعى عنها بغض النظر عن هيا بتاعت مين... واسف ان كان كلامى وصل بشكل غلط

مبروك عليك العربيه

**eng_ahesham** · 21-12-2012 05:54 PM

المشاركة الأصلية كتبت بواسطة hossam_elwani

مش قصدى يا كبير والله انى اقلل من شأن العربيه الى انت بالتحديد بتملكها والله مفكر ان التقرير تقرير عام مش ملكيه شخصيه ليك عشان كده قولت انطباعى عنها بغض النظر عن هيا بتاعت مين... واسف ان كان كلامى وصل بشكل غلط

مبروك عليك العربيه

ياباشا ولا يهمك دي عربية اخوك ومتتأسفش احنا اخوات وانا مبزعلش من اخواتي
متشكر جدا لزوقك :)

**ahmedsiyam** · 21-12-2012 08:15 PM

انا من كتر اعجابى بالعربية كل شوية افتح التقرير ابص عليها
تحياتى اخى الفاضل و الف مبروك مرة تانية
ان كانت الجديدة 2013 اللى نزلت بره هى اللى هاتنزل هنا فى مصر بافكر جديا فى انى اجيبها و لو ان التوكيل بصراحة مقلق جدا جدا انما الركوبة النظيفة فى مصر توكيلاتها على قدها

**eng_ahesham** · 21-12-2012 08:25 PM

المشاركة الأصلية كتبت بواسطة ahmedsiyam

انا من كتر اعجابى بالعربية كل شوية افتح التقرير ابص عليها
تحياتى اخى الفاضل و الف مبروك مرة تانية
ان كانت الجديدة 2013 اللى نزلت بره هى اللى هاتنزل هنا فى مصر بافكر جديا فى انى اجيبها و لو ان التوكيل بصراحة مقلق جدا جدا انما الركوبة النظيفة فى مصر توكيلاتها على قدها

ياباشا الله يبارك فيك والعربيه عربيتك يا معلم
ةاغلب العربيات المحترمه توكيلاتها مقرفه زي مثلا السوبارو اللي كنت خلاص هجيبها بس بالبحث
اكتشفت ان توكيلها اصعب و اوحش من اوماترا بكتييييييييييييييييييييير و قطع غيار شبه منعدمه
عند محلات قطع الغيار ....مع انها عربيه فوق الرهيبه بشويه

**hisham2111** · 22-12-2012 05:43 AM

ربنا يحفظهالك بس ايه اخبار استهلاك البنزين ؟؟؟ ولو عندك فكرة عن سعر قطع الغيار زى الطنابير ياريت تفدنا موضوع التانك دا سخيف جدا وياريت لو عند حضرتك فكرة تقولنا هى كاداء وعربية افضل من الابيزا الكوبية الجديدة الfacelift ,a;vh [.dgh

**haissam24h** · 22-12-2012 10:10 AM

فى الاول تقرير ممتاز بدون مقاش او اى شى قعدت يوم كامل اقر الصفح وكان بالامكان ارد اول شخص لكن قولت استنى اشوف الخناقات والاسئله والاجوبه هع وبعدها نخش بالتقيل

اول شى الصراحه شكل العربيه الخاريجى مش ثورى او رياضى تصميم عادى عكس البرافو مثلا شوفتها مرة فى الشارع شدنى التصميم والبوز الى طالع منها ده

2 شى الصراحه الى شدنى حوار ال3 طلقات ده اول مرة اشوفه وشى مميز ومحترم

3 هل قطع الغيار رخيصه ذى فيات زمان و لا هندوخ عليها يعنى مثلا انا اهم شى بالنسبالى العفشه مساعدين وبيض وبارات وهكذا وقطع غيار الماتور هل موجوده جديده ولا استيراد ولا هيتحكم فينا كم تاجر وخلاص

4بالنسبه للميكانيكه اى حد بقا هيقدر يشتغل فيها ويغير ويعدل معدا الفتيس حسب كلامكم بعد ما تخرج من الضمان

5 سعر اعاده البيع هل هتقدر بثمن ولا سعرها فى الارض عشان فيات وكمان موديلل مجهول بالنسبه لناس كثير

6 الاوبشن الى فيها طبعا صعب اقارنه باى عربيه تانيه لانه هيعلى فى السعر

7 سعر العربيه مماثل لسعر لانسر وسعر النترا وسعر نيسان وسعر كيا ايه بقا الفرق بينك وبينكم
وخصوصا ان سعر اعاده البيع لكل العربيات ديه متماسك جدا جدا فى سوق الجهل المصرى للعربيات

مش تضحك عليه
انا كان معايا لانشا 98 6سلندر كان فيها كمبيور وبرمجه وفتيس حكايه وامكنيات الصراحه الناس حاليا
بتتباهى بيها وتتعمل وانا كنت مجربها من سنين
بس الاسف

العربيه مش جابت غير 40 الف بس وكان سعر شرائها 70 الف فهل الفيات برضو نفس الحكايه

8 اعتقد ان اغلى قطعه لحد الوقتى طقم الدبرياج

9 فى النهايه انا مش بدور على الشكل لكن الى يشدنى فى العربيات قوى الاوبشن الى فيا وعناصر الامان واذاى الشركه تقدر تخدم علميها وتكون معاه ضدد ظلم التوكيل وجشعه والانتشار وسعر اعاده البيع فاعتقد ده مش متوفر فى فيات حاليا غير بنسبه 40 % فسنرى الايام القادمه عن توكيل فيات الجديد

والف الف الف مبروك على العربيه وربنا يكفيك شر طريقها