و الله انا بانبسط جدا لما الاقي حاجة باكتبها بتكون مفيدة لحد :)
بس ممكن بلاش حضرتك دي؟
الحمد لله الجو عندنا في الشغل نقي جدا من أي مشاحنات أو غيرة زي ما هاوضح كمان شوية.. رغم اننا كنا 3 في نفس السن و طبيعة الوظيفة، انما كان و لا زال بينا كل حب و إيثار1- كلامك كله لغاية دلوقتي الحمد لله مافيش فيه كوارث ومصائب الحمد لله يعني مفيش من يتآمر على زميله الموظف ولا على زميله اللي لسه متخرج ويعمل ما في وسعه ان يضلله عشان ماياخدش فرصته والكلام ده اللي كتير باسمعه ........دائما ما تجدي العون في يد ناس ربنا سبحانه وتعالى باعتهم ليكي عينة مدير المدرسه جزاه الله خير واكثر من امثاله.عاوز اقول ان سبحان الله الواحد فعلاً لو اخلص نيته لله سبحانه وتعالى وتوكل على الله حق توكل ربنا سبحانه وتعالى هايزلل ليه كل ما هو صعب على يد بشر وعلى يد اي مخلوق في الارض مسير مخصوص لمساعدة العبد المتوكل على الله سبحانه وتعالى.
و فعلا سبحان الله.. لما الواحد بيتوكل عليه وحده ربنا بييسر له أموره ويوقف له ولاد الحلال.
الشغل كتير و الله يا رامي.. البلد مليانة شغل، بس المهم الواحد ما يدورش على شماعة يعلق عليها تكاسله و ألاطته من انه يشتغل في وظايف ممكن ما تكونش لها صلة بدراسته و في مصر بأه الشماعات كتير.2-الفرص كتير وعاوزه تتحسب بهدوء واستخارة المولى سبحانه وتعالى مره واتنين وتلاته وعشره كتير باقعد افكر هو فين الشغل اللي قدامي ده ؟ فين الوظايف ؟ فين الشركات ؟ لكن اتعلمت ان الواحد طول ماهو قاعد يقول فين ومش لاقي عمره ماهيلاقي ! وكتير فرص بتضيع من الواحد بسبب تدخل شوشو على رأيك في دماغ الواحد واكاد اجزم والله العظيم ان تخلليكي لا سمح الله عن مبدأ من مبادئك الساميه والمحترمه وليكن موضوع الاستايل في اللبس كان ممكن يكون سبب أساسي في ضياع فرصة العمل اللي حضرتك لا تزالي فيها وربنا يديمها عليكي نعمه يارب .....الدرس المستفاد عندي شخصياً انا مش عارف ليه حاسس ان مفروض اشتغل هنا جوه البلد مش بره البلد مش موضوع جميل بلدي عليا والكلام الكبير ده لئني اساسا عشت اكتر من نص عمري خارج البلاد لكن اشعر ان امي ليها حق عليا وزوجتي ان شاء الله ليها حق واختي وعيلتي وناس كتير مفروض اكون انا هنا بجانبهم مش في بلد تاني ........ أدعي ان ده مبدأ عند العبد لله أو نسميها أولويه .........سبحان الله لاعتقادي وايماني بالموضوع ده فرص العمل المتاحه لي خارج مصر مش داخل مصر وغالباً برضه هو نوع من الابتلاء انت لازم تختار وتتحمل اختيارك وكل ما تتعب في التفكير وانتقاء خيار مما هو متاح كل ما يطلع اختيارك سليم بإذن الله وسرعان ما تكتشف ذلك بنفسك .
أنا أول مرة أعرف حتة تجارة انجليزي ما تاخدش غير من خريجي مدارس اللغات.. ايه الطبقية دي؟3-مايصحش الواحد يكون عنده عقده نقص مش قصدي حضرتك لكن اصل انا كمان خريج مدارس عربي وجامعه عربيه حكوميه وكتير من الهزار الموجه لي يقولك خريج التعليم المجاني وكانت اول صدمه لي في تقديم ورقي في جامعة عين شمس من سنوات كان مجموعي وقتها 93 % على ما أذكر او اكتر والله كان نفسي ادخل تجاره عنجليزي عين شمس مش عارف ليه المهم التجاره اقسامها عربي او انجليزي او فرنسي ده تنسيق جوه تنسيق المهم دخلت التجاره والتنسيق الداخلي استثنى العبد الفقير الى الله من ان ينال شرف الانضمام لي قسم الانجليزي وكانت العله وبكل بجاحه اصل انت خريج مدارس عربي وعلى فكره الكشف كان نازل ومقبول فيه ناس اقل مني مجموعاً بس خريجي مدرسة @$@$########$ مش عارف ايه..... المدارس اللي كلها بتنتهي بحرف سييي مش عارف لييه :p المهم قدر الله وماشاء فعل وبقيت دلوقتي خريج تجاره عربي والحمد لله على كل شيء.الدرس المستفاد هو ان من يحتسب ده عند ربنا سبحانه وتعالى ربنا هايكافؤه خير مكافأه وجزاء ان شاء الله والدليل ان سبحان الله مع حضرتك لقيتي معارضه كتيره من ناس انك مدارس عربي ويشاء ربنا سبحانه وتعالى انك تعللمي الناس الانجليزي بعد شهر او اتنين !! وبعد ده ببعض شهور تشتغلي في مكان رئيسته انجليزيه !! هو درس خلاني اتفاءل الحمد لله واعزز ثقتي في نفسي بعد ثقتي في ربنا سبحانه وتعالى بالطبع.
بس برضه ربنا ما بينساش عباده.
جزاك الله خيرا عشان شاركتنا في الخواطر دي و ربنا يكرم الجميع يارب :)كفايه دروس مستفاده لغاية كده عشان ماصدعكوش لكن انا لقيت التجارب الحيه من شخص محترم زي حضرتك يا استاذه علا طالما قررتي مشاركتنا اياها فمن واجبنا او واجبي انا ان اوضح ما استفدت منه وجزاكي الله كل خير وجعله في ميزان حسناتك ان شاء الله يا رب العالمين.
المفضلات