أول سنة حياة وظيفية - سيرة ذاتية

**MTAK** · 31-07-2008 05:31 PM

بسم الله ما شاء الله

اول مشاركة لى بس متابع الموضوع من ايم زمان من على المدونه
بصراحة طريقتك فى السرد تخلى الواحد مش عايز يرد
بيبقى زى اللى بيتفرج على حلقة و اماها وشدوها و لا يستفيق الا على النهايه

نرجو ان تكملى الى الحلقة عاشر سنه حياة وظيفيه

**OlaOsman** · 01-08-2008 12:31 PM

المشاركة الأصلية كتبت بواسطة Chicco

و أنا كمان متابع ...سيزون تو أقوي كتير من سيزون وان...... بعد ما يخلص في انتظار سيزون ثري :laugh:

هو سيزون تو و فينيتو يا شيكو.. معلش بأه.. كل شئ مسيره إلى النهاية

**Chicco** · 01-08-2008 05:34 PM

Never say never " يا علا باشا .....نحن في الأنتظار إن شاء الله

**OlaOsman** · 01-08-2008 11:57 PM

المشاركة الأصلية كتبت بواسطة MTAK

بسم الله ما شاء الله

اول مشاركة لى بس متابع الموضوع من ايم زمان من على المدونه
بصراحة طريقتك فى السرد تخلى الواحد مش عايز يرد
بيبقى زى اللى بيتفرج على حلقة و اماها وشدوها و لا يستفيق الا على النهايه

نرجو ان تكملى الى الحلقة عاشر سنه حياة وظيفيه

جزاك الله خيرا يا محمد على تشجعيك :)

انت من الناس اللي كلامهم قليل اوي في المنتدى.. انما مشاركاتك ماشاء الله في الصميم :)

فضل حلقة او حلقتين بالكتير ونقفل الحلقات ان شاء الله.

**OlaOsman** · 02-08-2008 12:15 AM

المشاركة الأصلية كتبت بواسطة alaa_dash

قاعد 66 دقيقة اقرا مواضيعك بس ... زي كل مواضيعك ..يا تكون ممتعة جدا يا تكون مولعة جدا :)
بس فيه وقت كبير بين كل فصل و التاني :( عايزينهم مرة واحدة ...جمهورك من القراء ليهم حق عليكي برضه ...

ربنا يكرمك على قضائك كل الوقت ده في قراية مواضيعي.. اللي لو شايفها ممتعة يبقى جزاك الله كل خير على حسن ظنك.. اما مولعة فدي ماليش يد فيها.. و الله ماباقصد ان المواضيع تولع.. مع اني شكلي كده عملت ريكورد للأعضاء اللي اتقفل لهم أكبر عدد من المواضيع

خلاص يا علاء هانت.. فاضل حلقتين بس :)

**OlaOsman** · 02-08-2008 01:10 AM

اما عن الأجانبو لما ييجوا يتعاملوا مع عرب او يتكلموا عربي فدي حكاية لوحدها.

كان فيه واحدة انجليزية بتشتغل معانا و كان فيه واحدة هي تعرفها عندها ابن اسمه عبد الرحمن و بيقولوا له يا عبده.. فزميلتي الانجليزية نمى عندها اقتناع ان كل اللي اسمهم عبد الرحمن لازم يتقال لهم يا عبده.. مش في دماغها ان ده اسم دلع او حاجة.. هي شايفاه اختصار للإسم و خلاص.

في نفس الوقت كان فيه candidate عندنا اسمه عبد الرحمن و هي اللي كانت بتكلمه عن الوظيفة و ترتب معاه المقابلات.. فطول ما هي بتكلمه بتقول له يا Abdouh، يعني نظام مثلا بتقول له هابعت السي في بتاعتك يا عبده و اشوف العميل هايقول ايه.. و لو عايز يقابلك يا عبده هاتصل بيك.. و هكذا.. لحد ما الراجل قال لها من فضلك... انا اسمي عبد الرحمن.. و ما حدش بيقول لي يا عبده غير المقربين بس.. فلو سمحتي اندهيني بإسمي اللي هو عبد الرحمن

طبعا الست بهتت و قالت له اوكيه اوكيه.. و لما جت سألتنا هو زعلان ليه اني بانده له بعبده.. طبعا ضحكنا و فهمناها ان عبده دي دلع اي اسم يبدأ بعبد و ده يشمل عبد الله و عبد الرحمن و عبد العزيز.. الخ.. طبعا هي اتكسفت من نفسها جدا لما عرفت و فضلت تضحك على الموقف ده كتير :p

**د-احمد عبد اللطيف** · 02-08-2008 02:16 AM

كلامك ممتع واسمحيلي اكرر كلمة مديرك السابق

المشاركة الأصلية كتبت بواسطة OlaOsman

انتي من الناس اللي نقدر نقول عليهم ان نسمتهم خفيفة على الأماكن اللي بيتواجدوا فيها بس في نفس الوقت مؤثرين :)

=

اسلوبك رائع انا في انتظار اول كتبك :Angel_anim:
بس بجد قلبي وجعني على محمد زميلك رحمه الله يرحمه واسعه
الموت دائما له رهبه
اللهم احسن خاتمتنا جميعا

**moonlight** · 20-10-2008 05:04 PM

بجد بجد بجددددددددددددددددددددددد يا علا الموضوع ما شاء الله راااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ئع و مفيد لأقصى درجة
ربنا يكرمك بجد

أول موضوع اقراه و اول مشاركة ليا في المنتدى .....خليتيني بجد اقعد اقرا سطر سطر و تعليق تعليق في ال 12 صفحة

مستنية باقي الحلقات على أحر من الجمر و عجبتني جملة أوووي في حلقة قديمة شويتين "شلوت سعادتك دفعة للأمام"