الموضوع: مبروك . الحكومة هاتعطف علينا ب 5 لتر بنزين كل يوم

المشاركة الأصلية كتبت بواسطة shaddadfalcon1

ماهو يافندم ده اللي الأخ الفاضل بيقوله
ان مش كل الناس زي والد حضرتك والغالبيه مش بتعمل 100 كيلو في اليوم واغلب الناس بتعمل اقل من كده بكتيير فيمنفعش تعمم قاعده عشان اقليه

ما هو معلش يا باشا كل واحد و ليه ظروفه و بعدين العربيات علشان الشغل و الشلوير و الخروجات و الظروف الطارئه هيعمل ايه بقى ال 5 كلياو بتوع كل يوم

المشاركة الأصلية كتبت بواسطة shaddadfalcon1

ماهو المستوي ده ياباشا جي من جيب الشعب مش من الحكومه
الحكومه هناك متحتكمش علي حاجه وكله من الشعب

تخيل لو مصريين هما اللي بدأو في دبي كان زمانها زي ماهيا

ياراجل ده انا بقالي 3 سنين في العماره عايز اركب الأسانسير والناس كلها تقولك لما الأسانسير يركب هنبقي ندفع
طيب ياعالم هو هيركب ببلاش؟ مش لازم تدفعو الأول عشان نجيب الحاجه بتاعته وبعدين نركب ؟

اهو ده اكبر مثال للشعب المصري
يقولك لما اشوف الحاجه قدامي الأول هبقي ادفع وحتي لما يشوف الحاجه قدامه مش بيدفع ويقولك انا مالي هو انا بستعملها لوحدي

مش شرط تكون الحكومه هناك مبتخدش حاجه فى جيبها يا باشا كلو بيسرق من البلد يعنى الخليج ولا اوروبا مش ملايكه بس اللى ياخد ياخد بعقل و يكون مستوى المعيشه حلو ساعتها محدش هيقول الفلوس بتروح فين لكن متاخدش الفلوس من الشعب و تحطها فى جيبك و تسيب الشعب لا تعليم عدل ولا مستشفيات عدله ولا حتى طرق عدله

المشاركة الأصلية كتبت بواسطة shaddadfalcon1

ربنا يخليليك الحاج ويباركلك فيه

ايام ماكنت في الجامعه كنت في القاهره وكنت باخد 40 جنيه في الشهر للمدينة الجامعيه وباخد معايا 5 جنيه كل اسبوع يعني 60 جنيه مصاريفي اول عن اخر في الشهر

حضرتك عايش مرفه قوي ولازم تعود نفسك علي القليل عشان لما تتخرج وتشتغل باذن الله متتصدمش لانك كده مش هتعرف حتي تصرف علي نفسك وكلها حاجات انا شايف انها رفاهيات وكمالات تقدر تستغني عنها بسهوله

معلش يا باشا من كلمه مرفه و اوى دى انت بتقول ايااام انت عندك كام سنه ؟
الحاجات اللى انت بتقول عليها رفهيات هو الكورس الانجليزى اللى مش هعرف اشتغل فى البلد دى فى اى بنك او شركه الا لما يكون معاك لغه و كمان icdl دا كده ترفيه ؟؟؟؟ و مصروفى برضو ترفيه ؟؟؟؟ و اللبس اللىبشتريه دا كده ترفيه .... طب ايه بقى الاساسيات عند سعتك
و حضرتك 60 جنيه فى الشهر انا كان ابن خالى بياخدهم برضو لما كان فى الجامعه الكلام ده من 10 سنين مش معقول بعد 10 سنين هاخد مصروف 60 جنيه هههه دول ميكفوش حق الميكروباص دول الشهر

المشاركة الأصلية كتبت بواسطة ahmed a.maksoud

مين اللي قال لحضرتك ان الحكومة بتصرف من جيب الشعب ؟

الحكومة هنا ليها مصادر دخل تانية زي البترول و السياحة ........سياحة التسوق بصفة رئيسية

الحكومة هنا مش بتاخد من مواطنيها حاجة تقريبا
مفيش ضرائب
الجمارك مش فاكر ٢ و لا ٥٪ على كل المنتجات
تأمين صحي زي. الفل
بتوفر لهم شغل بمرتبات عالية سواء في الحكومة او القطاع الخاص
عاوز يبني بيت ؟ بيطلب ارض و بتتخصص له و بيروح حاجة اسمها برنامج الشيخ زايد للإسكان بي قدم على قرض ب ٥٠٠ الف درهم و بيتوافق عليه.......عمر ما اترفض قرض إسكان لمواطن

ايه اللي بيدفعه المواطن ؟

كهرباء و مياه و غاز و انترنت و تليفون و تجديد العربية و مخالفات
فيه منهم انترنت و المخالفات ممكن ميدفعهمش......الانترنت كماليات ممكن يستغنى عنها و المخالفات يمشي حسب القوانين

و على فكرة المواطنين بيد فعو كهرباء و مياه بأسعار غير الوافدين........اقل طبعا

كون ان الحكومة بتوفر مصاريفها من الوافدين دي حاجة تحسب لصالح الحكومة انها بتدور على موارد بعيد عن جيب المواطن الإماراتي .



حضرتك خريج سنة كام و احنا في سنة كام ؟

شوف ساعتها ال ٦٠ جم كانو بيعملوا ايه و دلوقتي بيعملوا ايه ( مع اعترافي ان المبلغ اللي حضرتك قولته ده فعلا قليل.....مش بنكر كده بس نحسب فرق قيمة العملة برضه )

هقولك على حاجة........انا خريج ٩٩ يعني من ١٢ سنة تقريبا

عارف كنت بدفع تصوير ورق بس كام في الشهر ؟ مش اقل من ١٥ ل ٢٠ جم
لو جعت و انا في الكلية مكنش فيه غير كافيتريا واحدة ساندوتش البطاطس فيها كان ب ٧٥ قرش و لو هامبورجر كان بجنيه

هو ممكن يستغنى عن السجائر و ممكن الطقم يجيبه كل ٤ شهور بدل شهرين........ انا معاك في دول ......بس شايفه يستغنى عن ايه تاني ؟
الكورس اللي بياخده علشان يستفاد ؟
الانترنت اللي ممكن يكون بيحتاجها في دراسته و اللي مفيش حد مش بيستخدمها استخدام عملي حاليا؟
بنزين العربية. اللي رحمته من المواصلات في اغلب الشهر ؟


للاسف فيه حاجات كتير في مصر هي حقوق لينا و اصبحنا بعتبرها رفاهيات.

والله يا باشا انت فعلا عندك حق دا بيقولى الكورس رفهيات
غاوى ان وجع قلب و مشواير و مذاكره و يقولى رفاهيات
لا يا بيه الرفهيات دى لاموخده فى الخياله فى الزمالك ولا سيتى ستار ههههه

المشاركة الأصلية كتبت بواسطة shaddadfalcon1

معاك انها حقوق بس دلوقتي هي رفاهيات

يعني شاب في الكليه يقدر ياكل في بيته ويتعشي في بيته والغداء يبقي حاجه بسيطه
ميشربش سجاير
بدل كورسات يذاكر ويعتمد علي نفسه
بدل لبس كل شهر ولا اتنين يبقي كل سنه - ده انا بشتغل ومش بشتري لبس غير كل سنه او اتنين والحمد لله عندي لبس كتيير
بدل النت اللي ب 100 ولا 200 ممكن يمشي الحال ب 25 جنيه يدخل يذاكر او يدور الي حاجه اللي عايزها
مالواحد كان مقضيها سايبرات :)
بس طبعا ده اللي محتاج
اللي عنده فلوس واهله مريحينه يبقي خير وبركه ومش محتاج يعمل كل ده بس يبقي عارف انه لما يشتغل ممكن ميقدرش يحصل المبلغ اللي بياخده مصروف

الواحد يادوب بصحى و ميلحقش يعمل اى حاجه علشان يروح الجامعه يعنى لازم افطر هناك مش معقول هعد من 9 الى 4 مكولش يعنى دى حاجه
حكايه النت دى بقى 90% من بيوت مصر بقى فيها نت شيى اساسى مش ترفيه
الكورسات بقى يا بيه دى كورسات انجليزى كورسات لغه مش حاجه عندى فى الجامعه باخدلها كورس علشان مش عارف اذاكرها
هجيب لبس كل سنه يعنى هجيب طقم كل سنه الطقم ده هروح بيه الجامعه كل يوم و اروح بيه الكورس و اخروج بيه و اعمل بيه كل حاجه يا راجل دا فى شهرين هيبوش من كتر الغسيل
والله بقى حكايه الشغل و المصروف بقى مش بايدى ان المرتبات هنا تعبانه و الواحد بعد شنين العلم دى كلها و المصارق هقبض 500 جنيه يعنى دى بقى مش مشكلتى انا

المشاركة الأصلية كتبت بواسطة abogharib

الواحد يادوب بصحى و ميلحقش يعمل اى حاجه علشان يروح الجامعه يعنى لازم افطر هناك مش معقول هعد من 9 الى 4 مكولش يعنى دى حاجه
حكايه النت دى بقى 90% من بيوت مصر بقى فيها نت شيى اساسى مش ترفيه
الكورسات بقى يا بيه دى كورسات انجليزى كورسات لغه مش حاجه عندى فى الجامعه باخدلها كورس علشان مش عارف اذاكرها
هجيب لبس كل سنه يعنى هجيب طقم كل سنه الطقم ده هروح بيه الجامعه كل يوم و اروح بيه الكورس و اخروج بيه و اعمل بيه كل حاجه يا راجل دا فى شهرين هيبوش من كتر الغسيل
والله بقى حكايه الشغل و المصروف بقى مش بايدى ان المرتبات هنا تعبانه و الواحد بعد شنين العلم دى كلها و المصارق هقبض 500 جنيه يعنى دى بقى مش مشكلتى انا

انا قلت رايي وقلت اللي معاه يصرف طالما ربنا اداله فمفيش داعي لأسلوب حوار ممكن يضايق حد منك وبلاش كملة يابيه والكلام ده
كلنا كنا في كليات وكنت متغربين عن اهالينا واللي عايز يذاكر هيذاكر من غير كورسات وهيجيب حاجات من علي النت وهيتعلم ببلاش واللي عايز ياخد كورس ياخد واللي عايز ياخد درس ياخد انا مش بدفع من جيبي يعني

تقبلو تحياتي في هذا الموضوع المحترم