ان شاء الله مقدم على شراء كروز 2013 وعندى شوية استفسارات

**hossam_elwani** · 10-01-2013 07:55 PM

المشاركة الأصلية كتبت بواسطة a_m_t

شوف يا حسام دى كام صورة لتصميم الكراسى الى بقولك علية شوفهم بردة وحاول تتخيل المنظر فى دماغك

ودى صورة شبية للستاير الى بقولك عليها بس مش هى

هى بتبقى نفس الفكرة ونفس المنظر دة مع اختلاف ان الى بقولك عليها شفافة يعنى نفس خامة الستاير الكبس كدة واخف منها لانها بتبقى طبقة واحدة

وبتبقى كمان ماسكة نفسها عن كدة وشيييك جدا وهو معروفة وتمنها حوالى 250 جنية الطقم

واية رايك فى الفانوس دة ؟؟

led taillights/lamp assembly for chevrolet cruze,view led tail lamp assembly,eei product details from zhejiang native produce & animal by-products i/e group co., ltd. On alibaba.com

نفس الى انت عاوز تجيبة بس دة الاسبورت بتاعة هيبقى شيك اوى ع لون عربيتك

انا ناوى اجيبة ان شاء الله بس لما اخلص الشغل الى عندى علشان المصاريف كترت

هو ده الشغل الله ينور عليك

تصدق فعلا الفرش الاسود ده جميل جدا فى رسمته

بس مقولتليش هو الستاير ده مخصوصه للكروز بالاسم ولا لاى عربيه وخلاص ؟؟

والف شكر مره تانيه وتالته ورابعه على التعاون والروح الطيبه

**A_M_T** · 11-01-2013 01:30 AM

حبيبى يا حسام دة اقل واجب ومفيش اى كلام من دة بين الاخوات

بالنسبة للستاير يا صديقى كل عربية وليها الستاير بتاعتها يعنى الكروز ليها الستاير بتاعتها بالاسم

شوف بقى الفرش البيج وشياكتة وفخامتة

انا كنت هنفذ التصميم دة عندى فعلا وبعد ما نويت وفكيت فرش الابواب لقيتة معقد جدا جدا فخوفت بصراحة وتراجعت فى كلامى وقلت ودام شوية بعد ما اجيب الفوانيس الخلفية ابقى ادور ع سروحى يكون صح ينفذلى الى فى دماغى

**mido** · 11-01-2013 09:56 AM

هو حضرتك عامل كراسى جلد ؟ انا مركب فرش عايز اشيله و اعمل الكراسى جلد
و كان نفسى اغير لون قماش التابلوه عشان الرمادى الفاتح ده بيتوسخ و مش عارف انضفه ازاى

**A_M_T** · 11-01-2013 10:28 AM

لا انا الكراسى والفرش الفابريكا عندى جلد

ونصيحتى ليك شيل الفرش واعملة تفصيل لان وانا بنضف عربيتى وبفك الكسوة اغسلها اتلاقيتها بوظتلى الفوم بتاع الكراسى لانها مش بتبقى مرتاحة

بالنسبة لموضوع تجليد التابلوة اى سروحى محترم هيعملهولك هو هايف جدا لان القطع دى بتتفك لوحدها وتجيب لون الجلد الى انت عاوزة وتلزقة

وانا حاليا فاكك اجزاء الفبر بتاعة العربية وبجلدها والخطوة الجاية هجلد الجزء الفبر الى فى الابواب من فوق واجلد السطح الفبر بتاع التابلوة بردة

**A_M_T** · 11-01-2013 10:29 AM

لو انت غاوى تشتغل بايديك ممكن تعمل الموضوع دة بنفسك سهل جدا بس عاوز طولة بال

انا من امبارح لحد دلوقتى فى 6 قطع

**mido** · 11-01-2013 02:15 PM

المشاركة الأصلية كتبت بواسطة a_m_t

لو انت غاوى تشتغل بايديك ممكن تعمل الموضوع دة بنفسك سهل جدا بس عاوز طولة بال

انا من امبارح لحد دلوقتى فى 6 قطع

حضرتك فكيت الحتت القماش الى فى التابلوه ؟ ولا حضرتك بتتكلم على عربية تانسة مش كروز ؟

**A_M_T** · 11-01-2013 02:33 PM

انا معايا لاستى هى هى نفس التابلون

بس انا عربيتى اساسا بقولك نازلة جلد فابريكا مش قماش

لو بتسأل اذا كنت فكيت الاجزاء الجلد دى ولا لاء

اة فكيتهم

**mido** · 11-01-2013 02:57 PM

المشاركة الأصلية كتبت بواسطة a_m_t

انا معايا لاستى هى هى نفس التابلون

بس انا عربيتى اساسا بقولك نازلة جلد فابريكا مش قماش

لو بتسأل اذا كنت فكيت الاجزاء الجلد دى ولا لاء

اة فكيتهم

معلش مكونتش واخد بالى :)
انا بفكر افكهم و اركب عليهم جلد بدل القماش بس حاسس ان فكهم صعب و لازم افك العدادات
بالنسبة للابواب اعتقد بتاع الفرش هيعرف يفكهم

**A_M_T** · 11-01-2013 09:01 PM

لالالالالالا عدادات مين مفيش عدادا هتتفك ولا حاجة

فكهم سهل جدااااااااااااااااا هو هيتعلبك لو انت مش عارف اماكن الكليبسات وكدة

لما تنوى انت بس قولى وانا اقولك تعمل اية مفيش 10 دفايق وهتلاقى نفسك فكيتهم

ابوب الفرش كل الحكاية مسمارين مسما ورا الاوكرا ومسمار فى المخدع تفكهم وبعدين تفك بقيت الفرش كليبسات

ومتقلقش لو كليبس انكسرت ولا حاجة كلةمجود وبيتباع

**hossam_elwani** · 14-01-2013 01:29 AM

انا النهارده كنت فى مخازن منصور فى الكيلو 28 صحراوى اسكندريه عشان اشوف الالوان على الطبيعه واقارن والحمد لله استقريت على الفضى زى ما كنت

وعلى فكره اتضح ان اللون الداخلى للصالون فيه منه لونين سيلفر و بلو (المقصود هو التابلوه وفرش الكراسى )

وغير مرتبط بلون العربيه الخارجى بشكل كبير يعنى مثلا شوفت اللون الجديد الخارجى بلو والداخلى بلو وبرضه نفس اللون شوفته من الخارج بلو ومن الدخل سيلفر
السؤال هو الكروز بيبقى عليها البادج الخاص بــ pdi الى هو اختبار الوكيل بعد وصول العربيه المينا ولا لا ؟؟

ولو كان القيه فين فى العربيه ؟؟

تحياتى