الموضوع: الزعيم لصيانة السيارات الألمانية....فتح ورشة جديدة فى صقر قريش

يا حسام بك الشرف كان ليا وانا اخيرا اتشرفت بمقابلتك حضرتك ، انا كان نفسي اشوفك من زمان ، وانا كنت سعيد الحظ انى قابلت الاستاذ / احمد اباظة قبل كده فى المقابلة السابقة فى اكتوبر وشرفت بمعرفته .

والحمد لله انك يا حسام بك تاكدت بنفسك من كل شيء وعرفت حقيقة الامر ، واصل الموضوع وان الحق قد ظهر امامك وبتلقائية شديدة واكتشفت قد اية حرفية الراجل ومهنيته العالية فى شغله وعرفت حقيقة الى حصل بنفسك وبذكاء شديد انا احييك عليه وتاكده من مهاراته ودقته بذكاء حضرتك الشديد فى الحوار والتعامل مع الغير انا بحي حضرتك مرة تانية وعلى اهتمامك البالغ معايا وانا برفع القبعه لذكاء حضرتك ولشخصكم الكريم ، وان شاء الله يكون لينا لقاءات اخرى كتير احنا وكل الناس على خير باذن الله .

فى حفظ الله يا باشا .....................

على فكرة يا شباب احنا كان حظنا مش قد كده لانه فاتنا مقابله ا/ تامر الى معانا فى الموضوع لاننا تقريبا واحنا بنركن هناك كان هو يا دوب مخلص عربيته ومشي وعرفنا انه هو من الزعيم بس كان الراجل مشي ان شاء الله نقابله على خير .

المشاركة الأصلية كتبت بواسطة hossamalsadik

الكلاام ده كتير عليا ياحسين بيه هياالحكايه مش زكاء ده مجرد خبره مش اكتر كمان الواحد كان مركز عشان يتاكد لأن الرأى ده أمانه أدام ربنا والهدف الأساسى هوا أحنا كلنا ( اعضاء ) يعنى المنفعه العامه والى بلاش منه احسن - والحمد الله على كل شيىء ومره عشره أنا عارف يتقلك فى الموضوع ده ربنا يجعله فى ميزان حسناتك .

مش واخد بالى أ/ تامر ميين ؟ ومعنا فى الموضوع مش واخد بالى بردو ؟ تقصد له تقرير وكدا

يا صديقي العزيز ربنا يجازيك خير ان شاء الله على مجهوداتك معايا انا عارف انى تعبك معايا والله ربنا يكرمك ويجازيك كل خير .

ايوة يا باشا له تجربه معانا هنا فى المووضع اسمه تقريبا tamertam فى المنتدى اه تجربه فى الصفحيتن الى فاتوا دول ......

فى حفظ الله يا باشا .

المشاركة الأصلية كتبت بواسطة eraser

يا ا/حسين ربنا ما يجيب زعل ولا ضيق وانا مبسوط انى اتعرفت عليك ده كفاية وبجد الف شكر على اهتمامك ربنا يكرمك و يجازيك خير
بالنسبة للشركة الهندسية دى ماسكها م/هانى عصمت (فرع جسر السويس) و م/محمد سمير (فرع النزهة) وانا كنت بروح جسر السويس وانا ما سبتهمش ولا حاجة انا بس لقيت شوية سلبيات هناك ولما قريت موضوع الزعيم قلت اجربه
خلاصة تقييمى للزعيم راجل محترم وذوق بس انا روحتلوا بمشاكل في العربية وما اتحلتش (الراجل ما بوظش حاجة زى مانتا قولت هو بس غلط في حاجة و صلحها) وانا اتعاملت مع ناس تانية وكنت راضى عن الشغل اكتر من كده بالنسبة لعربيتى انا وانا شايف كل ميكانيكى له ميزة فى حاجات معينة او عربيات معينة
على فكرة انا بقالى اكتر من 6 سنين راكب فولكس جولف 2 و بعد كدا بوينتر (للاسف ) وكنت مسقط حوض كامل للجولف وكنت حاضر الموضوع كله فى الحرفيين وكمان انا بحب اقرا عن الحاجات الفنية بتاعت عربيتى و نصيحة ليك ما تاخدش كلام اى صنايعى ثقة لازم تبص فى الكتالوج او اى مرجع ثقة

يا سيدى الفاضل / انا الى مبسوط والله بمعرفتك ، واهتمامى ده ، ده حاجة الزام عليا لانى طالما انى شايف ان ممكن افيد غيرى انا مش بتاخر ، حتى لو هاجى على حساب نفسي فى امور كتير .

وعموما حصل خير يا باشا احنا عرفنا ان السيور اصلا حضرتك جبتها من عند واحد بتاع شنابر هناك اكيد انت كنت مضطر لده الى اسمه عبد المسيح مش عارف اية مش فاكر اسمه اوى وان السير ما كنش الراجل راضي يركبه من ردائته وقالك انه على مسئوليتك و لما صفر بعد ما ركب قالك خد العربية زي ما هى ووريها للراجل الى جبت منه السير وورهوله وسمعه ان السير بيصفر وان السير كمان نتش وفتل فى خلال اليومين دول ، هنعمل اية بقى فى الناس معدومة الضمير الى بتبيعلنا حاجات مش كويسة .

ولو حضرتك حابب تجيب قطع غيار من المعادى عندك البطل هناك ده كويس جدا ، ولو بتروح ناحية جسر السويس عندك الصفا فى التجنيد برده كويس ، ده غير اننا تنقشنا فى احتمالية تركيب السير مش مظبوط وقلنا ان السير مل لوش غير ناحية واحده بس الى مضلعه الى بتبات على الطنابير الى هى الناحية الداخليه ومالهاش غير عدلة واحدة وبس ، وانا كان نفسي تبقى رايحله اصلا من البداية علشان تصلح الاعطال الى كانت فى عربيتك الى انت رايحله بيها من البداية ، لان اعمال الصيانة الى اتعملت مالهاش علاقة نهائي بأعطال عربيتك الى انت رايحله بيها ، وماكنتش تبقى زيارة صيانات ، والا كان ظبطها لانى انا معايا اخت عربيتك بالضبط وموديل 2006 بس بتاعه قريبي وعربية نمرة واحد .

ربنا يكرمك انت وقريبي ده وتخلصوا من العربية المقرفه ده لانها بجد عربية زبالة اوى ، انا كل ما كنت اخد ابن خالتى بعربيته لحد بتاع قطع غيار ويسالة على حاجة وعلشان الناس عارفانى من تعاملى معاهم دايما بيقولى لى لو يهمك قله يبعها (وللاسف جابها بمبلغ عظيم على سعرها ) و هو بيبقى هيموت من الكلام الى بيسمعه عنها لحد ما ربنا كرمة بحادثه وعرف انها عربية زبالة من اسعار الصاج بتعتها وفى موضوع انا عامله على الصاج واسعاره ، ده غير ان السير بتاع المجموعه بتعها متعدل لان البيه الى قبله غير كمبروسور التكييف بواحد مش بتاع العربية وعدل مقاس السير واديه دايخ عمال يلف على مقاس السير الى كانا لمالك الى قبله معدله ومش لاقيه للاسف ، وكده هيضطر يجيبه من محل سيور عادة بقى مش اوريجنال .

ونصيحتك مقبولة طبعا وده بالفعل الى انا بعمله انا يثق فى الراجل الى بتعامل معاه ثقه عمياء ده غير ان حضراتكم والمنتدى بقى عموما انتم الكتالوج بتاعى والمرجع الاصلى ليا فى كل امور السيارة .

عموما والله يا اخى الكريم انا احبك فى الله ، واتمنى لك كل التوفيق والخير فى كل امورك وانا سعيد ان الموضوع عرفنى على شخصية زي حضرتك ده من حسن حظى والله العظيم ، يلا يا باشا اسيبك بقى فى امان الله وحفظه .