الموضوع: الزعيم لصيانة السيارات الألمانية....فتح ورشة جديدة فى صقر قريش

المشاركة الأصلية كتبت بواسطة egman

يا باشا العفو لا شكر على واجب يا باشا ، الحمد لله يا باشا انك عرفت تغير الكوبلن وجبت المناسب للعربية ، انا كنت حاسس ان الراجل طالما انه تاجر كبير مش هيوقلك على حاجة ، الى زيه كده برده اسمه حسن طيره ده برده ناس محترمة اوى ، وعلى فكره انا برده قدامى حوالى 800 كيلو على تغيير الزيت ممكن نبقى نظبط ان شاء الله ونتقابل عنده سوى لو تحب يا باشا ؟

طبعا احب ياباشا اشوفك دانا اتشرف كمان وممكن حضرتك تبعتلى رقمك على الخاص ونظبط مع بعض ان شاء الله

المشاركة الأصلية كتبت بواسطة wael elsayed

طبيا جدعان انا هشترى عربيه اودى a3 موديل 2000 وعايز رقم الزعيم عشان يكشفلى على العربيه درورى لو سمحتو

مبروك يا باشا مقدما على العربية وان شاء الله ربنا يكرمك ويبارلك فيها باذن الله تعالى ، ان شاء الله محمد الزعيم يكشفلك عليها تمام التمام من كل انلواحى سمكرة وعفشة وميكانيكي ولو فى زجاج فيها مش بتعها هيقولك عليه ولو حاجة متغيرة فى الحوض بتعها هيقولك ده متغيره وده مش اصلى ، الى بيعمله بالضبط بتوديله العربةي ويدي لحضرتك ورقة وقلم ويقولك خليك معايا ويفضل يميلك ويقولك على حاجات ، وبيقدرلك الحاجت الى فى العربية والحاجت الى هتبقى محتاجها ويعرفك تمنها تعمل فى حدود كام ، ده طبعا غير الدقة فى الكشف الى هيفصص فيها كل حاجة ، انا شوفته قبل كده وهو بيكشف على عربيات بتتباع بيخلى صاحب العربية يبقى واقف قلقان من كتر التدقيق في كل حاجة ، بس اعتقد ان كشف الشراء بتاع العربية مش هيندرج تحت بند الكشف المجاني اعتقد كده والله اعلم حضرتك ممكن تبقى تساله بنفسك على الموضوع ده ، وانت بتكلمه تساله عن التكلفه علشان تبقى عارف هيكون نظامه اية فى الموضوع ده لانى ما اعرفش بصراحه هو بياخد كام فى العملية ده .
التليفون والعنوان هبعتهم لحضرتك على الخاص ان شاء الله ، ويا ريت حضرتك تبقى تقولنا عملت عنده اية باذن الله .

المشاركة الأصلية كتبت بواسطة abaza2107

طبعا احب ياباشا اشوفك دانا اتشرف كمان وممكن حضرتك تبعتلى رقمك على الخاص ونظبط مع بعض ان شاء الله

يا باشا الشرف ليا انا وتم ارسال رقمى على الخاص لحضرتك ومنتظر رقم حضرتك على الخاص لو تكرمت.

انا هبعت لحضرتك الرقم على الخاص

اوك يا باشا هبعتلك التفاصيل اول ما اروح ، بس كارفور الى انا اقصده فى العنوان الى هو على الدائري اتجاة المعادى معرفش بقى الشارع الى هو فيه ده اية ............. هو ده الى حضرتك تقصده ؟