الموضوع: الزعيم لصيانة السيارات الألمانية....فتح ورشة جديدة فى صقر قريش

احب اشكر جدا استاذ حسين على المساعدة اللى بيقدمها
انا اسف انى مكتبتش تجربتى اول ما قبلت الزعيم لانى والله مشغول جدا جدا (برمجة وارف)
قبل اى شئ انا جديد لانج على العربيات بشكل عامة وجديد برده على السواقة وجبت ابيزا 94 ماتور 1600 سى سى 98 وده لانها صغيرة بتعجبنى الصغيرة وحلوة فى الركانات خاصة منطقة زى المهندسين وقرايت عنها لاقتها المانى وعجبانى بصراحة. عربيتى فيها اكتر من حاجة الفرامل مش عجبنى بيقولوا عليها محجرة و عايز مساعد يمين امامى وبعدها الدريكسون تقل وكمان عايزة صيانة شاملة لانها كانت مع حد مهمل بالاضافة انها بتقطع والناس قالت لان الكرابريدر عايز يتنظف
المهم انا قابلت الزعيم الجمعة 5 ابريل بصراحة الراجل مقابلته حلوة مفيش كلام بيجرب العربية كويس بنفسه وبعدين قالى انت عايز الصح مع العربية ولا تلم الليلة انا اخترت الصح لانى قلت عايز اخلص مرة واحد قالى عايزين مساعدين امامى و قاعدة ماتور وعلية دريكسيون و ترميت بنزين كله استيراد من الحرفين ولو حابب ان انزل معاك ماشى وقالى انه بياخد مقابل ده انا اخترت انه ينزل لانى مش بفهم حاجة فى العربيات ومش بحب افاصل وكمان كلمكم عنه وانا اصلا معرفش الحرفين فين.
مشيت من عنده بصراحة مشربتش اى حاجة وده اكيد مش مهم المهم العربية وكمان محطش معطره والله مافرق لانى حاطط برده المهم العربية واعتقد انه هياخد تمن الكشف عشان النهارده مش السبت وما اخدتش ولا مليم واتفق على يوم السبت نجيب الحاجة
للاسف السبت كان بنتى تعبانة اتصلت بيه واعتذرت والسبت اللى بعده هو كان مشغول ونزلنا يوم الاتنين 22 ابريل قالى الساعة 12 عند حديقة بدر وجه الساعة 1 واعتذر لى اول ماشفنى
روحنا جبنا قاعدة ماتور وترمبت بنزين واربع مساعدين امامى وخلفى ودشم خلفى واعتقد علبة دريكسون بس هما كانوا قالوا عليها اسم تانى و جوز مساعدين لباب الشنطة ودفعت 1650 بالاكرامية بتاعت الناس
بصراحة انا لو كنت من غير الزعيم كنت لبست حوالى الف جنيه زيادة ومكنتش هنقى الحاجة لانى مش فاهم

روحنا على الورشة كان عنده شغل بصراحة لكنه كان بيفضيلى وقت عشان يشتغل فى عربيتى بنفسه
وحصل الراجل واحلى حاجة انه فاهم كل حاجة فين فى العربية مش مبتدئ بيدور على طرمبت البنزبن
طلع عايزين بطحات والدشو الخلفى مش عجباه وقالى انه هيروح هو يغيرهم من الحرفين قلت له ماشى
العربية ككفاة مزادتش وهو اعترف بكده وقال انه ممكن يكون الكنترول بتاعه مش بتاع 1600 سى سى
والعربية عايز تظبط كهرباء وكمان الدريكسون بقى لما تلفه على الاخر العربية تبطل فقال انه ده عشان العربية اتطبعت على الوساخة ولما نظفت عايزة تاخد لها يومين عشان تطبع على النظافة
وقالى دوسى بيها اليومين الجايين ولما تيجى نركب البطحات واويسهات وسير الدينمو تقولى ايه اللى حصل معاك

تققيمى انه حد مخترم وده نادر الايام دى . انسط جدا من مشوار الحرفيين لانى طالع موفى من العملية دى رغم ان الاسعار غلية . بس تققيمى لشغله فى العربية اعتقد انى هظلمه لو حكمت عليه دلوقتى . استنى لما اروح يوم السبت و كمان شربنى اتنين حاجة سقعة عوضا عن المرة اللى فاتت

ارجو من السادة القرأيين لو حد عنده رأى فى اللى حصل ياريت يقوله عشان الكل يستفاد من اللى حصل ولو عايزين تعرفه المصنعية وده مسموح بيه انا معنديش مانع

وشكرا

المشاركة الأصلية كتبت بواسطة egman

ياباشا لا شكر على واجب انت تامر .

انا الى زعلانك والله ان حظك سيء اوى كده بوجيهات مش عارف يركبها وفلتر هوا وزيت مش عارف يركبهم وفلتر بنزين مستحيل مستحيل مستحيل انا طبعا مصدق حضرتك لكن فى الامور ده مستحيل ابدا ، يا راجل ده اى عيل فى اى بنزينة بيعرف يغيرهم (هو حضرتك رجعتله 3 مرات علشان الحاجات ده ولا 3 مرات وكل مرة بحاجة جديدة وفى ال3 مرات المصنعيه كانت غالية بتاعته في تركيب الحاجات ده ) ، اعضاء كتير ومنهم انا بعرف اغير بعض من الحاجات ده من اول مرة ومش برجع لاى حد فيهم ،اما موضوع بيضيع وقت كتير اوى يا ريت لو حضرتك لقيت صنايعي تروحله ويخصلك فى ساعه واحده بس يا ريت تقولى عليه ، هى البيونتر عربية رخمه اوى كده بس اعتقد مش للدرجة ده خاصة ان ابن خالتى معاه بيونتر 2006 الشكل الجديد ما بيعملش شغله الا هناك ، الموضوع ده غريب جدا والله انا وكتير من الاعضاء شافوا عنده باسات واودى وعربيتنا وجولفات وفابيا بيتسقطلها مواتير وبتتعمر وكل حاجة وتعديلات بتحصل قدام الواحد خصوصا الفابيا ان العربيةده 3 سلندر بس ده اصلها ومعظم مالكى العربية ده بيسقط الــ 4 سلندر علشان حاجات كتير انا شوفتها هناك بتتعمر والعربية ده اتعملت تقسيمتها بره واتعملها حاجة اسمها اسبيشال بيظبوطا عليه التقسيمة لان المكنه بتعتها ما كنش فيها اى حاجة يتظبط منها التقسيمة لان الموتور بتعها كان معكوك قبل كده و انا فاكر ان العربية ده دارت من اول لفت مفتاح ، غريبة اوى صيانة سيور وبوجيهات وفلاتر وترجع عليهم تانى ، كان حق حضرتك كلمتنى وانا كنت اشوف اية الى حصل ده وازاى كده .

اما بخصوص المصنعيه انا باكد على كل عضو بيحب انه يجرب المكان انه يتفق قبل ما يشتغل ما عجبهوش الكلام ولا اكنه سمع عن الموضوع ولا يروح هناك اصلا وكل رسالة خاصه انا بعتها لكل عضو طلب موبيلات الراجل انا كنت باكد على 3 حاجات :

- ما يجبش سيره عرض خالص ويقول جبت رقمك من على الانترنت وبس .
- ان يتفق على المصنعيه قبل الشغل زي اى حاجة اى حد بيشتريها فى حياته .
- ان ينقل راية بامانه شديدة علشان الناس تقيم الموضوع .

وانا عندى نسخ من كل الرسائل الى ببعتها للاعضاء وفيها الاجزاء الى بوضحها بعالية .

لان انا شخصيا بعمل كده مكن ما اكنش عامل حسابي على الحساب وباجل امور كتير ، اكيد ما حدش بياخد حاجة غصب عن حد او حضرتك ما اتفقتش معاه على مصنعيه الشغل .

اما موضوع عدم استفادتك من العرض :

اولا :
ده مش عرض لان الكلمة ده فى المنتدى ليها قواعدها واجراءتها الى بتحكمها .

ثانيا :
اكيد حضرتك لما رحت الراجل جابلك حاجة ساقعه او شاى وانت ماشي فى الاخر حطلك معطر فى العربية زي ما كان قايلى وبيعمل والناس فى الموضوع هنا والناس لما رجعت قالت الكلام ده واكيد وده الاكيد برده ان ما اخدش منك اى فلوس لو كان كل الى حصل هناك والى حضرتك عملته فى العربية زي الحاجات الى مذكورة فى اول الموضوع ومتحددة ، حضرتك ممكن تراجع كل كلمة فى الموضوع .

ثالثا ً :
انا كان نفسي فعلا فى راى مخالف زي راى حضرتك علشان يبان حيادية في الموضوع .

رابعا ً وده الاهم :

فى واحد تانى حضرتك ممكن تجربه زي سيد عبده الى فى التجنيد اسطورة بس لو بتتضايق من المواعيد وتضييع الوقت بلاشه لانه ممكن يدي مواعيد بالاسبوع على ما تروحله وتروحله ويروحك تانى انا مسميه مجدى يعقوب من اهميته لانه مش بيتكلم مع حد ، وفى كمان فى المعادى واحد هناك برده اسطورة هبقى اجبلك اسمه لو تحب ورقمه وناس كتير من المعادى ممكن تبقى عارفاه كويس ، وفى كمان ميكانيكي فى الهرم تقريبا الى ا / سيد بيتعامل معاه حضرتك ممكن تاخد بياناته منه والراجل برده مش هيتاخر عليك فوق ما تتصور ، وى واحد برده فى شارع الاربعين كويس لو تحب ابعتلى وانا اقولك بياناته .

لا تستغرب يا اخى انا العربية بتاعه الفئة بتعتنا ده خليتنى اعمل دكتوراه فى اماكن الورش والميكانيكية وعنواينهم ههههههه .

وانا مكسوف من حضرتك والله بس كان نفسي تكلمنى ولا حاجة .


ناس كتير اوى وهى بتقرا هتقول طب وانت محموق اوى كده ليه فى قرارة نفسه لانى فعلا مضايق جدا :
بمنتهى البساطه ان الموضوع ده انا عامله على ذمتى الشخصيه وازعل لو اى حد زعل من الاعضاء وانا على ثقه لو حضرتك حبيت تسترد اى مصنعيه وكمان لو كنت جبت اى قطعه غيار عايز ترجعها او تاخد فلوسها انا مستعد اخليه يعمل كده .

طبعا ناس برده هتقول وانت متاكد اوى كده ازاى :

اقولهم لانى بتعامل مع الراجل من اكتر من 3 سنين تقريبا انا مش فاكر جبت عربيتى امتى والله بالضبط ، وصلت معاه لاننا بقين اصحاب وعارف كويس وبشوف وشوفت كتير اوى عنده عربيات بيتعمل فيها الى ما حدش بيعرف يعمله عن جدارة وناس بتبقى جايبة عربيتها من ناس مشهورين جدا وبيكملوا الشغل عنده ، بس معقوله بوجيهات وسيور وفلاتر وزيت معقوله يا ريت حد من الى جرب الورشة يقول ممكن الزعيم ما يكونش بيعرف يعمل الحاجات ده .................................................. ....


انا رغيت كتير انا عارف بس انا مضايق علشان حضرتك جدا جدا جدا .

ا/حسين
اولا بلاش تتحمق اوى كده براحة على نفسك انا خايف عليك
ثانيا للاسف انا ما بيكونش عندى وقت اكتب كلام كتير بس انا هرود عليك باختصار
انا كان قصدى ان كل مرة لازم يكون فيه حاجة واحدة مش مضبوطة (حلو كدة ؟)

اول مرة اشتغل فيها غيرت سيور و فلاتر و بوجيهات و ظبت الكهرباء و نضفت البوابةو بعد ما خلص كانت العربية بتسقف وRPM الموتور بيعلى و يوطى ودى عيوب عندى من الاول و انا ماشى كلمتو قالى استنى كام يوم وهما هيبقوا تمام و بعد ما وصلت قلت اجرب لفة واشغل التكييف لقيس السير بيصفر جااااااااااااامد
يومها كان عايز 250 ج بعد فصال دفعت 200 و قولتلوا اني تبع أ/حسين و النت زي ما قولتلى

روحتلوا بعدها بكام يوم عشان كان عندى شغل والعربية كانت مركونة قام فك سير الدينامو و التكييف وركبوا على عدلة تانية !! وكنت متفق معا يومها نغير زيت الفتيس عشان عند ى عضة و كلمتوا قبلها رتبت معاه و لما رحت عدل السير زى ما قولت و اعتذرلى عن موضوع زيت الفتيس و كمان وصل العربية عالكمبيوتر ما كانش فيه errors وما دفعتش حاجة

المرة التالتة روحت غيرت زيت الفتيس و كانت الكهربا و RPM الوتور لسة مش تمام بعد ما مشيت بالعربية شوية زي ما قاللى قعد يظبط و طلعنا جربنا كانت احسن شوية و قالى ان عندى مشكلة فى البوابة و دفعت 80 ج بردوا بعد الفصال عشان الزيت و الكهربا بس الكهربا دى كانت بقيت شغل المرة الى فاتت

بالنسبة للمصنعيات انا مش عايزها تانى و لا حاجة لما بقول انها غالية ده اسمه نقد انا كنت نتعامل مع م/هانى عصمت ده اغلى منه بكتير كمان انا ما اشترتش من الزعيم حاجة اطمن

فى النهاية راجع اللى انا كاتبه هتلاقينى قولت ان الزعيم محترم جدا و مريح فى التعامل و قولت بردو انى ما اقدرش احكم عليه فنيا انا بس بنقل تجربتى و قولت انها مش مقياس