آخر مرة الصفيحة 20 لتر عملت 163 كم ... وكانت العربية بتسقف وكان معظم الطريق طوالى علشان كنت رايح اسكندرية
دلوقتى أول حساب للاستهلاك بعد ضبط التاكيهات وضبط الكهرباء وانتهاء التسقيف ... على مشاويرى الداخلية القصيرة اليومية ياعنى فى اليوم بعمل حوالى 15 كم وايام تانية العربية بتكون مركونة
المهم صعقت لما لاقيت الاستهلاك عالى جداً الصفيحة 20 لتر عملت 105 كم فقط !!!
وبعدين بقى فى الشغلانة المهببه ديه !!!
على العموم انا ركبت سلوك البوجيهات الجديدة
ورجعت البوجيهات المشكوك فى امرها وسايب البوجيهات اللى فى العربية شوية
حسيت بتحسن فى سرعة الدوارة لما بتكون العربية باردة
كانت احيانا بتدور من تانى أو تالت لقطة وكنت بدوس بنزين علشان تدور
دلوقتى لما جيت اددورها الصبح دارت من أول لقطة وبدون ما المس دواسة البنزين
وكمان فى الفترة الأخيرة العربية لما بتكون باردة واكبس بنزين كانت زى ما بتكون قطعت النفس وفرملت وبعدين سحبت ... أنا قولت فى بالى اكيد بوجيهات ... لما غيرت السلوك الحركة ديه اختفت
كمان شيلت فلتر الهواء الى يعتبر زيرووووووو فى العربية وغسلت الفلتر القديم الاصلى بتاعها ورجعته تانى
إما نشوف اخرتها ايه
المفضلات