الموضوع: عايز حل معايا قشقاي و فيها مشاكل كتيرة

السلام عليكم
انا محمد مالك لسيارة نيسان قشقاي موديل ٢٠١٢ أستلمتها شهر ٧ العربية عامل بيها لحد كتابة الموضوع ده ٢٣،٦٧٩

العربية ممتازة في كل حاجة ماعدا الطنابير و التيل الامامي انا مغير لها الطنابير مرتين مره عند ال١٠،٠٠٠ (في نيسان اوتو ايجيبت) علي الضمان و التيل غيرته ب٥٠٠ جنيه و قلولي في التوكيل أكيد بتغسلها كتير قمت يا جماعة لاغي بند الغسيل من حسباتي و اكتفيت بالهوفر فقط من الداخل لحد دلوقتي
عملت ٢٠٠٠٠ و جابت طنابير تاني و غيروها تاني علي الضمان و مغيرتش تيل قلولي كويس

دلوقتي بعد ٣٠٠٠ كيلو بعد تغير الطنابير لسا عاملة رعشة الفرامل و شكلها هاتجيب طنابير تاني رحت اوتو ايجيبت و قلتلهم علي المشكلة قلولي ( دي طريقة سواقة و إحنا ملناش دعوي عندك مصنع نيسان نمرتهم اهه و اداني ورقة مكتوب فيها رقمين رقم ليهم و المصنع)

نيست ققولكم ان العربية جابت شداد فتيس و مش علي الضمان
انا بجد عايز اعرف انا عربيتي لوحدي الي بيحصل فيها كده و لا ايه؟
عامل شكوي في مشكلاتي الي في العربية عند نيسان المصنع و لحد دلوقتي مافيش رد
انا عايز نصيحة اعمل ايه

عربية تغير مرتين طنابير و تيل و تجيب شداد فتيس و هيه لسه معملتش 25 الف على بعض دى عربيه فيها عيب تصميم و اشتكى فى حماية المستهلك

و هو ايه شداد الفتيس ده عشان معرفوش بس برضه ميبوظش بعد 6 شهور استخدام
ده الصينى مبيعملهاش

المشاركة الأصلية كتبت بواسطة darkmagician

حضرتك لو كان في عيب في الطنابير مكانتش حصلت تاني بعد ما غيرها واذا كنت قصدك عيب عام فعندك عدد للا باس به عدوا ارقام كبيرة ومحصلش معاهم حاجة

ان شاء الله خير

انا مش قصدى عيب عام فى السيارات
انا قصدى عيب فى سيارته هوه
لان حتى لو رجله تقيلة على الفرامل التيل الاصلى ميخلصش على 10 ابدا باى حال من الاحوال
عندى التيل المضروب قاعد 15 الف و لسه فيه كمان
و الاصلى بيقعد 50 الف مستريح و بتاع الفابريكة ده اتغير للعربية بعد زمن و العربية كورى و تجميع مصرى كمان

+ مفيش عربية بتجيب شداد فتيس على الكيلو القليل ده

فى حاجة فى العربية غلط و ده مش عيب اى صناعه فيها نسبة خطأ لان ده عمل بشرى
بس الغلط ان الناس متعترفش بكده و يحملوا العميل التمن ده

و القاشقاى عربية متميزه جدا و انا عارف ده و شوفتها و قعدت جواها و شوفت تقفيلها و خاماتها بس برضه مفيش عربية صينى حتى بتغير طنابير مرتين فى اول 20 الف كيلو و تيل مره

المشاركة الأصلية كتبت بواسطة darkmagician

انا فاهم كلامك يا فندم وحبيت ارد على كل النقاط
وعشان كده سالت هل شداد الفتيس ليه علاقة بالفرامل لان في نوع من الشك فيه
وخد بالك لو سواقتك عنيفة يعني بتجري وتدوس فرامل جامد ممكن التيل يتاكل منك في اقل من 10000
عندي صديقي معاه بيجو 307 وهو سواقتو ماشاء الله بعد 20 الف كيلو التيل على الصاجة ومن ال 15 الف والتوكيل بينبهو ان التيل على الاخر
وجرب حضرتك لو مستغني عن تيل
وبالتالي فلو سواقتك عنيفة ممكن التيل يحصل فيه ما يسمى يقزز يعني يبقى حجر ويبدا ياكل في الطنابير لان الحرارة العالية تسببت في حرق الكاوتش وتحوله لمادة صلبة
فبدل ما يكون التااكل في التيل يبقى التااكل في الطنبورة ودي روح لاي ميكانيكي وقولو يعني ايه التيل يقزز حيقولك تقريبا نفس كلامي
وكلامي ده ما هو الا تنبيه للاخ عشان ميروحش يعمل شكوى وفي الاخر يطلع المشكلة من عندو

فلازم نفكر معاه ايه ممكن يكون هو بيعملو غلط مكانش يبقى في مشكلة عندو ويتوكل على الله في التصعيد

وسعيد جدا بمشاركتك :)

ربنا يخليك و معلش استحملنى

شداد الفتيس ده مفتكرش انه له دعوه بالفرامل ممكن يكون زى شداد الماتور بس فى الفتيس مفتيش فيها دى بس مفتكرش انه له دعوه بالفرامل

و فى الوقت الحالى انا سواقتى معظم الوقت عنيفة بجرى و بدوس فرامل جامد و على تيل مش اصلى و بقاله حاليا 15 الف فمش طبيعى ان التيل يتغير بالسرعه دى و بافتراض انه مغير التيل و الطنابير عشان السواقه غلط و التيل بوظ الطنابير
فالمره التانية الى غير فيها الطنبوره قالوله التيل كويس مش محتاج يتغير هنا بقى الطنابير باظت تانى ليه مهو لو التيل باظ كان اتغير و لو هو السبب كان اتغير برضه

شداد الفتيس بقى ده الى مش طبيعى انه يبوظ فى المده القليلة دى
لان الكاوتش ده بيبوظ مع الاستعمال الكتير و مع الوقت و الحرارة

اعتقد ان العربية دى بتسافر كتير - مفيش حد هيمشى فى البلد 150 كيلو كل يوم تقريبا

و ياريت صاحب العربية يوضحلنا طريقة سواقته و الطرق الى بيمشى فيها