الموضوع: عايز حل معايا قشقاي و فيها مشاكل كتيرة

المشاركة الأصلية كتبت بواسطة darkmagician

استاذ محمد طريقة السواقة ممكن تكون سبب اكتر من المية لان لو الديسك معرض لحرارة عالية وبرودة ثم حرارة وبرودة فابسط مبداىء التمدد والانكماش تقضي عليه وتكون الريجة ودي بتكون في حالة السواقة الرياضية اللي هي اجري دوس فرامل اجري دوس فرامل
بص على الصورة دي


بغض النظر عن الشرار اللي طالع من الديسك شايفين لون الديسك عامل ازاي تخيل ان الديسك بعد مشوار محترم بيبقى منظرو قريب من كده

عشان كده تم اختراع ديسكات مفرغة عشان متوصلش للسخونة وتبرد فجاة طول ما انت ماشي فهي بتبرد وصورتها كالتالي

وده البروفايل بتاع السخونة بتاعها بيبين ان كل منطقة ليها معامل انتقال حراري خاص بيها وبالتالي بيقلل الضفط على الديسك بتقسيمها



طبعا في شركات متخصصة في الانواع دي زي tarox وممكن تعملوا عنها سيرش

طبعا كلامي شرح يعني ايه اسلوب السواقة ممكن يضيع الطنبورة فاسلوب السوقة مع شوية عوامل جوية سواء مية او كده ممكن يكون ليها تاثير
عشان كده اللي معاه عربية جراية دايما بيشتكي من الطنابير بالذات لو هو بيحب الجري اي كان نوعية السيارة وزي ما ذكرت انا اتفاجات بكريسلر مغير طنابير بعد 10 الاف كيلو
دلوقتي كلامي ده ممكن يكون ليه علاقة بالاخ الفاضل صاحب الموضوع وممكن ميكونش ليه علاقة
فلو ملهوش علاقة يبقى عليه انو يخلي التوكيل يعرف ايه السبب ويحلهالو

اخى وصديقى العزيز
طبعا كلامك موثق وحضرتك عارض وشارح الموضوع بأسلوب يكاد يكون علمى بحت و كان ممكن كمان شوية معادلات فيزيقية ههههههههههه
بصراحة انا تهت خالص انا مش قدك يا بشمهندس أسامة والله الكلام ده كبير علي قوى - انا كنت علمى علوم بس الكلام ده كان من زمان
وعلى كلا تقريبا احنا إلتقينا فى نقطة واحدة وهى سخونة ثم بروده بس إللى انا أفهمه لازم التبريد يكون سريع يعنى بشكل مش طبيعى زى سكب الماء بطريقة مباشرة الموضوع ده ممكن يعمل اعوجاج او شرخ كمان وهوده قصدى من البداية
ولاكن وجهة نظرى المتواضعة ان الطنابير مصممة على انها تتحمل درجة حرارة عالية وفى حالة تركها لتبرد بشكل طبعيى مش من المفترض ان يحصل لها أى ضرر يذكر

المشاركة الأصلية كتبت بواسطة youssef.awad

يا استاذ محمد ..
لما يكون صاحب المشكلة غير طنابير مرة واحدة فى عمر العربية .. ساعتها كانت الردود هاتتقسم بين عيب عربية وصانع وعيب سواقة
انما لما تكون غيرت تيل وطنابير مرتين كل مرة على 20 الف كم وداخلة على مرة ثالثة وكل مرة يركبلها الاوريجنال من التوكيل يعنى مش مضروب من السوق يبقى اكيد احتمالية سوء الحظ او اسلوب السواقة هو السبب

لأن الموضوع لو كان فعلا عيب صناعة او خامات كان ظهر وشوفناه وسمعنا عنه فى المليون عربية قاشقاى اللى اتصنعت على مدار 7 سنين وبتجرى فى شوارع وطرق كل بلاد العالم مش مصر ام الدنيا اللى هايظهر فيها عيب ما ظهر فى بلد تانية !!!

ومعلومة كمان القاشقاى كلها خارجة من مصنع واحد وكل الاسواق اللى نزلت فيها بنفس درجة جودة الخامات مش زى ماركات تانية بتخرج من نفس خط الانتاج كذا باتش حسب البلد اللى رايحالها !!!

أخيرا .. لو هانقارن بين نيسان وغيرها فى كفاءة تيل الفرامل انا خير مثال على ذلك وهى هى نفس رجلى ونفس اسلوب السواقة ولا بتاع جرى ولا غيره ويوم ما بافرمل اللى راكب معايا ما بيحسش انى فرملت اساسا ورجلى خفيفة عالاخر ..
معايا صنى فى مصر عاملة 70 الف كم لحد دلوقت ما شاء الله بدون تغيير تيل الفرامل الامامى الهيتاشى الاصلى اليابانى بتاع الزيرو
ومعايا سبورتاج عاملة 22222 كم لحد دلوقت والتيل بيصفر من اول ال10 الاف كم والمفروض كنت اغيره فى صيانة ال20 الف كم لكن لقيت فيه كمان 2 مللى يمشونى لل25 الف كم ان شاء الله ومش بعيد اخرط الطنابير كمان لما اغيره !!!

ازيك يادكتور / يوسف
على فكرة انا لم اذكر على الٌإطلاق فى كلامى ان ممكن يكون الموضوع عيب صناعة أو خامات
ولم إدخل فى أى مقارنة وياريت حضرتك ترجع لكلامى لتتأكد من ذلك
وكل ما أكدت عليه فى كلامى ان فيه عامل خارجى زى المياه تأثيرها قوى على الطنابير
والراجل قال فى سياق حديثه ان عنده 35 سنة وبيسوق من 16 سنة علشان كده لازم ابعد عن فكرة عيب سواقة