تسلم يا باشا مجهود عالى جدا
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
بسم الله الرحمن الرحيم
السلام عليكم و رحمة الله و بركاته
بسم الله الرحمن الرحيم
السلام عليكم و رحمة الله و بركاته
بعد غياب طويل اقدملكم جزء جديد من سلسلة تعالوا نعرف :)
http://www.nilemotors.net/Nile/252145-a.html
ناس كتيير كانوا في انتظار موضوع تحسين عزل السيارة بعد متابعة الموضوع التالي
(الموضوع النهائي في تحسين عازل الصوت و الحرارة في السيارة)http://www.nilemotors.net/Nile/320377-a.html
( ده كان موضوع مهبب ... انت اتنيلت شرفت بدأنا الهم )
و ادي ضميري ضلم الموضوع عشان الناس اللي كانوا بيسألوا عليه اهو جالكم
المهم خلونا في موضوعنا اخيرا تم بحمد الله شراء المواد و تغيير ارضية السيارة بفرش جلد بدلا من الموكيت بالاضافة لزيادة عزل الصوت و يعتبر حرارة في نفس الوقت
اولا قمت بالنزول للمناصرة و شراء الخامات و هي
جلد الارضية سعره المتر 25 ج عرض 148 سم تم شراء 2 متر ( مع العلم اني جبت خامة طرية جداا عشان متقرفنيش في التقطيع و في فرشها في الأرضية )
لباد شعر سماكة 5 ملم سعره المتر 15 ج عرض 2 متر تم شراء 2 متر
كيلو و نص غراء سعره 9 ف 3 = 27 ج و يا ريتهم كفوا هههههههه ( هقول ايه فاشل كيلو و نص مش مكفينك .... يا عم هي لحمة مكنت تورينا شطارتك و انت قاعد تلف حوالين نفسك عشان تلزقها )
اضغط هنا لمشاهدة الصورة بالحجم الطبيعي.
بالاضافة للادوات المستخدمة للفك و التركيب و التقطيع
و هي بيبة و مفتاح مقاس 15 و تفرق من عربية لاخري
مفك
مقص - كاتر
و اهم الادوات التي شيرت النص كوم في عز الشتا و البنطلون الجينز ذات مقاس مليون لارج للتحرك بحرية كاني بصطاد من فوق المركب و الشبشب المرعب قاهر الرمال الطريف ان اليوم ده كان الاسبوع اللي فات لما قلبت امطار و برق و رعد و رياح و كانت الكراسي و الكنبة في الشارع و شربوا احلي شرب لما اتسطلوا هههههههه
(ادينا اتروقنا في عز السقعة و المطرة ... اتكلم عن نفسك ده احلي شغل و انت غرقان D: )
بداية الموضوع اني طول الوقت حاسس ان الموتور في الصالون جوة و اي نقرة او فتحة في الارض بحس انها بترزع العربية كلها و طبعا مفيش عزل و الموكيت راكب ع الصاج و يا ريتهم مكملينه للتابلوه و للأسف ظلمتهم طلع ان التابلوه من ورا نازل لحد تحت ده غير ان مفيش عزل تحت الكبوت
ده غير قرف الموكيت في التنضيف و اتقطع طبعا محدش يبص للقرف اللي انا عامله في العربية ههههههههههه لأني من ساعة ما جبت الخامات و هبدأ شغل شيلت الدواسات و خليت العربية ع موكيتها و بدأت انتقم و اطلع غلي فيه و افرفته برجلي عيند لدرجة اني كنت بتعمد اخد الرمل برجلي جوة ههههههههه و ادي عينة من اللي عملته في العربية ( ده انت مرمتها مبقتش تسوي نكلة ... و انا هخليك متسواش سحتوت مصدي )
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1536x1024.
اولا هنفك الكراسي و الكنبة بس لازم نفك الكونسول اللي في الوسط لأن المسماير تحته و بعدين نشيل بعض الفيبر فوق المسامير زي ما واضح في الصور و طبعا انا كنت في حالة يرثي لها لأني بفتكر اللي قاعد ورا عاملي ايه في فيبر العربية
اضغط هنا لمشاهدة الصورة بالحجم الطبيعي.
اضغط هنا لمشاهدة الصورة بالحجم الطبيعي.
اضغط هنا لمشاهدة الصورة بالحجم الطبيعي.
اضغط هنا لمشاهدة الصورة بالحجم الطبيعي.
اضغط هنا لمشاهدة الصورة بالحجم الطبيعي.
اضغط هنا لمشاهدة الصورة بالحجم الطبيعي.
اضغط هنا لمشاهدة الصورة بالحجم الطبيعي.
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1676x972.
اضغط هنا لمشاهدة الصورة بالحجم الطبيعي.
اول ما شوفت المنظر قولت ما شاء الله العربية حلوة كده ما كانوا شالوا الكراسي و خلوا كرسي السواق مكان الكنبة هههههههههه( ع اساس انك هتطول يا اوزعة ... يعني انت اللي ابو طويلة يا قزم )
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1536x1024.
هنفك الكونسول اللي في الوسط بالكاب هولدر و بعدين الفيبر ع الابواب
ثم نشيل الموكيت و طبعا الصدمة ع البلاوي اللي تحت الموكيت هههههههههه
و بدأت رحلة تنضيف العشة ديه هههههههههه ( ده عشة الفراخ انضف منها ... و انت مالك عربيتي و انا حر و لو مش عاجبك روح نضفها )
اخدت الموكيت القديم و طلعت فردته ع اللباد و الفرش الجلد عشان اقطع مكان المسامير و الفتيس و خلافه و طبعا زودت الطول عشان يوصل لورا التابلوه بدل الذل اللي كانوا بيذلوه ليا بالموكيت القصير و انا نفسي مكملتش اكتر من اللي هم عاملينه طلعت ظالمهم و الاجزاء واصلة لحد تحت ههههههههههههههه
و نزلت فردت اللباد عشان اشوف المقاسات و ديه النتيجة
اضغط هنا لمشاهدة الصورة بالحجم الطبيعي.
طالما طلعت مظبوط اخدت اللباد ع الجلد و ظبط مقاساته
ثم نزلت فرشت اللباد و لزقت من الاطراف ناحية الابواب و تحت الكونسول و الزوايا
و استنيت لحد ما لزق لأن جايب غرا خفيف جداااا يكاد يكون زي الزيت بدل التقيل عشان مينشفش بسرعة و يمسك عشان اي تظبيط و ديه النتيجة النهائية للباد ما شاء الله تحس ان فيه أمل في العربية ديه
اضغط هنا لمشاهدة الصورة بالحجم الطبيعي.
و بعدين جبت الجلد و فردته و فعلا الخامة الطرية ساعدتني في التقطيع و لزق من نفس الاماكن لكن زودت الغرا شوية خاصة تحت الدواسات و بصراحة اتقرفت جداااااا بسبب ان العربية مليانة مطبات و اسلاك و حاجات غريبة اللباد كان اسهل من الجلد تخيلوا !!!
اضغط هنا لمشاهدة الصورة بالحجم الطبيعي.
و الشكل ما شاء الله بقي كده قبل التقفيل و الشد النهائي
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1380x896.
و بدا التقفيل النهائية لتركيب الفيبر و الكراسي و الكنبة ثم باقي الفيبر و ديه النتيجة ورا و قدام
اضغط هنا لمشاهدة الصورة بالحجم الطبيعي.
اضغط هنا لمشاهدة الصورة بالحجم الطبيعي.
تفتكروا خلصنا كده ؟؟؟ اكيد لأ نسيتوا عزل الكبوت لزيادة كتم الصوت ده غير ان البطارية بهدلت الجزء اللي فوقيها في الكبوت و لازم اعزل بدل ما الاقي الكبوت فتافيت فتافيت ( فتافيت السكر هانم ... بس ياض )
ده الكبوت قبل ما اشتغل فيه محدش يركز مع شخبطة القلم الرصاص اللي ع الكبوت أصل ساعتها أغنية شخبط شخابيط كانت شغالة و اندمجت معاها ههههههههههه ( شخبط شخابيط .... بس يا عم الفنان )
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1924x1140.
مش هوجع دماغكم باخد المقاسات لأني اتشقلبت و تم اخذ القياس بوضع ورقة ع كل مكان و تحديده بالقلم و بعدين التقطيع
و قبل بدأ لزق القطع جبت بواقي اللباد اللي اتقطع و حشيت الفراغات اللي تحت العضم و بعدين بدأت لزق كل قطعة علي حدي زي ما انتم شايفين النتيجة و طبعا زي ما شايفين البطارية عملت ايه في الكبوت من تحت
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1856x584.
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1900x840.
و ديه صورة بالنهار لأني ساعتها كنت شغال بليل ع نور كشاف الموبيل و في عز المطرة ههههههه غاوي اقرف نفسي ( فقري طول عمرك ... مهو طول ما انت قاعدلي هتفضل كل حاجة منحوسة )
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1920x760.
كنت لسه هعمل طبقة تانية بس تكون حتة واحدة بس لسه ملقتش الكلبسات المناسبة
طبعا الناس هتسأل ..... طب مفيش مشاكل من وجود اللباد ع البطارية ..... معتقدش ان يكون فيه اي خطر لأن ده عبارة عن فتل و قطن و شوية مواد غريبة لكن منستش اهم حاجة اعملها و هي طبقة ثانية زيادة من الشحم ع قواطيش البطارية و الافيس الواحد برده لازم يكون في السليم و من غير حاجة احنا بنحط الشحم
و الشنطة كانت عزلها جاهز من الأول طبقة حوالي 5 سم مش 5 ملم لباد زي الصوف كده بيكتم طبعا احسن بكتيير و كنت اتمني الاقيه لكن ملقتش منه في اي مكان بالاضافة لطبقة خشب ام دي اف تحتها و فوقيها موكيت ثم جلد
بالاضافة لكتم صوت الابواب
(تقرير مصور : كتم صوت ابواب سوزوكي التو عند الغلق)http://www.nilemotors.net/Nile/319927-a.html
و الليلة ديه خدت مني حوالي 6 ساعات متواصل ناهيكم عن اني قربت اشتغل سروجي و ميكانيكي في منطقتي و لا الجماهير المشجعيين في البلكونات
و بعد تجربة العربية الصوت بسم الله ما شاء الله اتكتم عن الأول و العربية واقفة او و انا سايق بعد ما كنت بحس اني الموتور قاعد ع التابلوه قدامي
بالاضافة اني مبقتش اسمع صوت النقر او الفتحات في الارض تاني و بقي الصوت مكتووم ( فكرتني بالعربيات الفيخمة ... لوللا أفخم من اي عربية يا أهبل )
طبعا كنت بفكر في عزل للابواب زيادة بجنب العزل الداخلي لكن قولت اشوف العزل لحد التابلوه و الكبوت هيعمل ايه و الحمد لله الصوت اتكتم و مش محتاج اعزل اكتر من كده
و بكده تم بفضل الله و حمده تغيير فرش السيارة و تحسين عزل الصوت
لكن المرة ديه بفكر في عزل مختلف شوية معرفش حد جربه قبل كده و لا لأ لكن مش هقولكم دلوقتي عليه هخليه مفاجأة P:
( ايه ايه ها ايه قول ها ايه ايه .... اخرررررررررررررررس )
بالتوفيق للجميع
رقم العضوية : 120598
تاريخ التسجيل : 17Feb2012
المشاركات : 7,632
النوع : ذكر
الاقامة : المنيا
السيارة: لا يوجد
السيارة[2]: Megane II 2007
دراجة بخارية: عجلة فاين آند فاين
الحالة :
تسلم يا باشا مجهود عالى جدا
سبحان الله والحمد لله ولا إله إلا الله ولا حول ولا قوة إلا بالله العلى العظيم
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
رقم العضوية : 120598
تاريخ التسجيل : 17Feb2012
المشاركات : 7,632
النوع : ذكر
الاقامة : المنيا
السيارة: لا يوجد
السيارة[2]: Megane II 2007
دراجة بخارية: عجلة فاين آند فاين
الحالة :
بعد الامتحانات هستلم العربية بإذن الله
أنا زى ما قلت لحضرتك أكتر حتة شاغلة بالى وأصعب أجزاء فى الفك هيبقى التابلوه وعزل التابلوه بالنسبة لى أهم لأن فى التقفيل التركى الطبقة الأخيرة مش بيحطوها
سبحان الله والحمد لله ولا إله إلا الله ولا حول ولا قوة إلا بالله العلى العظيم
رقم العضوية : 129790
تاريخ التسجيل : 29Sep2012
المشاركات : 31
النوع : ذكر
الاقامة : مصر
السيارة: بيجو 504
السيارة[2]: بيجو 504
الحالة :
الله ينور عليك اية الحلاوة دى ربنا يحفظك من اى سوء ويكرمك بزيارة النبى ان شاء الله وعلى فكرة انت تقريبا خلصت 80% من عزل شنطة البيجو 504 وفاضل الجلد ونفسى ارفع الموضوع بس مش عارف ازاى انزل صور للشغل اللى عملتة فاريت تدلنى علشان برضة اشوف رأى الناس اية ومقترحاتهم ادعو الله لك بدوام التوفيق والنجاح
رقم العضوية : 120598
تاريخ التسجيل : 17Feb2012
المشاركات : 7,632
النوع : ذكر
الاقامة : المنيا
السيارة: لا يوجد
السيارة[2]: Megane II 2007
دراجة بخارية: عجلة فاين آند فاين
الحالة :
ممكن تدخل على نايل أب
مركز تحميل نايل موتورز
وترفع بتختار صورة من على الجهاز وتختار موافق على الشروط وترفع
بعد ما بتترفع الصورة بيجيبلك كذا رابط تحتها انسخ رابط المنتديات وألزقه وأنت بتعمل الموضوع الصور هتظهر
سبحان الله والحمد لله ولا إله إلا الله ولا حول ولا قوة إلا بالله العلى العظيم
رقم العضوية : 72672
تاريخ التسجيل : 09Jun2010
المشاركات : 352
النوع : ذكر
الاقامة : الفيوم
السيارة: لا يوجد
السيارة[2]: اسبيرانزا a516
دراجة بخارية: لا
الحالة :
موضوع رائع تسلم ايدك
رقم العضوية : 41774
تاريخ التسجيل : 03Jun2009
المشاركات : 1,594
النوع : ذكر
الاقامة : egypt
السيارة: nassin
السيارة[2]: opel
دراجة بخارية: no
الحالة :
موضوع رائع وتحفه تسلم ايدك
وطريقتك فى الكتابه جميله اوى
ربنا يبارك لك فى عربيتك ويعطيك خيرها ويكفيك شرها
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
المفضلات