الموضوع: دمى محروق دمى و هموت من الغيظ حسبى الله و نعم الوكيل

المشاركة الأصلية كتبت بواسطة هيثم الدسوقى

حسبنا الله ونعم الوكيل

متزعلش على الفلوس ولا تحطها فى دماغك ربنا يعوضك عنها خير يارب ان شاء الله و اللى بياخد قرش من حرام بيدافع قصاده عشرة تكفير لذنبه فى الدنيا وبكره عقابه عند ربه هو أعلم بيه .

بس بعد كدا لما تحصل معاك حاجة فى العربية لاقدر ادخل اسأل واستفسر وكل واحد هيقولك تجربته عشان تبقى واقف قدام الصنايعى ما يستعبطش ويبهدل الدنيا عشان قرشين زيادة يحللهم قدامك

ربنا ينتقم منه ومن اللى زيه

المشاركة الأصلية كتبت بواسطة elawany13

لا حول ولا قوة إلا بالله
حسبنا الله ونعم الوكيل

المشاركة الأصلية كتبت بواسطة hesham ahmed

حسبي الله و نعم الوكييل فعلا حاجه تحرق الدم ,,, الصراحه مش عارف انا لو مكانك كنت هعمل ايه !!

المشاركة الأصلية كتبت بواسطة ahmed76

ياباشا ولا يهمك ولا تحرق اعصابك ودمك
ربنا هاينتقم لك منه ان شاء الله ... كفايه ان المنتدى كله يعرف مكان الورشه ومايتعاملش معاه.. واللى يعرف حد من المعادى يقوله

المشاركة الأصلية كتبت بواسطة sanhory

متزعلش نفسك

المهم بتاع تكيف حلو في المعادي يبقى عليك و على احمد سعيد اللي جمب جابكو هو دا انضف واحد في المعادي و في ناس بتجيلو من برا المعادي مخصوص

المشاركة الأصلية كتبت بواسطة youssef_nassef

يا باشا ولا يهمك وعموما صنايعيه التكييف أغلبهم بيبقوا نصابين علشان شغلهم موسمى

بص انا جربت واحد بتاع تكييف فى الهرم و كان كويس جدا و شغله نضيف بس معايا رقم صنايعى فى الورشه
اسمه كريم و تليفونه 01120124110

المشاركة الأصلية كتبت بواسطة horas3000

لا حول ولا قوة إلا بالله
و حسبي الله و نعم الوكيل فيه و امثاله

بس اسمحلي انت بتتحمل جزء من الغلط لانك سمعت كلامه و نفذت اللي قاله فورا
اقل ما يمكن عمله هو اخد راي تاني خصوصا لو التكلفه بتبقي عاليه كده
و للاسف ده تقريبا بقي شيئ حتمي لاننا عايشين في زمن الضمير فيه بقي option

والله يا جماعه ردودكوا ديه خلت الواحد يرتاح شويه و يحس انه مش لواحد و ان الواحد ليه اصحاب كتير بس والله عملت موضوع عن التكييف فى قسم التكييف بس محدش طبعا هيعرف التسريب جى منين الا اذا كان صنايعى ,,
اللى يضايق انه مش استكفى بانه كل حاجه عايز يغيرهالى بس ده كمان تطاول عليا و كان عايزها خناقه و مد ادين طبعا ما هو ف وسط صبيانه اقول ايه ربنا موجود هو القوى و الاكبر
بس انا بجد بقيت اكره انى اتعامل مع حد ملتحى من كتر ما شفت منهم
بس انا بقى هنا فالمنتدى حاسس انى بين اهلى بجد احساس حلو فعلا
زى برضه روحت لواحد بتاع عفشه اضحكوا بقى شويه عشان كان عندى دبدبه من ورا يمين
اسمعوا بقى قالى ايه
العربيه عايزه يابشمهندس
1- اربع مساعدين
و 2 كبالن
و كاوتش بارات امامى
و 2 شمعدان
و سوستيتين ورا
المهم بقى بيقولى و الصوت هيروح خالص !!!!!!!!!!!!!!!!
يعنى انت كده تعتبر غيرت العفشه كلهاااااا و عايز الصوت ميروحش
قالى ها ؟؟
قولتلو معييش فلوس لدا كل عله عموم الصوت بيونسنى :) وانا لوحدى و خدت بعضى و مشيت
و انا عارف هوا مساعد واحد بس اللى بايظ
هو تقريبا فاهم غلط عن المساعدين
بيقولى اصله بيزل و يطلع هههههههههههههههههه امال هو وظيفته ايه يبقى اجيب حجره احطها احسن اهى لا هتتطل تنزل ولا هتطلع
و عايز ياخد 300 جنيه مصنعيه
رد انت يا حسين ههههههههههههههههههههه

والله العظيم يا جماعه انا بجد فرحان اوى كفايه اوى انكم شرفتونى بردكم عليا ده عندى ميخلنيش زعلان لانكم ناس محترمه بجد
احلى صباح على احلى منتدى
غايه ما هناك انى بعمل الموضوع و عايز الناس كلها تاخد بالها من اللى بيحصل
الحوار انا لبسته خلاص بس بنبه الناس عشان محدش غيرى يلبسه