الموضوع: دمى محروق دمى و هموت من الغيظ حسبى الله و نعم الوكيل

ربنا يعوض عليك وللأمانة مش لازم تصدق كل حاجة هنا على النت يعني اسال كتير قبل ما تعمل أي شغل في العربية أنا كمان واحد كان عارض قطع غيار على النت ومسمي نفسه الشيخ وللأسف بيقول الحاجة استيراد وتمام 100% بس ورحت جبت منه وأنا من اسكندرية وهو من الهرم جبت اسكاترا كانت رخيصة جدا ب 400 جنيه وهنا الاستيراد ب800 جنيه والجديد ب 2000 جنيه دا للعربية فيات سينا وبعدين جبتها أول حاجة جينا نركبها في اسكندرية لقينا الدراعات مش بتاعتها وبعد ما ركبتها وخسرت مصنعية التركيب طلعت بايظة يعني مستعملة وخليع مش استيراد نزلت كل الزيت بتاع البور وتسببت في تلف طرمبة الباور اللي هب ب 700 جنيه بخلاف المواصلات اللي أنا غرمتها واتصلت عليه يومها وقلتله الاسكترا بايظة قال بتعتي هاتهالي وخدت معاد ورحت تاني من اسكندرية للقاهرة عشان أرجعها لقيت ابنه قال بابا مش موجود طيب والحل قال تيجي تاني تاخد الفلوس عشان مش معايا فلوس قلتله المواصلات رايح جاي ب70 جنيه هافضل رايح جاي عشان 400 جنيه كفاية خسرت مصنعية 200 وطرمبة باور 700 غير الزيت قال هوه دا اللي عندي دخلت صليت الجمعة في مسجد أمام المحل (محل الشيخ) وبعد الصلاة اشتكيت للإمام وحكيتله وقلتله أنا مدرس مساعد في جامعة الأزهر كلية الشريعة والقانون ووريته البطاقة يعني مش نصاب الراجل قال فلوسك عندي واتصل بيه بعد سبوع وجاب الفلوس وبعتهالي في البوستة جزاه الله كل خير طبعا الشيخ ممكن ما يكونش عارف ان القطعة بايظة ويكون كان مش موجود وعنده ظروف منعته يرجعلي الفلوس في الميعاد بس أرجع وأقول حرس وملا تخونش يعني ما تدفعش الفلوس الا لما تجرب على الأقل. دي حاجة والحاجة التانية كانت إهمال من الصنايعي لأني اشتريت اسكترا جديده ب2000 جنيه وطرمبة باور ب 700 جنيه والصنايعي الله يسامحوا كان خرطوم الزيت بتاع الباور اللي بياخد من القربة للطرمبة الجديدة قصير عليها كانت مختلفة شوية عن القديمة طبعا مكلفش نفسه يقولي هات خرطوم جديد يكون أطول وركبه بالعافية وبعد شهر تقريبا واحد شحت العربية من وطلع بيها وفضلت معاه 12 ساعة لما رجع لقيت الزيت فاضي والخرطوم مقطوع والباور كله باظ تاني شووووووووف انت بقا اللي يشوف بلاوي الناس تهون عليه بلوته وحسبنا الله ونعم الوكيل

اعتقد ان التكلفه لو قربت من نصف ثمن الجديد يبقى الجديد اريح والقديم يبقى قطع غيار وممكن تتصلح على رواقه وهى خارج العربيه وترجع زى الفل بتكلفه ارخص بكتير من وهى فى العربيه